تذكرنــي
التسجيل التعليمـــات التقويم البحث مشاركات اليوم اجعل كافة الأقسام مقروءة
يمكنك البحث فى الموقع للوصول السريع لما تريد



قسم خدمة اعدادى كل ما يخص خدمات الكنيسة للصف الاعدادى

مشاهدة صفحة طباعة الموضوع مشاهدة صفحة طباعة الموضوع أرسل هذا الموضوع إلى صديق أرسل هذا الموضوع إلى صديق


مسرحية صاحب العيد 2010

مسرحية صاحب العيد 2010 المشهد الأول: ( يجلس شيخ العيد بقرب التدفئة ويقرأ رسائل الأطفال التي بعثوا بها اليه

اضافة رد

 
أدوات الموضوع انواع عرض الموضوع

رقم المشاركة : ( 1 )
الصورة الرمزية ريم الخوري
ريم الخوري
ارثوذكسي فضى
ريم الخوري غير متواجد حالياً
 
رقم العضوية : 39544
تاريخ التسجيل : Nov 2008
مكان الإقامة :
عدد المشاركات : 3,805
عدد النقاط : 65
قوة التقييم : ريم الخوري will become famous soon enough
مسرحية صاحب العيد 2010

كُتب : [ 12-28-2010 - 12:14 PM ]



مسرحية صاحب العيد



2010



المشهد الأول:



( يجلس شيخ العيد بقرب التدفئة ويقرأ رسائل الأطفال التي بعثوا بها اليه

بفرح وسرور

يفتح اول رساله ويضحك ههههههههههههه اورغ

ويغلقها ويضعها بالكيس

وثاني رسالة هههههههههههههههه كمبيوتر ههههههههههههه بسيطة بسيطة

ويصل الى الرسالة الأخيرة ومكتوب عليها : ( (إهداء خاص لبابا نويل

حصري لبابا نويل )







( يفتح بابا نويل المغلف يتفا جئ بوجود فلاش , يرفع يده ويضحك )

بابا نويل : ........ايش هاي ...........فلاش مموري

ياه ... هاي عن جد الدنيا طورت ::::: من رسالة عادية ..........لايميل ..............لفلاش ميموري



بس اللي مرسل هل فلاش مش كاتب اشي غير إهداء خاص لبابا نويل وحصري كمان !!!



خليني افتحها وأشوف شو فيها . يمكن حد باعث هدية ههههههههههه ........( يضع بابا نويل الفلاش في الجهاز




ويجلس ينظر إليها ........
ودا الرابط بتاع العرض فيكو تحملوه

http://www.4shared.com/video/MupGWSCf/___.html

محتوي العرض

ان الشخص اللى باعت الفلاش بيدور على طفل المغارة وسط كل صخب الحياة من زينة وبهرجة وحفلات وهدايا بابا نويل ووووووووووووو

الأضواء المبهره على الطرقات ,

أدوات بابا نويل ، صحون بابا نويل ، الترف المفرط , وفي النهاية يقول بتعرف وين لقيت يسوع الاله المتجسد لقيتة وهو بيكون في صور جائعين ومحزونين مشردين وفي النهاية بنهاية العرض يطرح سؤال هل رح نعرف نلتقي بالرب في عام 2011 والا لالالالالالالالالالا))

طبعا العرض مع موسيقي حزينة



فيدرك بابا نويل مغزى الفلاش ويصرخ) ....مش ممكن يكون هيك العيد

مستحيل ...يكون الناس بهل قسوة ......لا..لا..مش ممكن . أنا لازم أتأكد يمكن تكون مزحة والا يمكن تكون هيك وهيك معقول اللى عم بشوفة لازم اتاكد ,

مصيبة كبيرة , إذا كان هيك عيد 2009 شو راح يكون عام 2010 ؟؟



بابا نويل : أنا لازم أتأكد , راح أروح على بعض البيوت واشوف شو اللي بصير من غير ما حد يشعر بوجودي , وانشالله ما يكون اللى شوفتة واللى بفكري صحيح , يا رب يارب تخيب ضني ها لمرة .

المشهد الثاني




يتضمن منزلين وكل منزل يتحدث عن ذاته من خلال المشهد وهنا بابا نويل يقف بعيد عن اجواء البيت ليكون شبة مخفي ليراقب ويسمع ويري ماذا يحدث في ليلة العيد من هذه الأسرة







(يركزالضوء/كشاف على البيت الأول فقط , تتكون العائلة من الزوج والام وطفلين ميلاد و مجد ).

(بابا نويل يلتفت للبيت الأول ويشاهد )

المنزل الأول(1) (أغنية لبابا نويل وزينة الشجرة )



( كل افراد العائلة منهمكين في تعليق الزينة )

الطفل 1ميلاد : يا ماما ...............يا لله ليش تأخرت؟؟؟ يا لله هاتي الزينة الجديده،

على فكرة ياماما أنا شفتها من لمّا اشترتيها ... بتجـــــــنن وكان نفسي فيها عن جد لازم السنة تكون الزينة غير شكل يا ماما .

مجـــــــــــــــد : ولاّ بابا نويل ياماما .. بيسطل .عن جد بطيّر العقل من وين جبتيه ؟ وشفت كمان شرشف السفرة مرسوم عليه بابا نويـــــــــــــــــــــل حلوين يا ماما مزوقة كتيرررررررر .

الأم : هاد الشرشف متت يا ماما حتى لقيته .

يالله يا مجد ............روحي رتبي السفرة ......وحطي الشرشف عليه.. وما تنسي تحطي شوكولاته العيد بابا نويل .


تذهب مجد الى طاولة السفرة (طاولة بتكون موجودة) وتضع الشرشف والشوكولاته وبعد ما تنتهى تقول



مجـــــــد: وهاي طاولة السفره صارت جاهزة .. وهلا زبط العيد .. مش هيك يا ميلاد ؟

ميلاد : هيك ونص , يعيش بابا نويـــــل (ينظر ميلاد الى أمه ويطلب بلهفة والحاح)

يا ماما اعطينى اعلق جزمات بابا نويــــل على الحيط ..... يا ماما يا ماما بليززززززززززز.

الام : خذ ياماما علقهم بصدر البيت , ولا تزعل .

وأنا راح أجهز كاسات اللوكير الجداد .. المرسوم عليهن بابا نويل .

وهلا تعالوا نعلق أضوية العيد على البلكون وهل سنة اشتريتهم بشكل بابا نويل هيك الموضة لعيد السنة

.

( بتروح للبلكون لتعليق الاضوية... ترى فتى ملقى من البرد عند مدخل البناء في زاوية مغلقة ويرتجف من البرد) .



( تشعر الأم بالبرد وترتجف ) قائلة : خلص خلص ياماما ادخلوا انتو جوا برد كتير عليكم .. أنا والبابا بنعلق الاضوية .... الدنيا برد اسمعوا الكلام ...( يدخلو الاولاد وبعد ثواني بخلصوا تعليق و يغلقوا البلكون) وهنا تنظر الام الى الطفل وتقول : يا سلام شو بتعمل قدام البيت يالله الليلة عيد وميش فاضين إليك يالله روح بيتك صحيح ناس ما بتستحي و مفكرها سبيل هون شو ياه ما بدنا نخلص من اشكالكم يالله قبل ما انزل وطرك بايدي هاد اللى ناقص شي غريب..... اكيد ما بيعرف مين نحنا والا ما تجري ويقف على بابا البيت لينزع منظرة بشكله الغريب

تعود الام للمنزل

تتأمل الأم بالغرفة ( شجرة .. شرشف .. والضيافة ) وتقول : هيك صار كل شي تمام وغير شكل وأكيد ياولاد عرفتوا ليش خليت عمل كل شي لسهرة العيد .. علشان ماحدا يقلدنا ... ونكون احنا مميزين عن غيرنا بالعيد . (ثم يعملوا حلقة دائرية ممسكين بأيدي بعضهم مع اغنية " أهلا ببابا نويل "



(يلتفت بابا نويل للجمهور وتظهر عليه علامات الدهشة وإيده على خده) ويسقط على ركبتيه ويقول : يا ويلي ....يا خسارة :خليتوني انا بطل العيد .. والعيد بدوني ما بزبط ... ونسيتوا صاحب العيد طرتوه ميش فاضين اله ........ يا ويليى يا خسارة ويبكي بحسرة





(بعد جملة بابا نويل يطفئ النور عن المنزل الأول ويركز على المنزل الثاني)



يقف بابا نويل ويلتفت إلى المنزل الثاني ويقول يا رب استر ..

يتكون من الأم و طفلتين زينة و حلا .

الأم : يا لله يابناتي ما في معنا وقت .. قرب موعد العشاء وهلا ضيوفنا راح يوصلوا ما تسودوا وجشنا معهم .



الابنة زينة : مين ضيوفنا باين مهمين يا ماما ؟ وانا بقول امي معجوقة وملبكه كتير واول مرة بتهتم بضيوف بهل شكل , اكيد اكيد في سر يا ماما ..بالموضوع صح والا انا غلطانة ؟



الأم : يا ماما هدول مش أي ضيوف هاد رئيس أبوكي بالشغل جاي هو وعيلتة( مرته) لعنا يسهروا بليلة العيد ......ولان يا ماما ... اللي بيطّلع عليكِ بعين طلعي عليه بالتنتين ,

..خليهم يعرفوا انه ما في حدا أحسن من حدا , وكمان بيقولوا اطعم الفم تستحي العين , بكرة برقي ابوكي لمركز احسن وبزيد راتبه , وبيرضى عنه , وهلا ماتضيعي وقت روحي نظفي مع اختك حلا .

الابنة زينة: يا سلام على درر وجواهر الماما ومنكم نستفيدددددددد حاضر بس هيك يا قمررررررر



الابنة حلا: ماما أنا نظفت مدخل البيت زي ما طلبتي مني , وصار بيضوي وعلقت بابا نويل على الباب وشغلت أضوية درابزين الدرج كلها .



الابنة زينة : نظفت غرفة الضيوف كثير منيح ... طبعا لازم يكون البيت يليق بضيوفنا المهمين !!!مش هيك ياماما ؟

الام : وهاي السفرة صارت جاهزة فيها من كل ما لذ وطاب.. خليهم يعرفوا كيف منحتفل بالعيد

وهنا تشير الى .



المشروب صار جاهز نبيذ أصلي ، اللوكير بنعناع ، وحليب ،وكرز......

وشكولاتة من قبريلوه من ارقي المحلات..... وهاي مش كل الناس بتجيبها ...........

بس اللي مثلنا فوق فوق يالله شو بنعمل قدم السبت تلقى الاحد هههههههههه............خليهم يعرفوا كيف بكون الكريسماس على اصوله .

ثم يقرع الباب تذهب دقد دقققققققققققققققق



حلا يالله ياله جاييييييييي

لتفتح الباب يدخل الاب ومعة الضيوف



ابو زينه : ميت اهلين وسهلين فيكم نورتوا

تفضل تفضل يا ابو جون تفضلي ام جون اهلا وسهلا وبعد ما يجلسوا يقول

بحب عرفكم ام زينة المدام

ام زينة اهلا وسهلا نورتو .... نورتوا.... خطوة عزيزة.... العيد حلي بوجودكم

ابو جون وام جون : اهلا فيكي مدام كيفيك

ثم يستاذن ابو زينة وياخذ ام زينة جانبا

ويقول لها شوفي يا ام زينة بدي تبيضي وجهي مع المدير كل شي تمام وفل وعال والا كيف ديري بالك

تضحك ام زينة ههههههههههه وتقول ما تخاف يا ابو زينة ولو بعجبك هههههه ما تخاف

اابو زينة يضحك اههههههههههه بتعجبيني من زمان يا قمررررررررر بس بس استريني مع ابو جون اااااااااااااااا ياله يالله نسينا حالنا ههههههههههه

ابو زينة اهلا وسهلا

وتبدا بالتضيف قهوة ثم مشروب العيد ثم تدعوهم للطعام

بعد شي دقيقه على السفرة ياكلوا شي محطوط على السفرة (بسيط)

ثم يقول ابو جون

سفرة دايمة تعبتوا حالكم كتير ما في داعي لكل هل اكل ههههههههه بس بتعرفي نفسك حلو بالاكل يا ام زينة

تضحك ام زينة وتقول ههههههههههه مو انا اللى طابخة هاد جاهز كرمالكم بسسسسسسسسسس أي صدقوني دفعنا...........احم احممممممممممم وهنا يدقرها ابو زينة ميش عاجبوه ردها ويقول بصوت اعلى من صوتها ولوو ام زينة نفسها بالاكل غير شكل ويضحك ضحكة صفرا هههههههههههه ويقول يعيني حبكة تقولى الصدق اليوم يالله اهلين اهلين تفضلوا نقعد حد الشجرة هههههههههههه

بعدين يساذنوا وياخذو حلو العيد ويخرجوا مع السلامة نورتونا يا جماعة ............ تقول ام زينة وابو زينة



ثم تنظر الأم الى بناتها وتقول :





الام : وهلاّ خلينا نرتب البيت بسرعة علشان نحضر حفل بابا نويل الساعة ( 12)



يتظاهر الجميع بأنهم يرتبون وهنا

الام : زينة حبيبتي ... خذي اللي ظل من الاكل و كبيه برا ..... لأنه بكرة

ما راح ناكله .......بكرة العيد وإحنا معزومين عند دار الجده ,

خذيه كله ياماما وكمان اللى بالثلاجة ما تخلي اشي خلي الواحد يغير يوم العيد بغير اكله زهقنا

(( وهاي أنا شايفتك من الشباك )

بتروح الام لنهاية الممر لتنظر من النافذة



(تذهب زينة لرمي الكيس وتضعه في بداية الطريق بقرب النفاية ... يأتي طفل ملابسه ممزقة

وياخذ الكيس مسرعا ويبتعد قليلا ويبدأ بالأكل بكلتا يديه وبلهفة )

الطفل الجائع : يا بيـــــــي ... كل هالأكل كابينه .... أي بكفينا انا و اهلي شهر صحيح ناس مو مقدرة اللى هما فيهههههههههههههه يالله من حظي انا واهلي الله بيرزق ولو انة لكبب بس نعمة واجتتتتتتتتت.

(تعود زينة مسرعة ومندهشة مما رأت وتقول)

زينة : ماما ماما في ولد برا خطف كيس الاكل اللّى رميناه ..... وصار يوكل بسرعة .....يا حرام لو شفتيه ياماما ...أكيد جيعان . ( تصمت قليلا ثم تتابع )

زينة: ماما .... شو فيها لو خليناه ياكل برا .... ( تقول بخوف بخوف ) برا عند الدرج ؟

( الام ): شو شو... شو فيها.!!!.......... وعند الدرج ..... ولا حتى بعتبة الدرج ديري بالك ,

هدول ناس مو نظيفين وكلهم جراثيم .....( تقترب الام من زينة وتربت على كتفها ) .........بدك توعديني يا ماما ما تحكي مع هيك ناس لأنهم مش من مستواكِ...ومش نظيفين ........اتفقنا ......

وهلا تأخرنا وصار لازم نروح .


يلتفت بابا نويل الى العائلة ... يضرب على رأسه مجدد وهنا يطفي الاضواء لوهلة ويتقدم بابا نويل لوسط مع موسيقي حزينة



يا رب بعد ها العمر وبعد ما لحيتي ابيضت هآي آخرتي ....الناس بيغمضو عيونهم عنك تيشوفني أنا . وبيسدو أذانهم عنك تيسمعوا صوت اجراسي ... مشعلين كل هالنور وقلبهم من جوا مظلم مش شايفين نورك البهي ... مش شايفين غير جزمتي وهديتي ...وصوت جرآسي... يا ويلى يا ويلي هناك البكا وصرير الأسنان ....الندم اللي مارح ينفع ........ ايش اعملت بكبرتي لوين وصلتتتتتتتتتتتتتتتتتت ؟



.... يارب تساعدني ...... يارب تفتح عيونهم تيشوفوك انت .... وتفتح اذانهم تيسمعوا صوتك ...

خلص .. مش معقول اللي بصير ......... الناس لازم توعى ..وانا لازم اعمل اشي ... ومارح اسكت بعد اليوم ... ( يفكر قليلا ) ويتابع





هنا يقرر بابا نويل التالي



بابا نويل : ( بصوت عالي ومتجه للجمهور ) أنا قررت اليوم لازم الكل يعرف حقيقة بابا نويل

وشو هو معنى العيد الحقيقي ... وكبف نحتفل بالعيد ..... والأهم من هيك لمين احنا منعيد .... لمين منعيد !!!!



ويعرفوا انه أنا مش صاحب العيد اللى علقوله كل هالزينة والصور والأنوار

اليوم الكل لازم توصله رسالتي .........

الكل لازم يعرف بقراري( بابا نويل) و يقبلوه كمان .

(......... يفكر بابا نويل بصوت عالي وهو واضع اصبعه على راسه .)



بس كيف ...كيف يا نويل....... اخلي الكل يجي الكبير قبل الصغير مع اولادهم على الحفلة الليّ بقاعة الكنيسة كيففففففف ؟

شو يا بابا نويل انت بتسأل سؤال ذكا ؟ ( ويضحك ضحكة صفرا )

ويقول :.........آي ما هم الكبار بستنوني اكثر من الاولاد ...بس لازم اكتب دعوة توصل لكل بيت ( يرمي سانت كلوز الرسالة للمنازل ولبعض الجمهور)

أحبائي انتو مدعوين على حفلة بابا نويل في قاعة الكنيسة في تمام

الساعة (12) الساعة (12) الكل مدعوا (ينظر الى الجمهور) وانتو مش ما تيجوا ... لاقوني هون الساعة 12 .... ( ويكرر ) وين تلاقوني (: الجمهور ) هون بالقاعة .... والساعة (الجمهور) الساعة 12




يغلق الستار لدقائق معدودة في هذه الأثناء يتجمع الاطفال في الحفل على المسرح وتدار أغاني بابا نويل ويؤدون رقصة سريعة لحين وصول بابا نويل








المشهد الثالث







(يدخل بابا نويل على الحفل, يلتفوا حوله الأطفال , يطبطب عليهم ويضحك ضحكة خفيفة من وراء قلبه (حتى ما يكسف الأطفال ) ويبدأ حديثة ويقول :

Merry Christmas اليوم ولد المسيح ..هللويا ( يرد د الجمهور/ الاطفال ) هللويا .

بابا نويل : انا بشكركو كثير كثير لأنكو انتظرتوني حتى هاي الساعة ...وبعرف قديش بتحبوني وتحبوا لحيتى البيضا ولباسي البراق الأحمر..... وبَقدّر انكو تلاقوني بالأغاني والشجرة والزينة



بشكركو لان هاي السنة كمان معلقين صوري وأشكالي ( يؤشر على الصور )

على........... كــــــــــــــــــــــــ ـــــــل ... شرفة .....وحيط



وعلى............ كل شجرة ..........وعلى كل حبة شوكولاته . خليتوني الشخص اللي بدّخل الفرح لبيوتكو.



ما بخبي عليكو يا ولادي .. المهمة ما كانت سهلة اني ألف العالم كل سنة وارسم بسمة على شفاه المحرومين والفقراء وهالشي بقدر ما كان متعب كنت في غاية السعادة بالعطاء المعجون بالمحبة والخير والتواضع ... ما بقدر اوصف بالكلام قديش كنت افرح وانا بقدم هدية لمحروم ...وانا بزور مريض ..او بواسي حزين ..... وانا بغطي طفل بردان.....

وانا بمسح دمعة طفل محروم من لقمة الاكل اللي بتنكب بالقمامة (وينظر بابا نويل الى ام زينة) .......... مش هيك يا ام زينة ؟

:
وهنا ينظر الى الأطفال ويقول

يمكن يا ولادي انتو مش عارفين عن أي شي بحكي بس أكيد أهاليكو عارفين



بس بدي تفهموني كيف عملتولي كل ها البهرجة وهاالهيصة وانا بزوركو مرة بالسنة

( ينظر الى الجمهور )

( وكثار منكو بيعرفوا اني بكون ابن الجيران أو واحد من العيلة بس لابس بدلة حمرة .. يعني بابا نويل هو انسان مثلكو ... هو انا وانت وهو.... ومع هيك

.... استقبلتوني بأضوية وزينة و أغاني ورقص. وما ننسى الحفلات والزيارات والعزايم وشو بدي اقول تأقول .... ولما بيصير وقت الصلاة تنسوها لتحتفلوا بالعيد ببيوتكم مع حالكم بدون الرب ويا ...يالطيف !!! مش فاضييـــــــــــن عِنا هيك ومش هيك !!!!!

مش بالأولى انكو تستقبلوا الطفل المولود يسوع الاله المتجسد على شانا احنا الغير مستحقين المغموسين بانانيتنا وكبريانا واللى ما بنفكر غير بحالنا يا ام زينة ............ما بنفكر ولا بيخطر ببالنا صاحب العيد الرب الالهة اللى تواضع وولد بمذود ومغارة ليخلصنا وهو ملك الملوك .. واللى دايما معنا يحمينا ويرعانا ..وهو اللي واقف على بوابنا حتى نفتحله ... واذا ابعدنا عنه بدوِّر علينا وبينادينا وبيقولنا تعالوا يا متعبي وثقيلي الأحمال وانا أريحكم !! . اه اها اه نسيت انتو احمالكم خفيفة ليش لتروحا لعندو مقامكم عالى عالى يا ام زينة وام ميلاد ........ كيف بتسمحوا لنفسكوا تستقبلوني وما تستقبلوا رب المجد خالقنا وابونا .......وكمان( ينظر الى الجزمة على الجدار) وصلت فيكو تزينوا بيوتكوا بجزمتي يا حرام ... حتى جزمتي رفعتوا قيمتها !!!!!!!!!!!!
لالالالالالالالا مش بس هيك حتى الرحمة انعدمت من قلوبنا وصرنا نعلم ولأدنا على القسوة ........اسمعيها نصيحة يا ماما وواعديني ............... لوين موصلين ولادكم هاي هي ايقونة الرب هدول هما ابناء المسيح

اللى بيوتهم هي كنيسة تشع منها الرحمة والبركة والنعمة ؟؟؟؟؟؟؟!!!!!!!!!

... بطلنا نشوف الجيعان والمسكين والبردان ..... .منسكر بوابنا حتى ما يدخلو (ينظر الى أم ميلاد ) مش هيك يا ام ميلاد . بتفكري ما حدا شافك !!!!

ام ميلاد : (تتعجب مين .مين شافني تهمس )

بابا نويل : الرب يسوع اجا يزورك بس سكرت الباب وما خليتيه يدخل ولا استقبلتيه... .........

ام ميلاد :الرب يسوع !!! ابدا ما شفته ... ( يقاطها بابا نويل )

بابا نويل : ما تستغربي.... لو سمحتي للطفل البردان يدخل واستقبلتيه في بيتك بتكوني استقبلتي الرب يسوع ... لأنه شو ما منعمل مع اخوة يسوع البردانين احنا منعمله مع الرب يسوع . ( وينظر الى ام زينة ) ويقول : وكمان الجيعانين والمساكين يا ام زينة .... نطعمهم وما نحتقرهم ... لأنهم اخوة يسوع... ( وينظر للجمهور ) وانا وانتو لو فكرنا شوي ...... مش يمكن يدور الزمن ونصير احنا جيعانين وبردانين ؟؟؟؟؟؟

وهيك منعرف انه مافي حدا احسن من حدا بنظر ربنا الا بالإيمان والمحبة ..محبة الله ومحبة القريب

انتو يا ولادي للأسف .. فكرتوا العيد هو بابا نويل ........... خليتوني العيد / ومصدر الفرح /استقبلتوني بالأغاني وحكيتوا عني أساطير




** وهاد هو الغلط يمكن الغلط منى... يمكن منكم بس المهم نعرف غلطنا ونصححه قبل ما تفوت الفرصة ..." الآن ان سمعتم صوته فلا تقسوا قلوبكم " .



ام ميلاد: يا بابا نويل .هذول ولاد صغار ..شو بفهمهم .......وبدهم يفرحوا ...... وبدهم يحسوا بالعيد .



ام زينة : يا بابا نويل ربنا حكى" افرحوا مع الفرحين واحزنو ا مع المحزونين " صح ولا أنا غلطان ؟



( بابا نويل ) :صح يا بنتي ومين قال انه ما يفرحوا ..... كلنا لازم نفرح بعيد ميلاد الرب يسوع الكبير والصغير.... بس يا بنتي المهم نعرف لمين بنفرح ؟ و كيف بنفرح ؟



بنفرح للرب يسوع المخلص ...و كيف نفرح بالعيد لما نزرع الفرح بقلوب المحتاجين ,والعريانين,والمهمومين, والمساكين وهيك بنفرح وبيفرح معنا يسوع .....هيك بنلقاه وسطنا بيداوي جروح اخوتنا معنا بيطعم المسكين معنا بيسكن عنا وابدا ما بيروح لانة بيعرف ان قلبنا مسكنة



الزينة و الشجرة و الهدايا ... بتفرح الاولاد ... بس ما نهتم فيها كثير وننسى المهم....

الرب يا ولادي شو قال لمرثا أخت العازر

"مرثا مرثا انك مهتمة بأمور كثيرة وما الحاجة الا لواحد فاختارت مريم النصيب الصالح الذي لا ينتزع منها " اختارت الرب يسوع وجلست تسمع اقواله



وانتو... باللي شفته اليوم اخترتوا بهجة الدنيا اللي ما بدوم الزينة والفخفخة والأغاني والهدايا .... وللاسف تركتوا النصيب الصالح الرب يسوع ... ومافهموا اولادكوا معنى العيد ولمين منعيد !!!!!!!!!!



وعشان هيك قررت من هالسنة ما أزور بيت او اسرة ما اختارت النصيب الصالح ... وتكون الزينة والشجرة آخر الإهتمامات ...

الامهات : وكيف رح تعرف ؟؟

بابا نويل : من الاستعداد للعيد بالقلب صحصح الله هو فاحص القلوب والكلى بسسسسسس لان قال كمان من ثمارهم تعرفونهم ثماره .... صلاة .... صوم .... اعمال الرحمة واللي قلته بالاول ... اكيد عرفتوه مارح اعيده من له اذان للسمع فليسمع .




وبتمنى انه رسالتى اليوم وصلت .... ما تزعلوا منى..لاني بحبكو كثير ومحبتى الكو هي اللي خلتني احكيلكو كل هالشي ........علشان تلحقوا الفرصة وما يسرقوا الوقت وتفضلوا برا المغارة الحقيقة مهتمين بشكلها ولونها ونورها ولكن لتدخلوها بقلوبكم وإعمالكم



وهلا صار لازم أروح حتى الحق ركب المجوس و أكون مع صاحب العيد واحتفل معه وما بدي أكون بس متفرج من بعيد .

راح اركع أمام الطفل واصلي بحرارة حتى ربنا يفتح عيونكو وأذانكو وقلوبكو حتى تشوفوا نعمة الله وتسمعوا كلمته ... وساعتها راح يولد في قلوبكو ... وتعيشوا الفرح والسعادة



رح أتركوا تحتفلوا بالعيد تبعكو وعلى طريقتكو وهلا اسمحولي




يصرخ الجميع ما تتركنا يا بابا نويل

( الأمهات : ) ما تتركنا يا بابا نويل



( بابا نويل ) : يا بنتي أنا قلتلكو عيدكو بعيد كثير عن عيدي شو بعد بدكو

الأمهات: بدنا تخذنا معك يا بابا نويل حتى نولد مع الطفل ونكون خليقة جديدة مليانة محبة وتواضع ما فيها تكبر ولا أنانية .. ( معه لا نريد شيء على الأرض)

((ينظرن الأمهات والآباء لبعضهم بدموع الفرح ويوعدوا ب))

ونوعدك يا بابا نويل من اليوم اخترنا النصيب الصالح , خلعنا الانسان القديم وهلا صرنا خليقة جديدة بميلاد الرب .

وهنا يذهب بعض الامهات والاولاد ليحملوا الايقونة من على الجدار وتحمل بين الاذرع في وسط المسرح لترتل مجموعة بسيطة من تراتيل الميلاد الطقسية منها

ميلادك ايها المسيح .......واليوم العذراء تاتي الى المغاره (ترتيل )بعد نهاية الترتيل يضع الاطفال قبعة بابا نويل ويرتدي زيه ويوزع الهدايا بفرح ويقول: Merry Christmas اليوم ولد المسيح (الجميع) هللويا ( ويضحك ضحكة باب نويل الشهيرة ها ها ها )

الــنـهــايــــــة





















التعديل الأخير تم بواسطة ريم الخوري ; 12-28-2010 الساعة 10:45 PM
رد مع إقتباس
Sponsored Links
بياناتي
 رقم المشاركة : ( 2 )
اشرف وليم
ارثوذكسي ذهبي
رقم العضوية : 104304
تاريخ التسجيل : Apr 2010
مكان الإقامة : الاسكندرية
عدد المشاركات : 7,428
عدد النقاط : 23

اشرف وليم غير متواجد حالياً

افتراضي رد: مسرحية صاحب العيد 2010

كُتب : [ 12-28-2010 - 07:02 PM ]


مجهود رائع
الرب يبارك حياتك

رد مع إقتباس
بياناتي
 رقم المشاركة : ( 3 )
ريم الخوري
ارثوذكسي فضى
رقم العضوية : 39544
تاريخ التسجيل : Nov 2008
مكان الإقامة :
عدد المشاركات : 3,805
عدد النقاط : 65

ريم الخوري غير متواجد حالياً

افتراضي رد: مسرحية صاحب العيد 2010

كُتب : [ 12-28-2010 - 10:46 PM ]


شكرا اخي اشرف نورت الموضوع
الرب يقويك ويكون معك


رد مع إقتباس
بياناتي
 رقم المشاركة : ( 4 )
كرستين ص
ارثوذكسي صانع
رقم العضوية : 70316
تاريخ التسجيل : Jul 2009
مكان الإقامة :
عدد المشاركات : 669
عدد النقاط : 13

كرستين ص غير متواجد حالياً

افتراضي رد: مسرحية صاحب العيد 2010

كُتب : [ 12-29-2010 - 01:56 AM ]


تحفه ياريم تسلم ايدك
والرب يعوضك


رد مع إقتباس
بياناتي
 رقم المشاركة : ( 5 )
ريم الخوري
ارثوذكسي فضى
رقم العضوية : 39544
تاريخ التسجيل : Nov 2008
مكان الإقامة :
عدد المشاركات : 3,805
عدد النقاط : 65

ريم الخوري غير متواجد حالياً

افتراضي رد: مسرحية صاحب العيد 2010

كُتب : [ 12-30-2010 - 12:25 AM ]


شكرا كرستن نورتي يا قمر
الرب يبارك حياتك


رد مع إقتباس
بياناتي
 رقم المشاركة : ( 6 )
emmmy
ارثوذكسي ذهبي
رقم العضوية : 49304
تاريخ التسجيل : Feb 2009
مكان الإقامة :
عدد المشاركات : 7,158
عدد النقاط : 31

emmmy غير متواجد حالياً

افتراضي رد: مسرحية صاحب العيد 2010

كُتب : [ 12-30-2010 - 10:49 AM ]


رائع ياريم برافوا عليكى
اية يا بنتى المواهب المستخبية دى
ايوة كدة طلعيها طلعيها وبلاش تواضع بقى
حقيقى مجهود جميل جدا جدا مرسى يا حبى
ربنا يعوضك ويفرحك بميلادة وحضورة ونورة فى حياتك

رد مع إقتباس
بياناتي
 رقم المشاركة : ( 7 )
ريم الخوري
ارثوذكسي فضى
رقم العضوية : 39544
تاريخ التسجيل : Nov 2008
مكان الإقامة :
عدد المشاركات : 3,805
عدد النقاط : 65

ريم الخوري غير متواجد حالياً

افتراضي رد: مسرحية صاحب العيد 2010

كُتب : [ 12-30-2010 - 02:48 PM ]


ويفرحك يا قمر بجد سعيدة انك قريتها با بطة
انشاللة يا رب تبقي فرحانة ديما بحضورة بحياتك
واما بقي طلعي طلعي ابداعك دي احب اقولك لالالالالالالالا
ميش مطلع ها اي رايك
كل اللى معاي فكه هههههههههههههه ينفعو لو ينفعو حطلع هههههههههههه
استني لما اصمد واحوش شي كم فكره من التفاكير ايها وابعت ليكي حواله فيهم اي رايك يا قمرررررررررر
عقاب ليكي على الفتنه

ينعاد عليكي سنة سعيدة باحضان الرب


رد مع إقتباس
بياناتي
 رقم المشاركة : ( 8 )
emmmy
ارثوذكسي ذهبي
رقم العضوية : 49304
تاريخ التسجيل : Feb 2009
مكان الإقامة :
عدد المشاركات : 7,158
عدد النقاط : 31

emmmy غير متواجد حالياً

افتراضي رد: مسرحية صاحب العيد 2010

كُتب : [ 12-30-2010 - 03:39 PM ]


هههههههههه
كدة برضوا طب حقك عليا مش هفتن عليكى تانى دا وعد منى
حرمت خلاص اهئ اهئ اهئ بس علشان خاطرى مستكفيش بالفكة
مش هتكفى الدنيا بقت غلا يا اختى هههههههه ربنا يفرحك دايما يااااارب


رد مع إقتباس
بياناتي
 رقم المشاركة : ( 9 )
ريم الخوري
ارثوذكسي فضى
رقم العضوية : 39544
تاريخ التسجيل : Nov 2008
مكان الإقامة :
عدد المشاركات : 3,805
عدد النقاط : 65

ريم الخوري غير متواجد حالياً

افتراضي رد: مسرحية صاحب العيد 2010

كُتب : [ 01-19-2011 - 06:57 PM ]


وقلبك ايمي متهونيش عليا يا قمر ولوووووووووووووووو


رد مع إقتباس
بياناتي
 رقم المشاركة : ( 10 )
كراكيب
ارثوذكسي بارع
رقم العضوية : 14367
تاريخ التسجيل : Jan 2008
مكان الإقامة : في بيتنا
عدد المشاركات : 1,663
عدد النقاط : 12

كراكيب غير متواجد حالياً

افتراضي رد: مسرحية صاحب العيد 2010

كُتب : [ 01-19-2011 - 07:04 PM ]


  • جميلة قوي بس انا لسه بقراها لكن اكيد جميلة جدا طبعا طالما تبع ريم المبدعة
  • لو عملناها عبقي اغير الكلمات الغير مصرية بمصرية بقي

رد مع إقتباس

اضافة رد

مواقع النشر (المفضلة)

الكلمات الدلالية (Tags)
2010, العيد, صاحب, مسرحية

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع

المواضيع المتشابهه
الموضوع كاتب الموضوع المنتدى مشاركات آخر مشاركة
صور دير مارجرجس الحديدى بسوهاج جديدة 2010 وانفراااد amgad_mikhael قسم الكنائس والاماكن الاثريه 3 02-25-2011 09:12 PM
انفراااد صور دير الشهداء بأخميم سوهاج جديدة 2010 لاول مرة amgad_mikhael قسم الكنائس والاماكن الاثريه 1 08-31-2010 06:13 AM
صور دير الانبا شنودة الغربى الدير الابيض بسوهاج احدث 40صورة 2010 amgad_mikhael قسم الكنائس والاماكن الاثريه 1 08-31-2010 05:59 AM
صور دير الانبا توماس السائح بأخميم سوهاج 40 صورة جديدة وحصرياً 2010 amgad_mikhael قسم الكنائس والاماكن الاثريه 0 03-23-2010 01:16 AM

Rss  Rss 2.0 Html  Xml Sitemap SiteMap Info-SiteMap Map Tags Forums Map Site Map


الساعة الآن 01:44 PM.