[انغام الملك داود]

هاي ياجماعة طبعا الموضوع باين من عنوانه خايفة اوي خايفة من الي جاي
الموضوع ببساطة ان الدرجات بتاعت تالتة اعدادي الترم الاول سكر وكانها مش درجتنا
بمعني المادة الي فاكرين هاننقص فيها كتير جايبين فيها النهائية والمادة الي مفروض نجيب فيها النهائية ناقصين فيها بلهبل وطبعا الوضع ده حصل معايا واغلبية صحابي
هكذا وكل الي رايح والي جاي بيخوف فينا وبيقولوا ان الي هاينقص اكتر من اربعين درجة في الترمين مش هايدخل ثانوي ((طبعا منقصتش اربعين درجة))
لكن الموضوع بلنسبالي رعب ومش عارفة ازاكر من كتر الخوف وكل الي بحفظه بنساه
علي طول وبتخيل اني هانقص اربعين درجة ونفسي اعرف ثانوي بتقبل من كام
يريييييييييييييت حدددددددد يطمنييييييييي!!!!!!!!!!!!!!
ارجوكم ارجوكم طمنوني واخد بركة من ردكم بس قولولي بصراحة
وربنا يبارككم.

المصدر: †† ارثوذكس †† - من قسم: صندوق مناقشات الاعضاء

[انغام الملك داود]

كده برده محدش نفسه يطمني

[kiro0oalex]

متخفيش اوى كده
هو انا معرفش ثانوي بتقبل من كام
بس اكيد الكلام ده علشان يحفزوكوا مش اكتر فى ظل ظروف البلد ديه
وانتى اعملى اللى عليكى وسيبى الباقى على ربنا ومتفكريش كتير هو اكيد هيتصرف
بس انتى ركزى كويس
وربنا يوفقك انتى وكل اصحابك

[دودي بوب]

بصي يا قمر انا في 3 اعدادي زيك واللي انا اعرفه ان الثانوية العامة
بتقبل من 180 او 190 بس انتي متخافيش وصلي وربنا هيقف معاكي
ولو انتي بتنسي بصي قبل متذاكري صلي واقري في الانجيل وبعدين
ذاكري بالكتابة مش بالحفظ والتسميع بس اللي تحفظيه اكتبيه في ورق او كشكول
وانتي بتذاكري اكتبي بعض الايات

استطيع كل شي في المسيح الذي يقويني

اله السماء يعطينا النجاح ونحن عبيده نقوم ونبيني

انا بقولك اللي انا بعمله وربنا قال كلمة لا تخف 365 مرة معني كده انه بيقولنا كل يوم متخافوش

اسفة علي التطويل

ربنا معاكي

[انغام الملك داود]

المشاركة الأصلية كتبت بواسطة kiro0oalex متخفيش اوى كده هو انا معرفش ثانوي بتقبل من كام بس اكيد الكلام ده علشان يحفزوكوا مش اكتر فى ظل ظروف البلد ديه وانتى اعملى اللى عليكى وسيبى الباقى على ربنا ومتفكريش كتير هو اكيد هيتصرف بس انتى ركزى كويس وربنا يوفقك انتى وكل اصحابك

مرسي خالص لمرور حضرتك وفعلا انا هاعمل الي عليا واسيب الباقي علي ربنا

[انغام الملك داود]

المشاركة الأصلية كتبت بواسطة دودي بوب بصي يا قمر انا في 3 اعدادي زيك واللي انا اعرفه ان الثانوية العامة بتقبل من 180 او 190 بس انتي متخافيش وصلي وربنا هيقف معاكي ولو انتي بتنسي بصي قبل متذاكري صلي واقري في الانجيل وبعدين ذاكري بالكتابة مش بالحفظ والتسميع بس اللي تحفظيه اكتبيه في ورق او كشكول وانتي بتذاكري اكتبي بعض الايات استطيع كل شي في المسيح الذي يقويني اله السماء يعطينا النجاح ونحن عبيده نقوم ونبيني انا بقولك اللي انا بعمله وربنا قال كلمة لا تخف 365 مرة معني كده انه بيقولنا كل يوم متخافوش اسفة علي التطويل ربنا معاكي

مرسي اوي يادودي علي مرورك في موضوعي ربنا يباركك ديما
علي فكرة كلامك طمني قوي لو زي مبتقولي ثانوي بتقبل مثلا من 190 يبقي كده الواحد هيكون ناقص110 درجة وده طبعا مستحيل يحصل بلنسبالي وفعلا ارتحت ربنا يفرحك ديما

[emmmy]

متخافيش يا انغام يا حبيبتى
ومش انتى بس اللى ينطبق عليكى الخوف بس الظروف كانت على الكل الخوف كان هيكون طبيعى لو كنتى انتى مقصرة لكن البلد ظروفها وحشة جدا الايام دى يعنى زيك زى غيرك وبعدين اكيد اكيد الظروف اللى حصلت هتتحط فى الاعتبار بالنسبة للدرجات
بصى يا حبيبتى كتخافيش واعملى اللى عليكى وسيبى الباقى على ربنا وانا واثقة انة هيكون معاكى ويوفقك



بعد اذنك انا هنقل موضوعك لقسم المناقشات
هيكون انسب يا قمر

[انغام الملك داود]

مرسي يا ايمي علي مرورك-مرورك ديما بركة لينا
وواضح من كلامك انك تاسوني شاطرة ربنا يباركك ويبارك خدمتك
بس علي فكرة انا سدقيني مقصرتش تماما بلنسبة للمذاكرة وانا واثقة من كلامي
والدليل كل معلميني كانوا فاكريني هاطلع من الاوائل حتي الامتحانات مكنتش صعبة
ولكن الدرجات عكس التوقع لكن زي مبتقولي عملت الي عليا
(((شكر خاص لمرورك)))

[emmmy]

اولا مرسى لكماتك الجميلة اللى انا مستحقهاش
وكتيرة عليا حقيقى اشكرك يا قمر
ثانيا مدام عملتى اللى عليكى وبتعملى اللى عليكى
يبقى خلاص متخافيش خالص
ربنا هيديكى اد تعبك حتى لو ظلمتك الظروف صدقينى الهنا جميل وعادل وحلو شايف عملك وامانتك واخلاصك فى حياتك ومذاكرتك وثقتك فية وفى نفسك بية وبمحبتة ليكى ونعمتة اللى بتسندك
حلى حياتك وقلبك بين ايدة وسبية هو يعمل وبرسم طريقك وتاكدى انك هتلاقى كل النجاح والسعادة فى الاعتماد علية مع الصبر والكفاح والايمان واوعى تفقدى سلامك لاى سبب مهما كان
سمعة يا انغام مهما كان
الخوف دة بيكون نتيجة تاثير الانسان فى حق نفسة واهمالة
وربنا يوفقك يارب وتبقى زى ما انتى عاوزة واحسن
ربنا يفرحك ويكون معاكى دايما

[captin . macmillan]

انا فى تااتة اعدادى باردو و اتظلمت فى الترم الاول انا مثلا النفروض ناقص فى العلوم نص درجة لكن انا ناقص 3.5 درجة حتى انا ليا حد بيروح الادارة بيقولى بنت شاف ورقة الاجابة بتاعتها بعد ما اتصححت مش معمولها علامة غلط بس نقصة درجتين كده بس ادينا اتنصفنا شوية الترم التانى