[جوسى]

اولا مساء الخير وحشتونى جدا انا عارفه انى مقصرة معاكو و مقصرة فى حق المنتدى بس سامحونى ظروف خارجع عن ارادتى

ثانيا اللى هيقرا الموضوع ده اتمنى انى اشوف مشاركته لان رأى كل واحد فينا مهم



بصراحه و باختصار موضوعى انهارده عن حالنا اللى احنا عايشين فيه ده

بمعنى اننا و بكل صراحه بنقل يوم عن يوم
ناس بتتقتل و ناس بيخطفوها

و ناس بيجبروها انهم يعملو حاجات مش عايزة اوضح اكيد انتوا فاهمين قصدى


واكيد انتوا متابعين الاحداث الاخيرة اللى حصلت فى كنيستنا او فى اقباط مصر

اربعه اتقتلوا وبعدها هجوم بالرصاص على دير و تدمير و هدم و خطف رهبان و خطف بنات

و بقينا عايشين فى رعب و خايفين حتى نمشى فى عز النهار

انا عايزة اعرف رأيكوا ايه فى حالنا ده

ياترى هى دى بدايه المتاعب والاوجاع
و لا ده غضب ربنا علينا
ولحد امتى هنفضل فى التعب ده

انا جوايا كلام كتير و مش قادرة اتكلم
عايزة اعرف رأيكو
انا اسفه طولت عليكو و اتمنى انكوا تكونوا فهمتوا قصدى

و مستنيه أرائكو و ربنا معاكو و يحافظ عليكو و يحميكو

المصدر: †† ارثوذكس †† - من قسم: الموضوعات الشبابية

[M@@@NOOOO]

فعلا ياجوسى
دى بدايه المتاعب والاوجاع
قتل واختطاف وسرقه وغلا فى الاسعار بطريقه غريبه
ومحدش بقى مستحمل حد
بجد الواحد زهق جدا
واحلى واضمن حل لينا
مفيش غير يسوع فاديناا
هو اللى فعلا يقدر يحمينااااا
ميرسى لموضوعك الرائع ده
وربنا يبارك حياتك ويحافظ على كل اولاده

[جوسى]

ميرسى ليك يا مانو

بس عندك حق ربنا بس هو اللى هيقدر يحمينا

اشكرك و فى انتظار المزيد

[keroo82]

نقول لهؤلاء كفاكم ظلم للاقباط فهناك اله عادل لم ولن يرضيه هذا الظلم ولن يسكت علي دماء هؤلاء الضحايا واقرءوا التاريخ جيدا وانظروا الي نهاية كل من ظلم او ساعد في ظلم الاقباط فنحن نصلي الي الرب ونلمتس منه العدل لانه هو الاله العادل في بلد ومجتمع ضاع منه العدل والحق واصبح الظلم هو المنطق السائد ضد الاقباط ,نصلي الي الله ونقول له مع دماء الشهداء الذين قتلوا ظلما وعدوانا من اعوان ابليس (( حتى متى ايها السيد القدوس والحق لا تقضي وتنتقم لدمائنا من الساكنين على الارض))رؤ 6:9
نصلي من كل قلوبنا ان يتعامل الله مع هؤلاء المعتدين كحسب حكمته وحسب اعمالهم فالصلاة اقوي سلاح والصلاه هي سلاح الاقباط الاول والاهم ثم تاتي المطالبه سلميا بالحقوق ورفع الظلم والمطالبه بالعدل الضائع ومحاكمة كل مسئول مقصر او معتدي مجرم ,فلا يجب علينا ان نقف هكذا ونترك الظالم يظلم والقاتل يقتل والارهابي يعتدي ويخرب يجب علينا ان نقول لهؤلاء كفا ظلما بنا ,
وختاما
نقول للاقباط الضحايا كلمات قداسة البابا التي قالها منذ حوالي خمسة وخمسون عاما في حوادث مشابهه تم فيها حرق الاقبااط احياء في مدينه السويس من قبل الارهابيين ايضا حيث قال
وانت ايها الشعب القبطي ليس الحــــرق (( او القتل والتخريب والاعتداءات وهدم الكنائس والاديره وخطف القاصرات واغتصابهن والتواطؤ الامني وغياب العدل ...الخ )) بجديد علينا .. بل أن تاريخك فى الإضطهاد حافل بأمثال هذه الحوادث وبما هو أبشع وأقسى , والمسيحية فى مصر سارت فى الطريق الضيق منذ إستشهاد كاروزها مار مرقس الرسول عبر الأجيــال الطويلة قاست : الحــرق , والصلب , والرجم , والجــلد , والعصر , والإلقاء إلى الوحوش الضارية .. وشتى أنواع التعذيب المختلفة .
فصبــــراً جميــــلاً .. وطوبى لكم إذا إضطهدوكم , لقد كان آباؤكم يفرحون عندما يستشهدون , ولكن هذا لا يمنعكم إطلاقاً من المطالبة بحقوقكم .
و نقول للظالمين سواءالمعتدين او المتورطين او المتواطئين كفاكم ظلما بالاقباط


ربنا موجود +++ كلو للخير +++ مسيرها تنتهى

[SAMOOOOO]

فى العالم سيقابلكم ضيق, لكن ثقوا انا قد غلبت العالم

ربنا يرحم ويساعد من عنده

ميرسى ليكى وربنا يكون معاكى

[cat girl]

طبعا يا جوسى دى اكيد بدايه المتاعب وكمان مفيش حد يقدر يتدخل ويحلها غير يسوع استحمل علشاننا كتير واكيد هيستحمل اكتر علشان ولاده مش يضيعو منه

[melanora]

فعلا ممكن تكون دي بداية الاوجاع لكن صدقيني رغم كلة دة ربنا معانا وبيتمجد كتير وكتير من المعجزات اللي بتحصل و كلنا عارفينها طبعا لكن بردو دي حروب الشيطان والمفروض نكون متمسكين ببعض وبربنا اكتر من كدة لانة اكيد الايام اللي جاية اصعب بكتير وبردو باكد رغم كلة دة وفية بردو معجزات
وربنا مش بيسبنا ابدا وربنا يحمي كل ولادة
وميرسي يا جوسي كتير لانة فعلا الموضوع دة مهم اوي اوي

[جوسى]

ميرسى ليكو ا بجد على الاراء الحلوة دى

مستنيه اراء باقى الاعضاء

[عماد حسنى]

بصى يا جوسى
ربنا يسوع قال (فى العالم سيكون لكم ضيق00ولكن ثقوا انا قد غلبت العلم)
وياما قالنا عن الضيق والحروب والاضطهاد من اجل اسمه القدوس
وعندنا الآف الشهداء القديسين اللى بيأكدوا كده كمان
وبعدين هما اختاروا مكان واحنا لينا مكان
هما اختاروا الارض واحنا مكانا السما
ربنا يحافظ على كل اولاده ويحميهم ويحافظ على بيته وراعينا البابا شنوده
ويكون معاكى ومع راعيته

[bolalover]

ربنا موجود