[bolalover]

اهلا بكل اعضاء بيت المحبة بيتنا ارثوذوكس
فكرنا و دورنا ازاي ندخل ع 2010
قولنا هندحل عليها و ادينا فاضية !! .. دي سنة جديدة و لازم نرحب بيها
و كانت دي بداية الفكره في حوار دار بين اتنين من اهل البيت

مايكل : ازيك يااض يا بولا وحشني كتير بولا : أنا تمام و انت وحشني اكتر يا ميكي .. انت عامل ايه مايكل : انا تمام .. فينك و فين اراضيك يا عم بولا : معلش انا عارف اني مقصر اوي يا مايكل و مش بسئل مايكل : ابدا يا بولا دا انا الي مقصر بجد و مش بسئل ع اي حد بولا : ياريت يا ميكي متزعلش مني ع اي حاجه وحشه ضيقتك بيها قبل كده و اي تقصير في السوال عليك مايكل : دا انا يا بولا الي بكلمك دلوقتي علشان اقولك كده لاني بصراحة مش عاوز السنة الجديدة تخش عليا و حد بعيد عني او زعلان مني بولا : ابدا يا حبيب قلبي انا عمري ما ازعل منك و كفايا عليا سوالك ده عندي بالدنيا كلها

مــد ايــدك


حملة ننشرها في قلوبنا بفعل الخير و الحب مع بداية سنة جديدة
و قلوبنا هي الي تتكلم فيها و نفتكر ايه الي لينا و ايه الي علينا
بجد مفتقدين الحب والخير مع بعض
الحب غير المشروط
الحب اللي مش مستني مقابل
بجد لو عملنا كده كل حاجة حولينا هتتغير

حملة مد ايديك
-----------------------------------------------
اكيد كل واحد فينا جرب ايه طعم الحب بحلوه و مره
بس احنا هنا مش هنتكلم عن حب الحبيب لحبيبته
و لاكن هنتكلم عن حب ربنا لينا و حبنا لبعض
تخيل قد ايه بتكون فرحتك لما بتحس ان الي حوليك بيحبوك
انت كمان متحرمش حد من الفرحه دي و حسسه بحبك ليه
و خدها خطوة منك انت و ابتدي بقلبك و ادخل قلوب الي حوليك



ليه متفكرش قبل السنة الجديدة انك تسئل ع كل واحد عرفته في يوم
ع حد حبيته من قلبك و بعدت عنه فتره و نسيته
ع حد قريبك من بعيد او من قريب .. صاحب او صديق
ع حد انت مقصر في حقه او حتي هو الي قصر في حقك
مش مهم مين غلط في حق مين .. المهم قلبونا تكون صافية بالحب و الحنين
منقولش ده هو الي بعيد ولا هو الي سبنا و غلط فينا
لا قــول .. الله محبة
و كفايا انك تروحله و تقول
كل سنة و انت طيب
او حتي ازيك عامل ايه وحشني كتير
و لو غلطان في حقه .. قوله انا اسف سمحني من قلبك
تخيلوا قد ايه الحد ده هيحترمك و هيقدر رسالتك
و اكيد ربنا هيكون مبسوط بيك بس ده لو من قلبك بجد

يالا تعالوا نرفع شعار السنة الجديدة 2010
و كلنا نقول في صوت واحد و بقلب واحد
هنمد ادينا .. بالحب لبعضينا


ياريت منعديش الكلام ده كده ولا حتي نقراه و نقول الله حلو و بس
ياريت يكون في فعل و من القلب و تعمل كده فعلا و تسئل ع كل الناس
و انا و مايكل هنكون اول ناس نعمل ده
و نقولها قدام كل الناس
احنا اسفين ع كل حاجه وحشه ممكن نكون ضيقنا بيها حد
اسفين ع كل لحظة بعاد و لحظة فراق
اسفين ع عدم السوال و التقصير .. اه الدنيا مشاغل بس برده احنا وحشين .. مكنش المفروض ننسا الغالين .. و الي في القلب عايشن
بامانة مش كلام ده احساس في قلبونا بندم
و بنتمني
انك تسمحنا و من قلبك بجد و لو لابسط حد

و دي حورات مع بعض اخواتنا في بداية السنة الجديدة
مدو فيها اديهم بالحب و المحبة


هيما

المشاركة الأصلية كتبت بواسطة Team Work® أيه هي امنياتك للسنه الجديده ؟؟ ان ربنا يوفقنى ويوفق الجميع وتكون سنة كويسة على الكل ويكون فيها فرح للجميع وشغل ايه افضل شئ اتحقق السنة دي ليك ؟؟ نشكر ربنا ان قدرة ولو بحاجة بسيطة اعمل حاجة فى موقع ارثوذكس وافيد ولو واحد بس تحب تصالح مين تكون زعلته منك في 2009 من خلال برنامجنا ؟؟ اصالح نفسي واصالحك انت على الشد اللى حصل بينا فى السنة دى واتمنى انها تكون اخر النكافات لو ارثوزكس مصباح سحري .. تطلب منه ايه ويحققهولك فورا ؟؟ يفرح قلبى ويفرح قلوب كل الناس واقدر اقدم خدمة اكتر واكتر لكل الناس

اسامة سمسم

المشاركة الأصلية كتبت بواسطة اسامه سمسم أيه هي امنياتك للسنه الجديده ؟؟ امنياتى ان ربنا يحققلى كل احلامى وتكون سنه سعيده علينا كلنا ايه افضل شئ اتحقق السنة دي ليك ؟؟ افضل شىء اتحقق انى اتعرفت على اغلى اخوات فى ارثو واتقربت منهم اوى تحب تصالح مين تكون زعلته منك في 2009 من خلال برنامجنا ؟؟ اصالح اى حد زعلى منى بدون قصد لو ارثوزكس مصباح سحري .. تطلب منه ايه ويحققهولك فورا ؟؟ اطلب منه انه مش يفرقنا عن حبايبنا وعن اخواتنا اللى فى ارثو وانها تكون سنه فله علينا ويا نعيش عيشه فل يا نبقى تيت احنا الكل ههههههههههههههههههههههههه هه ميرسى يا مكمك وكل سنه وانت طيب ويارب تكون سنه سعيده عليك يا حبيبى

عم كامل

المشاركة الأصلية كتبت بواسطة kamel أيه هي امنياتك للسنه الجديده ؟؟ قبل أمنياتى أقول لأخوتى وأبنائى كل سنة وانتم بخير محفوظين تحت مظلة الرب يسوع0 اما من جهتى اتمنى ان يكون عاما جديدا بكل ما يحمل من معنى00 ان يحل السلام العالم والهدوء والإطمأنان جميع الأقطار وأن يكون ظهورات ام النور بداية اشراقة جديدة لتمحو ظلام القلوب الكامنة من أزمنة وأن تسود المحبة والتسامح جميع القلوب ------------------------------------ ايه افضل شئ اتحقق السنة دي ليك ؟؟ كنت دائما منتظر رسالة السماء لتقوينا ويساندنا وها هى تحققت بظهورات كلية الطهر أم النور السيدة العزراء0 بركتها وشفاعتها مع جميعنا وكذلك أمور كثير تحققت0 شخصية0 وعائلية0 واسرية فانشكر الرب الإلة الذى يحقق لنا كل شىء أمور ترى وأمور لا ترى تحب تصالح مين تكون زعلته منك في 2009 من خلال برنامجنا ؟؟ أحب أن أقول لجميع الأعضاء أخوتى وأبنائى سامحونى لقلة مشاركاتى ومرورى0 ربما لضعف وصلة النت أو ضيق وقتى أو سهو منى0 أرجوكم العفو والتسامح والمغفرة لو ارثوزكس مصباح سحري .. تطلب منه ايه ويحققهولك فورا ؟؟ ولو الإجابة ربما يفهمها البعض عثرة منى ولكن لابد من أن أقولها بكل صراحة أرجو أن تزال وتزول الردود التى لا تليق بالمنتدى العريق ولو أنها فى سبيل الود والهزار وخفة الدم ولكنها ربما ربما تكون عثرة فى طريق الآخرين كقول الكتاب00 ويل لمن تأتى بواسطتة العثرة00 ------------------------------- وفى نهاية حديثى معك00 أشكرك للأستضافة الجميلة ولك منى كل حب وتقدير وأحترام0 رأجيا للجميع سنة جديدة وأفراح سعيدة مع الرب يسوع المسيح وليسامحنى الجميع إن كنت قد أسأت الظن لأحد أو كنت عثرة لأحد وسلام الرب مع جميعكم

ميلاد الناي

المشاركة الأصلية كتبت بواسطة الناى الحزين أيه هي امنياتك للسنه الجديده ؟؟ 1: ان ربنا يكون راضى عنى 2 : اسمع ابونا فى الكنيسه بيقول باسم ربنا وإلهنا ومخلصنا يسوع المسيح، شارع شريعة الكمال، وواضع ناموس الأفضال، نعلن في هذا المحفل المقدس، أمام هيكل رب الصباؤوت زواج الابن المبارك البكر (ميلاد) إلى الابنة المباركة البكر (مريم). 3 : اكون ناجح فى شغلى ايه افضل شئ اتحقق السنة دي ليك ؟؟ ارتباطى بمريم تحب تصالح مين تكون زعلته منك في 2009 من خلال برنامجنا ؟؟ ميكى اقوله متزعلش منى انا مقصر فى حقك كتير قوى ومزعلك منى كتير قوى وبقولك انا اسف على كل ده وانت اكتر من اخويا وانت عارف كدا كويس ميكى ارجعلنا تانى زى زمان ورجع البسمه معاك لو ارثوزكس مصباح سحري .. تطلب منه ايه ويحققهولك فورا ؟؟ يرجع زى ماكان زمان ايام المحبه الصادقه بوجود كل واحد ووحده غايبين عننا ووحشونا يرجعهم ويرجع ارثو معاهم شكرا ميكى على دعوتك ليا

مادونا نبيل

المشاركة الأصلية كتبت بواسطة مادونا نبيل أيه هي امنياتك للسنه الجديده ؟؟ اول حاجه بصراحه انى انجح السنادى و انى اتغير بجد فى كل حاجه على المستوى الشخصى و الروحى و اغير الحاجات اللى حاسه انها مش كويسه فيا و اقرب من ربنا اكتر . ايه افضل شئ اتحقق السنة دي ليكي ؟؟ انى اتعرفت على ناس فله زيكم . تحب تصالح مين تكون زعلته منك في 2009 من خلال برنامجنا ؟؟ اى حد اكون قولتله كلمه ضايقته او اكون عملت موقف زعل حد منى و اتمنى ان محدش يكون زعل منى فى اى حاجه عملتها او اى كلمه قولتها زعلته. لو ارثوزكس مصباح سحري .. تطلب منه ايه ويحققهولك فورا ؟؟ ممممممم اطلب منه ان المنتدى يبقا زى الاول و ان المحبه ترجع من تانى زى الاول بس ياترا هيعرف يحقق الطلب ولا نو ؟ و ثانكس على الاسئله الحلوة دى و يارب يبقا برنامج حلو كده و اهدى سلامى لام نياظى و نياظى ابنها اوعو تنسو

جورج الفيلسوف

المشاركة الأصلية كتبت بواسطة elphilasouf أيه هي امنياتك للسنه الجديده ؟؟ امنياتى كتير اوي السنادي ب الى يخص المنتدي هو ان عدد الاعضاءالناشطين فى المنتدي يزيد المنتدي عدد مخدومينه خدامه يزيد عدد المستفيدين من المنتدي ومن الخدمه فيه يزيد ربنا يدينا اكتر النعمه والحكمه وينور عنينا ع حلاوته عشان نعرف نخدمه احسن ربنا يملي قلوبنا بحبة عشان نقدر نحب الناس وكتير اوي بقى بس كفايا كده ... ايه افضل شئ اتحقق السنة دي ليك ؟؟ السنادي 2009 اتحقق حاجات كتير يمكن مكنتش امنياتى بس انا اتطورت اكتر واتحسنت عن السنه الى فاتت بسرعه اكبر وحبيت ربنا اكتر تحب تصالح مين تكون زعلته منك في 2009 من خلال برنامجنا ؟؟ ع قدر طاقتكم سالموا جميع الناس ... انا مش فاكر انى زعلان من حد لو ارثوزكس مصباح سحري .. تطلب منه ايه ويحققهولك فورا ؟؟ انت محددتش عدد الطلبات زي اي عفريت طبيعى هههههههههههه بس بردو هتكون الامنيات خاصه بالمنتدي وهو امنياتى الاكبر هى ان حبنا يزيد للمنتدي وللاعضاء وللمعرفه وللحكمه وللفلسفه هههههههههه والعلوم ميرسي يا ميكى لانك افتكرتنى فى برنامجك الجميل وربنا يخليك ويخلي دماغك لينا وديما نتمتع بوجودك

ارميا

المشاركة الأصلية كتبت بواسطة armia1987 أيه هي امنياتك للسنه الجديده ؟؟ السلام داخل مصر وخارجه لانه فعلا بقى السلام شئ نادر ومحدود وبالذات فى مصر ايه افضل شئ اتحقق السنة دي ليك ؟؟ اتخرجت و اخدت تاجيل 3 سنين من الجيش تحب تصالح مين تكون زعلته منك في 2009 من خلال برنامجنا ؟؟ اى حد اكون زعلته بقوله انا اسف وممكن نقول ملاك سكر لو ارثوزكس مصباح سحري .. تطلب منه ايه ويحققهولك فورا ؟؟ الشفاء لماما وكل شخص تعبان ربنا يشيفيه شكرا ميكى

فادي الماجيك

المشاركة الأصلية كتبت بواسطة ELMAGEK أيه هي امنياتك للسنه الجديده ؟؟ انا نفسى انجح واقرب لاصحابى اكتر واقرب لربنا طبعا ويبقى فى تغيير بقى يا معلم مش هفضل مقضيها كدة نت وخلاص ايه افضل شئ اتحقق السنة دي ليك ؟؟ اممممممممممممممممممممم مش عارف يمكن انى اتعرفت على ناس او قربت من ناس فعلا كويسين جدااا وانى قابلت البابا شنودة ونجحت طبعا تحب تصالح مين تكون زعلته منك في 2009 من خلال برنامجنا ؟؟ امممممممممممممممممممممممم مش عارف انا مش بزعل حد يا معلم انا عامل زى الشمعة الى بتضيئ للاخرين انا عامل زى البركة الى بتاخدوها من ابونا انا مش عايز اتكلم عن نفسى كتير لو ارثوزكس مصباح سحري .. تطلب منه ايه ويحققهولك فورا ؟؟ اممممممممممممممممم هطلب انى اتخرج والاقى شغلانة ب 9 الاف يورو فى الشهر واجيب عربية واروح اظبط زواياها عند امير ببلاش اممممم واجوز بقى يا دولالالا يا حبيبى اجوز ملكة جمال طوكيو ونخلف طوكيوون صغيرين والزمالك ياخد الدورى ههههههههههههههههههههههههه هه

مينا نارمر

المشاركة الأصلية كتبت بواسطة Narmar أيه هي امنياتك للسنه الجديده ؟؟ متبقاش زي اللي قبلها ومتبقاش كدة ويارب تبقي شوية عدلة والزمالك ياخد الدوري :P ايه افضل شئ اتحقق السنة دي ليك ؟؟ ولا حاجة , كل شوية كان يحصل حاجة اخرهم كان عنيا تحب تصالح مين تكون زعلته منك في 2009 من خلال برنامجنا ؟؟ اورثوزكس بسبب الغياب والاعتذار عن الاشراف والتقصير , لو ارثوزكس مصباح سحري .. تطلب منه ايه ويحققهولك فورا ؟؟ اطلب منه ان ميكي يبطل الــ نيهاهاهاهاها بتاعتة دي ويخليها ميهاهاهاها اسمحلي يا مستر ميكي اسال نفسي كمان سؤال واجاوب علية بالنيابة عني , تحب تهدي اية لــ 2009 ؟ أهديلها المشهد الأخير , لحظة الختام يارتها كانت ختمت من شهرين تلاتة

كيرو رافت

المشاركة الأصلية كتبت بواسطة كيرو رافت أيه هي امنياتك للسنه الجديده ؟؟ على المستوى الشخصى انى اكون عند حسن الظن بى فى مجال عملى على المستوى العام بتمنى ارثوذوكس يرجع افضل مما كان ويرجع يلمنا تحت رايه المحبه من جديد ايه افضل شئ اتحقق السنة دي ليك ؟؟ ارتباطى بالانسانه اللى اتمنيتها وحبيتها تحب تصالح مين تكون زعلته منك في 2009 من خلال برنامجنا ؟؟ هاتصدقنى لو قلت لك انى موش لاقى حد زعلته علشان اصالحه لو ارثوزكس مصباح سحري .. تطلب منه ايه ويحققهولك فورا ؟؟ هاطلب هاطلب هاطلب انى اشوفك عريس وقاعد فى الكوشه بجد ساعتها هاكون اسعد واحد فى الدنيا (على فكرة ده بجد موش تكييس)

مريم كوتا

المشاركة الأصلية كتبت بواسطة kottah_sh أيه هي امنياتك للسنه الجديده ؟؟ يكمل مشوارى انا وميلاد على خير ويباركلنا فى قداسه البابا وتكون سنه سعيده على كل المسيحين بدون مشاكل ويحافظ على ميلاد وبابا وماما واخواتى ايه افضل شئ اتحقق السنة دي ليك ؟؟ خطوبتى من ميلاد تحب تصالح مين تكون زعلته منك في 2009 من خلال برنامجنا ؟؟ بجد مش فاكره اذا كنت زعلت حد او لا بس احب اقول لاى حد زعلان منى حقك عليا ومتزعلش منى لو ضايقتك بكلمه او تصرف لو ارثوزكس مصباح سحري .. تطلب منه ايه ويحققهولك فورا ؟؟ اشوف ميلاد قدااااااااااااامى ههههههههههههههههههههههههه ههههههه هاااااااااااااااااااا يعنى لسه مجاش العفريت ده بطئ اوى ياريت تغيره ياميكى

بولا البوب

المشاركة الأصلية كتبت بواسطة البوب الجديد أيه هي امنياتك للسنه الجديده ؟؟ امنيتى الوحيدة انى اخف وابقى كويس وابقى مع الى بحبها ايه افضل شئ اتحقق السنة دي ليك ؟؟ انى نجحت تحب تصالح مين تكون زعلته منك في 2009 من خلال برنامجنا ؟؟ اصالح ربنا لانننا زعلانين من بعض اوى لو ارثوزكس مصباح سحري .. تطلب منه ايه ويحققهولك فورا ؟؟ انى اخف بردة لانى تعبت

مينا الحديدي

المشاركة الأصلية كتبت بواسطة مينا الحديدى أيه هي امنياتك للسنه الجديده ؟؟ المحبة تسود المنتدى والاعضاء اللى غايبة ترجع بسلامة لنفسى اتمنى ربنا يوفقنى فى شغلى وحاجة تانى كمان ايه افضل شئ اتحقق السنة دي ليك ؟؟ اشتركت فى منتدى اورثوزكس تحب تصالح مين تكون زعلته منك في 2009 من خلال برنامجنا ؟؟ عامتا انا مزعلتش حد بس اللى حاسس نفسة زعلان منى انا اسف لية لو ارثوزكس مصباح سحري .. تطلب منه ايه ويحققهولك فورا ؟؟ المنتدى يرجع زى الاول وترجع انت يا مكمك وتشارك معانا

ريمون

المشاركة الأصلية كتبت بواسطة remon_fans أيه هي امنياتك للسنه الجديده ؟؟ اني اتوب توبة عدله ايه افضل شئ اتحقق السنة دي ليك ؟؟ اني غيرت شغلتي تحب تصالح مين تكون زعلته منك في 2009 من خلال برنامجنا ؟؟ انا مقدرش ازعل حد ومش فاكر حد زعلته لو ارثوزكس مصباح سحري .. تطلب منه ايه ويحققهولك فورا ؟؟ ان اطلب من ربنا ان ارثوذكس يفضل مصباح منور لكل الناس اللي بتدخلة

يالا انت كمان اعمل زيهم و رد ع الاسئلة دي هنا في الموضوع
مش تسيب رد و تقول موضوع حلو و تمشي
لا رد زيهم و افتح قلبك و ابتدي سنة جميلة
و انت مادد ايدك بالحب و المحبة
بس بجد تكون من قلبك


بعد الصفا و المحبة الي رجعناها بنا دلوقتي
و الي كل واحد فيكم هينفزها بالفعل
يالا تعالو نفرح بخواتنا الي بسطونا في 2009
و ندخل بفرح و سعاده ع 2010


ابطال ارثو 2009


افـضـل عـضـو في 2009
emmmy

افـضـل مشرف في 2009

armia1987

افـضـل موضوع في 2009

+++شهر كيهك (ملف كامل من الحان وطقوس ونغمات)+++
للـعـضــو
ماروجرافيك

الف مبروك لاجمل اعضاء في بيتنا ارثو
تستحقوا و عن جداره كل الحب و المحبة
ع مجهود مبذول في منتدي المحبة و الحب




مناسبات ارثو 2009

مع مناسبات ارثو هنمد ادينا بالحب و المحبة و نبارك لكل اخواتنا الي فرحوا باجمل مناسبات ليهم في 2009
و بنتمني ليهم سعاده و فرح من قلوبنا و حياة جميلة في حضن ابوهم السماوي
و الي مقالش مبروك يالا يدخل و يقول مبروك .. مش مهم متاخره و ايه يعني اكيد صاحب المناسبة هيفرح بيها


خطوبة انجي فوفا

خطوبة سعد الدالي و ميرا مرمر

خطوبة كاترينا

خطوبة شمعه

خطوبة ميلاد الناي و مريم كوتا

فرح الحنون الطيب

فرح اخو اسامة عوض

فرح الله يرعاني

فرح اغاثا

فرح ملاك سكر

فرح توني الجامد

فرح رافت و هنا


+++ شكر خاص +++
للعضوة مريم كوتا لتجميعها لتلك المناسبات



لو نلاحظ في الخطوبات و الافراح دي هنلاقي في بعض الخطوبات و الافراح الطرفين اعضاء من منتدي ارثوذوكس
و كانت بداية التعارف بتاعتهم هي ع ارثو
و ده ان دل فيدل ع قد ايه ارثو بيجمع بينا بالحب و المحبة و كل خير و كان سبب خير لينا في حاجات كتير في حياتنا
و ادي لكل واحد حاجه حلوة محدش يقدر ينكرها و حاجه كبيرة في حياته

ارثوذوكس بيت مفتوح لألوف من الناس
يرويهم بحبه و قلبه الطيب
و يجمع بينهم بالفرح و الهنا و المحبة
و ده في كل سنة فاتت و كل سنة جاية باذن المسيح
و في ارثو 2010 هنمد ادينا بالحب من جديد
و ده هيكون شكل ارثو الجديد


الي عمل الموضوع الجميل ده من اوله لاخره و جمع فيه كل حاجه فقرات و تصميمات و حورات و تعب كتير فيه
هو اخويا الكبير
مايكل سامي
و بعتذر لسياتك يا فندم ع مكالمة الساعة 6 الصبح

المصدر: †† ارثوذكس †† - من قسم: صندوق مناقشات الاعضاء