[اللة يرعانى]

موضوع للنقاش

بالنسبة للولد
هل توافق على الارتباط من فتاة لها قصة حب قديمة ام ترفض الارتباط بها
اما بالنسبة للبنات

هل تواقى على الارتباط من شخص لة قصة حب قديمة او من قبل ام ترفضى هذا الارتباط

منتظرة رائيكو

المصدر: †† ارثوذكس †† - من قسم: الموضوعات الشبابية

[kottah_sh]

بصراحه شديده
على حسب بقى
يعنى ايييييييييييييه؟؟؟؟؟؟؟؟
يعنى لو هوه فعلا نسيها وخلاص كان ماضى وانتهى هقبل
لكن لو حسيت فى كلامه معايا انه بيقارن
بينى وبينها او حاجات كتير زى كده
هعرف انه لسه بيفكر فيها ومش قادر ينساها
وفى الوقت ده هقوله سلام يا صاحبى
يا أنا يا هيه مينفعش الاتنين

[شمعة]

اة يعنى اية قصة حب قديمة يعنى كان بيحبة بس لاخر هو اية سباة وجة اتقدم ليا انا
كلنا فى فترة المراهقة بنوهم نفسنا بالحب عشان مفيش استقرار نفسيا وعاطفى
مش هسال السوال دة لو هو قالى هعدية وخلاص لكن لو طلع انسان غبى وعايز
بقى ياخدنى بيديل لا طبعا لكن لو متاكدة انة موضوع عابر وخلاص
هعتبر ان البداية من هنا ومش هرجع للقديم

دى راى يا سكرة ومرسى لاسئلة العسل دة

[الناى الحزين]

لا طبعا

عادى انى ارتبط بانسانه كان ليها قبل كدا علاقه عاطفيه

لان انا مش من حقى احاسبها على الماضى اللى مكنتش انا اصلا موجود فيه


هو مطلوب الصراحه والمفروض ان الاتنين يصارحوا بعض بالماضى بس ده مش مجبرين عليه ده بس من قبيل الصراحه

على الاقل لما اعرف منها افضل من انى اعرف من حد تانى

وشكرا يا الله يرعانى بجد موضوع جميل ومثير للنقاش

واكيد هتختلف الاراء فيه

[كيرو رافت]

ميرسى جدا يا مريومه على سؤالك الحلو ده

اولا كل انسان منا معرض انه يقابل الحب ويعيشه مع اى انسان

وبعد الحب تاتى الرياح بما لاتشتهيه السفن

من الممكن ان تقابل هذا الحب الكثير من المشاكل والعقبات

وهنا ينتهى هذا الحب الذى كانا يتوهم المحبين انه لا ولن ينتهى ابدا

مهما كانت الصعوبات ولن يفرق الا الموت بينهما

وفى النهايه بيفترق الحبيبين والحياه ما بتنتهيش

وعجله الحياه بتستمر وبنقابل ناس تانيه والحب بيتولد من جديد اكثر قوة من قبل

وانا ماقدرش احاسب انسانه على انها كانت بتحب انسان قبل كداااااااااااا

لانى اكيد مريت بالتجربه دى واللى ما برضاهوش على نفسى موش هارضاه على غيرى

[اللة يرعانى]

مرسى ليكو جميعا وعلى نقاشكو ف ى الموضوع
اهم شى ميكنش لسة فى حب من طرف القديم
ربنا يعوضكو تعب محبتكو

[بنت الراعي]

عادي طب ايه المشكله يعني
بس المهم انه يكون بجد نسيه وتكون تجربه ومرت وخلاص
يعني مايفكرش فيها ومايقارنيش بيها طبعا
وفي كتير جدااااااااا
قصص حب بتفشل يبقي بقي الدنيا تقف لا طبعا
ميرسي مريم موضوع جميل اوي
ربنا يعوضك ويباركك ويفرح قلبك

[اللة يرعانى]

مرسى يا بنت الراعى
كلامك جميل فعلا

[nermos1982]

ايه المشكلة انه يكون مر بقصة حب قديمة .مدام الموضوع انتهى يبقى خلاص .ده غير انى مش من حقى احاسبه على حاجة حصلت قبل مايعرفنى ويحبنى .
ميرسى ياقمر على الموضوع الجميييييييييل ده.ربنا يباركك ويفرح قلبك

[Barhoom]

أمر طبيعي ولا يجب ان يكون لي إعطراد على هكذا أمر إن كانت البنت تحبني وأنا متأكد من حبها ...ولكن بشرط ان تكون هذه البنت غير مرتبطة به أثناء علاقتنا