[BESHO BAVARIOS]

مساء الخير عليكوا النهارده عايز اكلمكم فى موضوع مهم جدا جدا لكن مش عايز اتكلم كتير عنه
هي قناة التى ليس لها صله من قريب او من بعيد من المسيحيه تبث من خارج مصروهذه القناه تشتم علانية الاخوه المسلمين وتهاجمهم وهذا السلوك ليس سلوكنا بجد حاجه تحزن والمحزن أكثر هو ان
منذ بث هذه القناه ومعظم المسيحين يتهاتفون على معرفة ترددها
فأمس اتصل بى احد اصدقائى ليقول لى ايه تردد قناة الحقيقه يا بيشوى فرديت عليه وقلتله عيب بجد دينا معلمناش كده خالص وقفلت معاه المكالمه وانا مستغرب المسيحين اللى بيتفرجوا على مثل هذه القنوات يعنى مش فاهم بيسمعوا كلام البابا فى كل حاجه الا دى مش فاهم ليه بدل ما أحنا ندور على ابديتنا ونستغل الوقت ده فى اننا نقرا شويه فى الانجيل نعمل اى حاجه مفيده
يا رب بجد الناس تعقل وكفايه لحد كده الشيطان يضحك علينا
يارب نور حياتنا .
مستنى ردودكم يا احلى اعضاء

المصدر: †† ارثوذكس †† - من قسم: كلام فى الممنوع

[elphilasouf]

"أما المباحثات الغبية و الأنساب و الخصومات و المنازعات الناموسية فإجتنبها لأنها غير نافعة و باطلة" تي 3 : 9

[BESHO BAVARIOS]

شكرا يا فيلو على المتابعه والردود ربنا يباركك

[كيرو رافت]

صدقنى ساعات كتير بعزر الاخوة المسلمين حتى المتعصبين منهم
فيما يفعلونه من هدم وقتل وحرق
بسبب ماتبثه هذه القنوات الغبيه
يعنى ازاى اسكت وانا شايف قناه لاتفعل اى شئ سوى انها تهاجم دينى
وتسبنى وتشتمنى بابشع الالفاظ
بجد حاجه تكسف اننا دين المحبه والتسامح وعدم الادانه
وفى النهايه يخرج علينا من يخرج لسانه لنا للمسيحيين قبل المسلمين
ويتحدث الينا بطريقه ركيكه واسلوب اقل ما يقال عنه انه اسلوب قذر
ربنا يرحمنا من الهجمات العالميه علينا

[BESHO BAVARIOS]

شكرا ليك يا كيرو ربنا يباركك

[هابى22]

شكراااااااااااا جداااااااااااا علي لفت النظر المهم ده
عامل الاخرين كما تريد ان يعاملوك!!!!!!!!!!!!!!
حريتك في التعبير تنتهي عند ايزاء الاخرين!!!!!!!!!!!!!
لو اي احد مكان الناس اللي بتتشتم بالشكل ده ايه هيكون رد الفعل؟
وبعدين مسيحنا معلمناش اهانت الاخرين وجرح من حولنا فحريت التعبير متدناش حق اهانت الاخرين ويجب علي ابن المسيح التعامل بكلام المسيح (لكي يروا اعمالكم الصالحه فيمجدوا اباكم الذي في السموات)يجب علي ابن المسيح ان يكون قدوه في اعماله وافعاله وتصرفاته لكل من حولناااااااااا النقاش وحريه الراي مش بالشكل ده ونقول احنا اولاد المسيح . والمسيح والمسحيه بريئه من افعالهم وتصرفاتهم التي تهين المسحيه
الرب يبارك تعب محبتك
صلي من اجلي

[elphilasouf]

البشارة بالمسيح لا تكون بحكمة الكلام ولا بقدرتنا علي الأنتصار في المجادلات ..
وإنما تكون بقوة عمل الروح القدس فينا وبكلامه المحي ...

علي كلاً البشارة بالسلوك والإنجيل المعاش هي الأقوي والأحسن للكرازه ، وليس بقدرات كلام ....

حتي أنا بولس الرسول نفسه لما يتجنب للنقاشات والمجادلات إلي في حالات خاصه جدا جدا ، وكانت كمدخل أو بدايه ،
لكن بعدها لم يكن كلامه الإ كما أوضح "وكلامي وكرزاتي لم يكونوا بكلام الحكمة الإنسانيه المقنع ، بل ببرهان الروح والوقة ، لكي لا يكون إيمانكم بحكمة الناس بل بقوة الله" 1(كو 2 :4-5 )

صدقني يا بيشوي ده كمان نوع من الإرهاب ، فأن كنا نفتخر بعدم وجود أرهاب بإسلحه لكن في بيننا أرهابيين بالكلام ، أشكرك يا بيشوي علي موضوعك الحلو .

[BESHO BAVARIOS]

شكرا ليك يا هابى لمتابعتك وردك الجميل
شكرا كتير ليك يا فيلو ميرسى بجد على اهتمامك وردودك الجميله

[agab]

بجد الله ينور عليك يا مان فعلا ان القناه دي لا تمت للمسيحيه باي صله

[david201050]

ياجماعة خلونا في دينيا المسيحي وبلااش نتقد اي شخص فية ربنا موجود هو يدين البشر مش البشر تدين البشر لا تدينو لكي لاتدانو وياريت نمشي ع قوانين اورزوزكس يبقي افضل وربنا يباركك بيشوي