[ROMA_2]

سلام ونعمة
انا اول مرة اشارك فى المنتدى واللى شجعنى انى اكتب اللى مضايقنى هو ارائكم ومشوراتكم وارشداتكم وخبراتكم
لكن معلش استحملونى شوية لان فية تلات حاجات مضايقينى ومسببلى الم

اولا انا لما انا دخلت الخدمة جديد كان فية خادم بيراقب او بيلاحظ اى شى اعملوا او اى حركة ولما يكون فية ولد فى الفصل هازعق فية قبل ما اعمل حاجة يكون هو مسيطر على الفصل قلت فى الاول يمكن هو كدة مع كل الخادمات وشوية شوية اهتماموا دة بقى يزداد ولدرجة انى حسيت انى لازم اطلع برة اكون حلوة والبس واقف قدام المرايا كتير علشان بس مكونشى وحشة لما يشوفنى
واللى تعبنى اكتر انوا على علاقة بواحدة طب ادام هو على علاقة بواحدة انا بعمل كل دة لية المفروض عرفت انوا على علاقة اتلم ومفكرشى فية لكن مش عارفة لية كدة انا عارفة ان دى غلطتى واتطورت انوا اخد الايميل بتاعى واتكلمنا بس اننا خدام وكلام فى كلام حسيت من كلامة ان فية حاجة من ناحيتة ليا بس ويعلم اللة مطلعت منى كلمة كدة ولا كدة ولا اى شى من ناحيتى وابتدىت انا اتشد وادخل مخصوص علشان نتكلم رغم انوا لا ينفعنى وانة على علاقة بواحدة تانىية ولما دخلت الخدمة ولقيت الانظار علية من خدام وخادمات لانة نشيط جدا وجذاب
ابتديت اهتم انى اعرف اخباروا هو والبنت بتاعتة ولما حكيت لاب اعترافى قالى احذف الايميل واقطع كلام وفى الوقت اللى قطعت فية كل حاجة لقيت معاملاتة هو ليا اتغيرت قبل ما انا اغير حاجة ودى ضايقتنى جدا وابتدينا نتكلم حدام وبس
المهم دلوقتى ان مفيش حاجة من ناحيتى بس خايفة جدا انى ارجع من تانى للموضوع دة ومن كل فترة وفترة ارجع افكر فى الايام دى
فارجو المشورة

ثانياانا اختى الاصغر من احلى من شكلا وجذابة عنى فى كلامها وفى حركتها وفى لبسها احنا لبسنا عادى بس هى علشان حلوة واطول فالناس بيفتكروها الاكبررغم انهم عارفين انها الاصغر
فطبيعى ان ....العرسان عليها هى مش انا ودى مسببالى ازمة جوايا رغم انى اجتماعية وليا اصحاب وحلوة ودى مش مجاملة فيا بس مش عارفة لية هى لافتة الانظار
لو عليا انا مكنتش بفكر ابدا ابدا فى الموضوع دة لكن لما العرسان يجولها هى علشان حلوة فاحساسى متحسوش غير البنت الغير مرغوبة فيها
وحصل ان جالى عريسين بس على السيرة ولما كانوا ييجوا علشان نقعد مع بعض كان لازم من البيت انى البس احلى لبس واحط مكياج والبس كعب والحركات دى يعنى
ولالاسف مرجعوش تانى..............
واللى مضايقنى كمان ان الاهل دلوقتى مش معترضين على احط مكياج او البس قصير او ضيق رغم من صغرى اتعلمت ان كل دة غلط ومبقيش عندى ثقة فى اختياراتى لانهم بيختاروا انى البس من اختيارات اختى
وانا حاسة انى عقبة قدام اختى والاكثر قدام البيت والخوف ادبس فى اى حد وخلاص علشان ابعد عن المضايقات اللى حواليا واللى جوايا
على الرغم انى بحبها بس التعليقات والحاجات دى من الاهل حاسة انها هاتكرهنا فى بعض

ثالثا من وانا فى اعدادى عندى رغبة من جوايا انى يكونلى اخ ولد كبير لان معنديش اخوات اولاد كبار ونفسى يكونلى اخ كبير يخاف عليا واحكى معاة والاهم ان يعاقبنى على اى شى غلط ودة السبب فى ان يكونلى اخ كبير ومعرفش لية الرغبة دى جوايا
لدرجة انى بسمع الافلام والمسلسلات اللقطات اللى ييجى فيها ولد يزعق فى بنت او يضربها وللاسف بيدخل جوايا واطبقوا فى فكرى على اشخاص من اللى حواليا
والحكاية دى مستمرة لغاية دلوقتى وبحس بلذة لما بفكر فيها ومتسالونيش ازاى بس هو دة احساسى لغاية وانا فى الكلية اخر سنة
وممكن تكون الرغبة دى هى سبب فى انى بحب اتعامل مع الاولاد
ومش عارفة الرغبة دى هاتوصلنى لاية

ااااااااااااااااسفة جدا على الاطالة بس انا طلعت كلام كتير مقدرتش اطلعوا فى الواقع فسمحونى على الاطالة وارجو الرد من اخوات لاخت اصغر منهم
شكررررررررررررررررا

المصدر: †† ارثوذكس †† - من قسم: حوار من الاعماق