[magdy totti]

بسم الاب والابن والروح القدس الاله الواحد امين

سلام لااحلى اعضاء ومشرفين منتدتنا الجميل ارثوذكس
يارب تكونوا كلكم بخير وتمام
النهارده فى موضعنا وسلسه فعل ورد فعل
هاتناقش فى قضية من قضايا الشباب
وقضية النهارده فى
فعل ورد فعل
17
فى واحده
محتاجه منكم النصيحة والمشورة فاياريت تعرف منكم وجهه نظركم فى القضسة والمشكلة دى

القضية
فى بنت اتقدملها شاب كويس ماديا جدا وفالبداية حست انه فعلا طيب بس مع الوقت بدات تحس انه شخصية ضعيفه يعنى مطيع ليها جدا حتى لما كانت بتختبره فحاجة غلط وتصمم على رايها كان بيمشى ورا رايها هى حللت ده انه ضعف شخصية هى خايفه ترتبط بيه ويكون فعلا كده ولا من وجهه نظركم انه علشان بيحبها بيطيع كلامها طيب هى تكتشف ازاى تصارحه باحساسها ولا دى ممكن حاجة تضايقه ولا تعمل ايه هى حاسة انها اقوى منه فالشخصية

وبعد ما شوفنا وقرينا المشكلة ياترى اية رايكم
ترتبط بيه وخالص طالما بيحقق كل اللى هى عايزه ولا ترفض لانه ضعيف الشخصية ولا فعلنا زى مااقالت انه ممكن بيعمل كده علشان بيحبها ؟
ولا بيعمل كده علشان فى الاول بس

يلا مستنى اعرف رايكم اية علشان البنت دى محتاجه منكم المشورة والنصيحه وبسرعة

واللى عنده مشكلة وبحل بعرضها فى فعل ورد فعل
يبعتلى على الخاص
وانتظرونى فى قضية ومشكلة جديدة
صلوا من اجل ضعفى

فعــــــــــل ورد فعـــــــــل 16

المصدر: †† ارثوذكس †† - من قسم: الموضوعات الشبابية

[kiro0oalex]

ميرسى يا مجدى على طرحك المشكله ديه للنقاش

شوف بما انه مطيع ليها كده على طول فده غلط
لان اتفاقهما فى الصح جميل لكن موافقتها على الغلط ده اكبر دليل انه ضعيف الشخصيه قدامها
وزى ما ذكرت انه ممكن يكون بيعمل كده لحبه لها فده مش مبرر يخليه يطيعها فى كل شئ ده حتى هيبقى غلط عليه فيما بعد
لان فى اى قرارات بعد كده هتبقى هى المتحكمه فيها هى يمكن تكون مبسوطه بكده ولكن ده غلط لان مفيش حد بياخد قرارات صحيحه ميه فى الميه فما بالك بقى فى قرارات الحياه الزوجيه يعنى القرار اللى هيتاخد مفيش فيه رجوع
فهى تشوف لو تقدر تصلح منه يبقى كوويس مش قادره اة متعرفش يبقى تنسح فى هدوء

وديه وجهه نظرى المتواضعه

[la tristeza y el dolor]

انا من رايى يا مجدى انه بيحبها , بس لو حاجه غلط ( اوووووى) لا يبقى معندوش لا مبادىء ولا حكمه ,

يعنى مثلا :
- فى طلبات مبتكونش مناسبه بس هو بيكون بيعملها و هو مغصوب علشان بيحبها
- فى اقتراحات تانيه غلط جدا و امثلتها كتير , ساعتها هتدل على ضعف شخصيته

هى بقى عليها تصلى و تطلب من ربنا انه يكشفلها سر تصرفاته ديه هل هى حب زياده ولا ايه و كمان تطلب من الله انه يرشدها للحل اللى يوافق مشيئته ...


تقبل مرورى يا مجدى .....

[سندريلا2009]

فى فرق كبيير بين انه ضعيف الشخصية
وبين انه بيحبها عشان كدة بيوافقها على اى حاجة
لان لو هو فعلا بيحبها مش هيوافقها على الغلط
بالعكس هيقف ويقول دة لا غلط ويبتدى يصحح
لكن انه بيكون بيحبها عشان كدة بيوافقها دى فى رئى مستبعدة تماما
هو بكدة ضعيف الشخصية وطالما هى مش عايزة دة يبقى الارتباط مش هينفع ولا هيبقى تمام لان بكدة هى هتكون المسيطرة وهى مش حابة كدة عايزة يبقى فى نقاش واتخاذ القرارات يبقى مشترك فبتالى الارتباط هيبقى فاشل

او كمان ممكن يكون من اللى بيقول حاضر حاضر فى الاول
وبعد كدة اما تبقى مراته انسى يا عم الحج وتقريبا حاضر دى هى اللى هتبقى تقولهامش هو

فى رئى لازم تاخد مشورة اهلها او حد قريب ليها عشان يبقى قرارها سليم ومش ترجع تندم عليه

رغاية انا طولت
ثانكس مجدى للموضوع

[emmmy]

بص يا مجدى
مفيش بنت تحب ان خطيبها يكون ضعيف الشخصية بالشكل دة
ويسمع كلامها فى كل حاجة حتى لو كان بيحبها وبيعمل كدة علشان بيحبها البنت اى بنت بتكون نفسها فى شخص عندة حكمة وارادة وقدرة على اتخاذ القرارات خصوصا القرات المصيرية
يعنى مبقاش انا الاب والام الراجل والست فى نفس الوقت وهو مجرد صورة بينفذ وبس كنترول بحركة فى اى اتجاة انا عاوزاة لا مينفعشى دة مش هيبسطها ابدا
المصيبة الاكبر بقى لو كان بيمثل لحد ما يتمكن يعنى بيجى على نفسة ويتحمل دلعها وعنادها ويوافقها لحد ما يتجوزها وتبقى مسئولة منة ساعتها هتشوف منة الويل
انا راى متتسرعشى وتدرسة كويس وتسال عنة كل اللى يعرفوة وتحاول من خلال القرب واللقاءات تعرف شخصيتة كويس وتفهمة بشكل مش مباشر انها عايزة راجل
راجل بمعنى الكلمة مش مجرد صورة
تتكلم قدامة عن الصفات اللى هى بتحبها فى الراجل وتمدح شخص معين زى اخوها مثلا فى صفة معينة بتتمنى انها تكون فى خطيبها وهو هيفهم دة وهيحاول ياخد بالة
وربنا معاها

[MRAMER]

بجد موضوع مهم اوي ومشكلة كبيرة فعلا
انا من رأيي انها تختبرة في حاجة غلط خالص خالص بس تاخد راي اب اعترافها وهو اللي يرشدها للي تعمله وكمان تصلي وتصوم قبل ما تعمل اي حاجة وتتطلب مشورة ربنا وبعد كدا تنفذ خطتها لو حصل وقبل ومشي وراها بالرغم من ان الموضوع غلط يبقي تسيبه فورا لا دا انسان مش ممكن يعتمد عليه في انشاء بيت واسرة مسيحية سليمة لكن لو حس ان الموضوع غلط ورفض ساعتها هي تفهم ان اللي كان بيحصل في الاول حب ليها وتنفيذ لاوامرها لانه بيحبها ومش عايز يزعلها وتاخده لاب اعترافها علشان يفهمه انه اللي حصل دا كان اختبار علشان ميحصلش سوء تفاهم بينهم
وربنا يرشدها للصالح

ومرسي يا مجدي علي مواضيعك الجامدة دي
ربنا يعوض تعب محبتك

[miro_rook]

بيتهيالي انا ضعف الشخصيه مش بمجرد تنفيذ الرغبات لكن ممكن يكون حب حقيقي للشخص ده
عشان كدا احسن حاجه ان هي تخربه في موقف لا ينفع فيها غير انه يرفض ولو بردوا اطع يبقي فعلا هو ضعيف الشخصيه ولازم تبعد عنه بسرعه
لان اللي زي كدا اكيد هتتعب معه

[ادوارد ادوارد ادوارد 3]

الموضو ع رائع
اديلة فرصة اخرى وبلاش التسرع فى الحكم
صلى وتابعى مع اب اعترافك

[magdy totti]

المشاركة الأصلية كتبت بواسطة kiro0oalex ميرسى يا مجدى على طرحك المشكله ديه للنقاش شوف بما انه مطيع ليها كده على طول فده غلط لان اتفاقهما فى الصح جميل لكن موافقتها على الغلط ده اكبر دليل انه ضعيف الشخصيه قدامها وزى ما ذكرت انه ممكن يكون بيعمل كده لحبه لها فده مش مبرر يخليه يطيعها فى كل شئ ده حتى هيبقى غلط عليه فيما بعد لان فى اى قرارات بعد كده هتبقى هى المتحكمه فيها هى يمكن تكون مبسوطه بكده ولكن ده غلط لان مفيش حد بياخد قرارات صحيحه ميه فى الميه فما بالك بقى فى قرارات الحياه الزوجيه يعنى القرار اللى هيتاخد مفيش فيه رجوع فهى تشوف لو تقدر تصلح منه يبقى كوويس مش قادره اة متعرفش يبقى تنسح فى هدوء وديه وجهه نظرى المتواضعه

وجهه نظر سليمة يااكيرلس ميرسى ليك وع المتابعة والرى الجميل

[magdy totti]

المشاركة الأصلية كتبت بواسطة la tristeza y el dolor انا من رايى يا مجدى انه بيحبها , بس لو حاجه غلط ( اوووووى) لا يبقى معندوش لا مبادىء ولا حكمه , يعنى مثلا : - فى طلبات مبتكونش مناسبه بس هو بيكون بيعملها و هو مغصوب علشان بيحبها - فى اقتراحات تانيه غلط جدا و امثلتها كتير , ساعتها هتدل على ضعف شخصيته هى بقى عليها تصلى و تطلب من ربنا انه يكشفلها سر تصرفاته ديه هل هى حب زياده ولا ايه و كمان تطلب من الله انه يرشدها للحل اللى يوافق مشيئته ... تقبل مرورى يا مجدى .....

مفيش تقل ولا حاجه التقل انك لو مقولتيش رايك
ميرسى كتير ع الاهتمام وكمان ع الرد الجميل ده
وربنا يرتب ويدبر امورهاا