تذكرنــي
التسجيل التعليمـــات التقويم البحث مشاركات اليوم اجعل كافة الأقسام مقروءة
يمكنك البحث فى الموقع للوصول السريع لما تريد



كلام فى الممنوع اعرض و تناقش معنا فى موضوعاتك الثقافية العلمية

مشاهدة صفحة طباعة الموضوع مشاهدة صفحة طباعة الموضوع أرسل هذا الموضوع إلى صديق أرسل هذا الموضوع إلى صديق


باقي موضوع كيفية محاربة العادة السرية

انا جتلكم النهاردة بالجزء التاني من موضوع كيفية محاربة العادة السرية يارب تستفادوا منة كلكم ثانيا : الحلول الأيجابية : اما المعالجة الأيجابية فهى

اضافة رد

 
أدوات الموضوع انواع عرض الموضوع

رقم المشاركة : ( 1 )
الصورة الرمزية روبي دلوعة بابا
روبي دلوعة بابا
ارثوذكسي شغال
روبي دلوعة بابا غير متواجد حالياً
 
رقم العضوية : 38568
تاريخ التسجيل : Nov 2008
مكان الإقامة :
عدد المشاركات : 52
عدد النقاط : 10
قوة التقييم : روبي دلوعة بابا is on a distinguished road
Media باقي موضوع كيفية محاربة العادة السرية

كُتب : [ 11-08-2008 - 06:34 PM ]


انا جتلكم النهاردة بالجزء التاني من موضوع كيفية محاربة العادة السرية
يارب تستفادوا منة كلكم




لقراءه موضوع الجزء الاولكيفية محاربة العادة السرية هنا


ثانيا : الحلول الأيجابية :
اما المعالجة الأيجابية فهى معروفة وهى الحياه فى جو روحى كامل بعيد تماما عن هذا العالم الشرير :
أهم حاجة تبدا بيها انك تدخل الاوضة بتاعتك وتقفل باباها وتقف قدام ربنا تكلمه بكل صراحة عن ضعفاتك وتقوله انا نفسى أرجعلك يارب وأبقى كويس وارضيك وافرح قلبك . انا يارب مش بخونك لما بعمل الخطية لكن انا ضعيف وبعملها غصب عنى . بعملها عشان هى مسيطرة عليا مش عشان انا بحبها .... (( صلى لربنا بكل حاجة انت حاسسها ......))
وبعد لما تصلى جاهد لتنفيذ هذه النقاط :
1. لازم اب اعترافك يحددلك قانون صلاة يومى من الأجبية ولازم تلتزم به امام الله واب اعترافك واليوم اللى تخالف فيه القانون ده ولم تتممه كاملا يعتبر عليك خطية ويجب ان تعترف بيها.
لازم تفهم ان اهم حاجة فى الحياه الروحية هى الصلاة ومفيش جهاد اعظم منها . هى الفضيلة الوحيدة اللى بتربطك بربنا . وصدقنى لو تعودت الوقوف امام الله فى الصلاة هتخجل من انك تعمل الخطية . أبدأ بقانون بسيط لكن لازم تبدأ ويكون لك قانون صلاة تنمو فيه مع الأيام. " صلوا لكي لا تدخلوا في تجربة ( لو 22 : 40 ) "2.

الأنتظام على الأعتراف على الأقل مرة شهريا وعايز اقولك حاجة مهمة . انك لازم تعترف بكل شئ صغير وكبير وتثق ان كل خطية انت بتعترف بيها قدام ابونا فى نفس اللحظة دى شيطان الخطية دى بيتحرق وبتتحرر منها لكن اى خطية انت هتخجل تعترف بيها هتفضل مستعبد ليها . "ان اعترفنا بخطايانا فهو امين و عادل حتى يغفر لنا خطايانا و يطهرنا من كل اثم ( 1يو 1 : 9 ) "

3.التناول مرة فى الأسبوع على الأقل . التناول نعمة لا تقدر بمال وكل يوم موجودة قدامنا على المذبح خلاص لنفوسنا وارواحنا وأجسادنا " من ياكل جسدي و يشرب دمي فله حياة ابدية و انا اقيمه في اليوم الاخير ( يو 6 : 54 ) "

4. قراءة الكتاب المقدس بصفة يومية وبأنتظام وبترتيب فى القراءات وليس قراءات عشوائية . وتحويل هذا الكتاب إلى حياه . على الأقل تاخد ايه كل يوم من قراءاتك وتحفظها وتحاول تطبيقها . وياريت كمان لو استعنت بتفاسير فى اى جزء تقراه عشان القرأه بتفاسير بتكون أعمق واقوى " هلك شعبي من عدم المعرفة ( هو 4 : 6 ) "

5. القراءات الروحية مهمة جدا وخصوصا فى سير القديسين والشهداء وخصوصا القديسات والشهيدات عشان تقدر تعرف وتدرك ان فى نساء كتير عاشوا الطهارة وعشان تساعد افكارك اللى تلوثت بالمناظر الجنسية ان المرأه مش مخلوقة للجنس لكنها قدرت تبقى قديسة وشهيدة . " لهذا تضلون اذ لا تعرفون الكتب و لا قوة الله ( مر 12 : 24 ) "

6. القراءة عن الأبدية والدينونة فأن الذى لا تربطه المحبة بالله قد يربطه به الخوف . وان كان الخوف درجة أقل ولكنه يصلح ان يكون فى موضوعنا هذا كدرجة إبتداء " رأس(بداءة) الحكمة مخافه الرب (مز 111: 10 ) " أقرأ عن الملكوت والموت والدينونة وعقوبة الأشرار أقرأ عن النفس ومصيرها وحالتها فى مكان انتظارها . واحضر الجنازات وسير فى مواكب الموتى وعزى أسر المنتقلين .. والأثر العميق الذى يتركه فى نفسك كل ده لا تضيعه سريعا وانما استغله لتجلس إلى نفسك وتفكر فى مصيرك وتعمل أعمال تليق بالتوبة .

7. اتفرج على افلام دينية كتير . سير القديسين والأفلام هتزرع فيك شهوة للحياه المقدسة والعيشة زى القديسين . عايز اقولك ان الأفلام دى جميلة جدا وبتوصلك حاجات مهمة مش ممكن تعرفها عن القديسين غير لو شفت افلامهم ... كمان فايدة الأفلام الدينية انها هتغنيك وتحل مكان أفلام السينما الهيفة بتاعت اليومين دول . " انظروا الى نهاية سيرتهم فتمثلوا بايمانهم ( عب 13 : 7 ) "

8. الألتزام بكل صيامات الكنيسة طوال السنة . وتأكد ان الأيام اللى هتكون صايم فيها دى هيا اقوى فترة روحية هتكون ليك لأن الصوم ده ذبيحة حب لربنا . وخد بالك ان الصيام لازم يكون فيه فترة انقطاع عشان الصوم من غير أنقطاع ميبقاش صوم . " ليس بالخبز وحده يحيا الانسان بل بكل ما يخرج من فم الرب يحيا الانسان ( تث 8 : 3 ) "

9. واظب على حضور اجتماعات فى الكنيسة سواء اجتماع شباب او اجتماع عام لآنك هتسمع فيها كلام ربنا وهتشترك فى مسابقات تشغل وقت كتير عندك وهتتعرف على اصدقاء من الكنيسة ناس كويسين يساعدوك انك تلاقى أصدقاء حقيقين ويقربوك لربنا اكتر. " لانه حيثما اجتمع اثنان او ثلاثة باسمي فهناك اكون في وسطهم ( مت 18 : 20 ) "

10. حاول تشترك فى اى خدمة بسيطة فى الكنيسة على الأقل فى البداية لو مش متعود على الخدمة . شوف خدمة مثلا مواعيدها مرة فى الأسبوع . بس لازم تخدم عشان تخرج من القوقعة اللى انت عايشة فيها دى . " وحيث اكون انا هناك ايضا يكون خادمي ( يو 12 : 26 ) "

11. أهتم انك دايما تشغل ترانيم فى البيت والحان ومزامير عشان دى بتطرد الشياطين من البيت بدل ما تشغل الأغانى اللى ممكن تزرع فيك افكار تضرك وتدخلك الشياطين . ثق انك طول ما انت بتعيش نفسك فى اى حاجة تبع العالم يبقى الشيطان موجود معاك وشغال .

12. التأمل أمام ايقونة لصليب رب المجد يسوع المسيح . ضع صورة كبيرة فى حجرتك للسيد المسيح وهو على الصليب وتأمل فيها وكيف تحمل الأهانة والتعيير والصلب لكى يعطيك حياه نقية جديدة وانت بجهلك لوثتها " مجروح لاجل معاصينا مسحوق لاجل اثامنا ( اش 53 : 5 ) "

13. اخر حاجة هقولهالك ودى اهم حاجة بقى اللى بيها هتقدر تحافظ على كل جهادك الروحى فى النقط السابقة . انك لما تقرر التوبة والرجوع أكيد الشيطان مش هيسيبك خالص وهيفضل يحاربك ويفكرك بالخطية ولذتها عشان ترجع تانى ويوقعك .. فعشان بقى تقاوم الحرب دى من اولها وتتغلب عليها فى البداية لآنك لو سبت نفسك للفكر يستمر معاك نهايتك هتكون السقوط .. ولذلك هقولك نصائح الشيخ الروحانى القديس يوحنا سابا عن كيفية محاربة شيطان افكار النجاسة والشهوة من بدايتها عشان تقدر تنتصر :
اول لما تحس ان الشيطان بدأ يفكرك باى خطية ترسم نفسك بعلامة الصليب كتير وانت بتردد بأسم الصليب باسم الصليب باسم الصليب كتير وكذا مرة تقولها
وترسم علامة الصليب كمان على الأربع اركان الحجرة اللى انت قاعد فيها ولازم تثق انك وانت بتعمل كده الشياطين اللى حواليك بتتحرق بالنار من علامة الصليب الى بترسمها وكتير من اباء البرية كان ربنا بيفتح عيونهم ويخليهم يشوفوا الشياطين وهى بتتحرق بالنار لما بيرسموا علامة الصليب عليهم

واثناء محاربتك للشياطين دول وانت بترسم علامة الصليب على نفسك وعلى الحجرة بأستمرار فى ثلاثة اشخاص لازم تنادى عليهم عشان يلحقوك وتتشفع بيهم
التلاتة دول : الملاك ميخائيل والشهيدة مارينا والشهيدة يوستينا
التلاتة العمالقة دول بالذات كل الشياطين بتترعب بس من مجرد ذكر اساميهم عشان كان ليهم مواجهات مباشرة مع الشياطين وسحقوهم فيها وخصوصا قوى الملاك ميخائيل مرعب الشياطين. وتأكد ان اول لما تنادى عليهم هيجوا فى لحظتها ويربطوا كل الشياطين اللى بتحاربك ويولعوا فيهم بالنار ويساندوك .

كمان تردد اسم ربنا يسوع كتير (( ياربى يسوع ارحمنى انا الخاطي – ياربى يسوع اعنى انا الخاطي – ياربى يسوع انقذنى انا الخاطي ........... ))
ومهم انك تسكب نفسك لربنا فى الصلاة وتطلب منه بلجاجة انه يرحمك ويرفع عنك عشان انت ضعيف محتاج معونتة وقوتة تسندك

عايز انبهك لحاجة مهمة كمان ..... انك كنت أبن للشيطان ودلوقتى انت عايز تكون ابن لربنا
ومش ممكن الشيطان هيسيب تعبه الفترة اللى فاتت دى كلها يضيع كده بسهولة لما تتوب وتبعد عن طريقه الدنس
عشان كده الحرب الفترة الأولى دى هتكون عنيفة عليك . وانا مش بخوفك بالعكس انا بقولك عشان تحضر نفسك كويس للحرب واقرأ الموضوع ده كذا مرة وركز فى نقاطه وخصوصا نصايح القديس يوحنا سابا عشان لو التزمت بيها هتحافظ على حاجات كتير قوى

انا عارف ان كلامى صعب ومش سهل يتنفذ وعارف انك بتعمل الخطية غصب عنك عشان نفسك تعمل الصح ومش قادر .. لكن ثق اننا بانفسنا ضعاف جدا لكن طالما بندخل ربنا معانا فى كل حرب وبنادى عليه ونستغيث به أكيد مش هيسبنا نسقط لأننا ولاده .

خليك فى جهادك واثبت فيه إلى ان تنتشلك يد الله ... وثق ان ربنا شايف كل حاجة وكل جهاد بتعمله من اجله وهو حافظه عنده ومش ناسيه وهيكافئك عليه .لكن لو حصل وانت فى طريق جهادك وسقطت إياك نهائى من اليأسلا تيأس ابدا فى جهادك مهما بدت الحرب صعبة عليك

انا عايزك وانت فى عز ضعفك وانت لسه عامل العادة السرية دلوقتى تقف تصلى لربنا.. صدقنى دة اكتر وقت ربنا يستجيب فية. عارف لية ؟؟؟ لان شيطان اليأس اللى هو اعظم شيطان فى الشياطين كلهم . مش بيجى للانسان غير بعد ما يقع ويغلط وانت لما تقف تصلى بعد الخطية على طول بتهزم اقوى شيطان ممكن يسيطر عليك ومش بس كدة دة انت بتاخد اكليل كمان بصلاتك لربنا وهو ((أكليل الرجاء)) شوفت ربنا دة حنين قد ايه .. الواحد يبقى لسة جارحه بخطيتة لكن مجرد انة يجى يكلمة.. ربنا يديله اكليل على طول .

وإياك ان شيطان اليأس يزرع فيك افكار انك إزاى يكون لك وش تقف قدام ربنا وانت لسه عامل الخطية واهانته . لازم تفهم ان ربنا مش بشر زينا عشان لما تغلط فيه ميعبركش تانى لكنه أب حنون بيحب ولاده ولو ولاده غلطوا فيه بيستنى يرجعوا يتأسفولوا مش ينفصلوا عنه خالص

وعلى فكرة الكلام اللى بقولهولك دة مكتوب فى قصة فى كتاب(بستان الرهبان) كانت قصة راهب متوحد فى مغارة وكل يومين تلاتة يجيلة الشيطان فى هيئة امرأة جميلة ويغريه ويوقعة فى الزنا وبعد ما الشيطان يسيبة ويمشى ... الراهب يركع ويصلى لربنا ويبكى بالدموع وكان فعلا بيقدم توبة حقيقية عشان ربنا يساعده وكان الراهب ده يقول للشيطان لما يسيبه (( انت بتضرب بسلاح الزنا والنجاسة وانا بضرب بسلاح الرجاء فى رحمة ربنا لحد لما نشوف مين اللى هيكسب فى الأخر .. نجاستك ولا رحمة ربنا )) لكن بعد يومين يجيلة تانى الشيطان و يوقعة فى الزنا بسبب ضعفة ولما الشيطان يمشى ... الراهب يقف يصلى ويبكى بعد الشيطان مايخرج. فضل على الحال دة 17 سنة .. تخيل !!!
وبعد 17 سنة ظهر الشيطان للراهب دة على هيئتة الحقيقية السودا البشعة وقالة (( انت اية يا أخى ... مش عايز تيأس من خلاص نفسك. انا خلاص قررت اسيبك لانى لو استمريت معاك اكتر من كدة هديلك اكليل الرجاء بدل ما كنت جاى اخد منك اكليل ابديتك )) ومن بعدها ربنا رفع عنه الحرب دى وعاش فى قمة الطهارة والعفة إلى ان تنيح بسلام .

معلومة مهمة وأخيرة لازم تكون واثق فيها أثناء حربك وجهادك ان فى ملايكة وقديسين كثيرين يتشفعون ويصلون لك دون ان تطلب منهم لآن كل ما يشغل السمائيين هو ان الأرضيين يخلصوا " فقال لا تخف لان الذين معنا اكثر من الذين معهم ( 2مل 6 : 16 ) "

+ جهز نفسك من دلوقتى وقدس أفكارك وأعضائك حتى تستحق ان تلبس الثياب البيض وتضرب بقيثارة الروح وترنم الترنيمة الجديدة أمام عرش النعمة مع كل القديسين اللى سبقونا للسما تلك الترنيمة التى قال عنها يوحنا الحبيب أنه لم يستطع احد ان يتعلمها إلا " الذين لم يتنجسوا مع النساء لانهم اطهار ، هؤلاء هم الذين يتبعون الخروف حيثما ذهب ( رؤ 14 : 4 ) "
بتمنى تستفيد بكل حرف فى الموضوع ده عشان ده فيه خلاص نفسك وعايزك تثق ان اللى كاتبلك الكلام ده ربنا بنفسه هو اللى بعتهولك انت شخصيا .
ربنا معاك ويحافظ عليك ويعوضك فى ملكوته



التعديل الأخير تم بواسطة elphilasouf ; 11-09-2008 الساعة 06:07 PM
رد مع إقتباس
Sponsored Links
بياناتي
 رقم المشاركة : ( 2 )
elphilasouf
ارثوذكسي ذهبي
رقم العضوية : 15515
تاريخ التسجيل : Feb 2008
مكان الإقامة : ismailia , egypt
عدد المشاركات : 12,328
عدد النقاط : 81

elphilasouf غير متواجد حالياً

افتراضي رد: باقي موضوع كيفية محاربة العادة السرية

كُتب : [ 11-09-2008 - 05:55 PM ]


ميرسي كتير يا روبى ع اهتمامك
وتنزيل الجزي التانى من الموضوع
ربنا يعوض تعبك الحلو ده
وانا مفيش تعب عليا او حاجه خالص
انا مسعدتش باي حاجه خالص

رد مع إقتباس
بياناتي
 رقم المشاركة : ( 3 )
روبي دلوعة بابا
ارثوذكسي شغال
رقم العضوية : 38568
تاريخ التسجيل : Nov 2008
مكان الإقامة :
عدد المشاركات : 52
عدد النقاط : 10

روبي دلوعة بابا غير متواجد حالياً

Media رد: باقي موضوع كيفية محاربة العادة السرية

كُتب : [ 11-09-2008 - 08:39 PM ]


اقتباس
المشاركة الأصلية كتبت بواسطة elphilasouf مشاهدة المشاركة
ميرسي كتير يا روبى ع اهتمامك

وتنزيل الجزي التانى من الموضوع
ربنا يعوض تعبك الحلو ده
وانا مفيش تعب عليا او حاجه خالص

انا مسعدتش باي حاجه خالص








ميرسي ليك ياجورج ياقمرعلي ذوقك بس بلاش تواضع بقي لاني مكنتش هاعرف انزل الجزء التاني فعلا الا بمساعدتك
بجد ميرسي وربنا يفرح قلبك

رد مع إقتباس
بياناتي
 رقم المشاركة : ( 4 )
elphilasouf
ارثوذكسي ذهبي
رقم العضوية : 15515
تاريخ التسجيل : Feb 2008
مكان الإقامة : ismailia , egypt
عدد المشاركات : 12,328
عدد النقاط : 81

elphilasouf غير متواجد حالياً

افتراضي رد: باقي موضوع كيفية محاربة العادة السرية

كُتب : [ 11-10-2008 - 12:33 AM ]


تواضع مين ده بس
انا لو عشان اخدت جزء من الموضوع وبعتهولك وقولتلك تنزيله فى موضوع لوحده
ابقى عملت حاجه
امال انتى ياللى جبتى الموضوع الحلو ده
تبقى عملتى ايه

ميرسي جدا تانى لموضوعك ومستنيين المزيد
ربنا يباركك ويعوضك

رد مع إقتباس
بياناتي
 رقم المشاركة : ( 5 )
اس اسامة عوض
ويكاااااااا
رقم العضوية : 9322
تاريخ التسجيل : Dec 2007
مكان الإقامة :
عدد المشاركات : 1,896
عدد النقاط : 10

اس اسامة عوض غير متواجد حالياً

افتراضي رد: باقي موضوع كيفية محاربة العادة السرية

كُتب : [ 11-11-2008 - 01:55 PM ]


من لا عمل لة يوجد ابليس عما لة
الانسان كل ما يجاهد فى عمل الخير
والشغل ابليس مش هيلاقى مكان فى حياتو


رد مع إقتباس
بياناتي
 رقم المشاركة : ( 6 )
روبي دلوعة بابا
ارثوذكسي شغال
رقم العضوية : 38568
تاريخ التسجيل : Nov 2008
مكان الإقامة :
عدد المشاركات : 52
عدد النقاط : 10

روبي دلوعة بابا غير متواجد حالياً

Media رد: باقي موضوع كيفية محاربة العادة السرية

كُتب : [ 11-13-2008 - 12:10 AM ]


[quote=اس اسامة عوض;293828]من لا عمل لة يوجد ابليس عما لة



اللة بجد كلمة جميلة جدا جدا جدا
ربنا يباركك ويعوضك
ميرسي ليك علي ردك ياقمر


رد مع إقتباس
بياناتي
 رقم المشاركة : ( 7 )
ZEZOMERO
ارثوذكسي برونزى
رقم العضوية : 12310
تاريخ التسجيل : Jan 2008
مكان الإقامة :
عدد المشاركات : 3,161
عدد النقاط : 12

ZEZOMERO غير متواجد حالياً

افتراضي رد: باقي موضوع كيفية محاربة العادة السرية

كُتب : [ 11-13-2008 - 12:16 AM ]


بجد موضوع جميل اوى
يا روبى وشكرا لتعبك فى تنزيلو انتى وفيلو

موضوع جميل زى الجزء الاول

رد مع إقتباس
بياناتي
 رقم المشاركة : ( 8 )
روبي دلوعة بابا
ارثوذكسي شغال
رقم العضوية : 38568
تاريخ التسجيل : Nov 2008
مكان الإقامة :
عدد المشاركات : 52
عدد النقاط : 10

روبي دلوعة بابا غير متواجد حالياً

Media رد: باقي موضوع كيفية محاربة العادة السرية

كُتب : [ 11-13-2008 - 12:14 PM ]


اقتباس
المشاركة الأصلية كتبت بواسطة zezomero مشاهدة المشاركة
بجد موضوع جميل اوى

يا روبى وشكرا لتعبك فى تنزيلو انتى وفيلو


موضوع جميل زى الجزء الاول

ميرسي ليك ياقمر علي ردك ومشاركتك
وربنا يفرح قلبك

رد مع إقتباس
بياناتي
 رقم المشاركة : ( 9 )
عادل كمال
ارثوذكسي جديد
رقم العضوية : 38004
تاريخ التسجيل : Oct 2008
مكان الإقامة :
عدد المشاركات : 1
عدد النقاط : 10

عادل كمال غير متواجد حالياً

افتراضي رد: باقي موضوع كيفية محاربة العادة السرية

كُتب : [ 11-20-2008 - 04:42 PM ]


فعلا جميل جداهذه الحلول الايجابية والسلبية وأنا شخصيا كأمين خدمة ثانوى وتعرضت لهذة المواضيع كتير واتكلمت فيها كتير لكن بأمانه اتبسطت جدا من الجزئين وطريقة عرضهم وترتيب أفكارهم وان شاءالله سوف أقتبس منهم فى المرات القادمة بعد إذن حضرتك وربنا يعوض تعب محبتكم على إستفادتنا من هذا المندى الجميل وشكرا


رد مع إقتباس
بياناتي
 رقم المشاركة : ( 10 )
روبي دلوعة بابا
ارثوذكسي شغال
رقم العضوية : 38568
تاريخ التسجيل : Nov 2008
مكان الإقامة :
عدد المشاركات : 52
عدد النقاط : 10

روبي دلوعة بابا غير متواجد حالياً

Media رد: باقي موضوع كيفية محاربة العادة السرية

كُتب : [ 11-21-2008 - 05:09 PM ]


اقتباس
المشاركة الأصلية كتبت بواسطة عادل كمال مشاهدة المشاركة
فعلا جميل جداهذه الحلول الايجابية والسلبية وأنا شخصيا كأمين خدمة ثانوى وتعرضت لهذة المواضيع كتير واتكلمت فيها كتير لكن بأمانه اتبسطت جدا من الجزئين وطريقة عرضهم وترتيب أفكارهم وان شاءالله سوف أقتبس منهم فى المرات القادمة بعد إذن حضرتك وربنا يعوض تعب محبتكم على إستفادتنا من هذا المندى الجميل وشكرا


ميرسي جدا ليك يا عادل علي مرورك وردك الجميل
وميرسي ليكوا كلكم علي تشجعكم ليا
وربنا يعوض تعب محبتكم

رد مع إقتباس

اضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
أفكار مفيدة و جديده لبرنامج الفوتوشوب adobe photoshop ماروجيرافك منتدى تعليم الفوتوشوب ودروس وملحقات 4 02-14-2013 10:39 AM
كيفية محاربة العادة السرية روبي دلوعة بابا كلام فى الممنوع 33 10-30-2009 02:41 AM
قصيدة للشاعر الكبير جمال بخيت ... مش باقي مني مينا القمص يونان القسم الادبي 3 06-24-2009 12:18 AM
نتائج شهر يونيو في نجوم ارثوذوكس bolalover صندوق مناقشات الاعضاء 23 07-01-2008 01:03 AM
اول نجوم اورثوزكس MICKEY البرامج والخروجات الخاصة بالاعضاء 33 06-08-2008 03:43 AM

Rss  Rss 2.0 Html  Xml Sitemap SiteMap Info-SiteMap Map Tags Forums Map Site Map


الساعة الآن 05:38 PM.