[Rss]

حرقوا بيوتنا وأخدوا فلوسنا
وإحتارنا قوى يارب ولوصنا
ياللى رفضتوا حماية الأقباط
إيه رأيكوا بقى بعد قُلوصنا !

نفسنا فى حماية دولية
وتكون قبليها حماية الله
هو إللى حصل لينا شويه !
كام أم بتُصرُخ وتقول آه

مش قصدنا يحتلوا بلدنا
قصدنا يبعتوا لينا مُراقبين
رافضين يحمينا جلادنا
إزاى يحمينا السلفيين

عايزين الأمم المتحده
يبعتوا ناس وظيفتهم تفتيش –
-عالإقسام وبوليس النجده
إللى شبعنا منهم تلطيش

يعنى يرضيكم ياجماعة
إللى حصل لينا فى أطفيح
فِضلوا إتنين وِعشرين ساعة
يهدوا كنيسة المسيح

ولا حد إتحرَّك مـ الشرطة
ولا فيه حَد إتحَرَّك مـ الجيش
إحنا فـ مصر بقينا فـ ورطة
فيه تسيب آه والأمن مفيش

فيها إيه بقى لو حد راقبهم
مش حد عليهم يستولِى
يمكن يتعدلوا ليكشفهم
قُدَّام المجتمع الدولى

إحمينا يارب إنت إحمينا
مـ الشَّر الزَّايد علينا
الموج عالى والريح هايجة
إنت الملجأ وإنت المينا

المصدر : منتديات الحق والضلال

مواضيع منقولة من مواقع اخرى بخدمة Rss

المصدر: †† ارثوذكس †† - من قسم: مواضيع منقولة من مواقع اخرى بخدمة Rss