[emmmy]

انا حقيقى مش عارفة اقول اية !!
حاسة ان جوايا كلام كتير - بس مش عارفة اترجمة
احبائى واخواتى واصحابى اللى بعتز بيهم وبحترمهم وبحبهم عن صدق وامانة
انا عاوزة اعتزر لارثوذكس على تقصيرى فى الخدمة طول السنين اللى فاتت انا كنت ببقى فى منتهى السعادة لما احس انى عملت موضوع افاد غيرى بنعمة ربنا طبعا وخصوصا موضوعات الخدمة بس كنت مقصرة بردوا لعدم قدرتى وامكانياتى المحدودة كان على اد مواهب ربنا ليا بحاول اتعلم منكم واوصل ليكم فى نفس الوقت
عاوزة اعتزر كمان لاى حد زعل منى فى يوم من الايام على خطأ اتركبتة من غير قصد او تعمد ياريت لو حد شايل منى اى حاجة ينساها وحقة عليا اسفة حقيقى
عازوة اعتزر لارثوذكس على احساسى بالعجز والضعف امام موقف حاسة انة اكبر منى وكل مقدورتى ومحاولاتى متقدرشى تنقذة من احتمال غلقة
وعلى الرغم من انى عشمانة فى تدخل ربنا وانة يسمع طلباتنا ويتمجد وينقذ ارثو بطريقتة علشان تفضل خدمتة اللى كانت سبب بركة لناس كتير
الا انى بفضفض معاكم علشان لو حصل وارداة ربنا كان ليها رأى تانى وارثو اتقفل يبقى
عازوة اعترف بجميل كل واحد فى ارثوذكس عليا ويعوزنى الوقت والسطور والصفحات والساعات لو ذكرتهم واحد واحد
هبدأ بمين وانهى بمين نفسى فعلا اذكركم واحد واحد بس خايفة حقيقى انسى حد
بشكركم يا ارثوذكس على كل لحظة حلوة قضيتها معاكم بشكركم على مشاعركم ومحبتكم ومشاركتكم كل حاجة الافراح والاحزان
بشكركم على خدمتكم اللى اكيد ربنا هيعوضكم عنها واللى افادتنى كتير اوى فى حياتى
وبشكر شكر عظيم وخاص لابراهيم - واستاذ ايمن - وماريو
على تعب محبتهم لينا طول السنين اللى فاتت واحتمالهم عبء المنتدى وخدمتة والحفاظ علية

المصدر: †† ارثوذكس †† - من قسم: صندوق مناقشات الاعضاء

[MRAMER]

ايمي انتي بجد من الاعضاء المميزين هنا ف المنتدي وكنت ديما بتمني انك تكوني صديقه واخت ليا وفعلا دا اتحقق الحمدلله

ربنا هيتمجد وهيتدخل انا واثقه فيه لدرجه كبيره قوي ومش هيسمح اننا نفترق عن بعض
ربنا يعوض تعب محبتك

[اناستاسيا]

مش عارفة اقول اية بس اللى اقدر اقولة انة كلة للخير ويمكن دة حصل لنعرف مدى ارتباط الجميع ببعض وتلاحمهم
حقيقى الموقف صعب ولكن نلقى كل حمولنا علية وهو هيدبر الامور باذن اللة ربنا مش هيفرق اولادة عن بعضهم

[emmmy]

وانتى كمان يا مرمر دخلتى قلبى
انتى كمان لذيذة جدا - ربنا يديكى على اد ايمانك
الجميل دة - ونفضل مع بعض وحتى لو محصلش عمرى ما هنساكى يا مرمر انتى وكل اخواتى اللى بحبهم ابدا - ربنا يفرحك دايما يارب

[emmmy]

المشاركة الأصلية كتبت بواسطة اناستاسيا مش عارفة اقول اية بس اللى اقدر اقولة انة كلة للخير ويمكن دة حصل لنعرف مدى ارتباط الجميع ببعض وتلاحمهم حقيقى الموقف صعب ولكن نلقى كل حمولنا علية وهو هيدبر الامور باذن اللة ربنا مش هيفرق اولادة عن بعضهم

• يارب يا انستاسيا يارب
• وطبعا اكيد كلة للخير ربنا يتمجد

[zaza2006]

باذن يسوع يا ايمى ربنا مش هيسمح بكده ابدا
محدش فينا هيهون عليه ارثوذكس يتقفل
انا قابلت فيه وعرفت فيه ناس لو عشت عمرى كله مش هلاقي زيهم
ربنا يتمجد ويحل المشكلة دى

[emmmy]

ياااريت يا نهى ياااريت
ربنا يتمجد ربنا موجود قادر يتدخل

[حنين سنين]

ربنا هيتمجد اكيد ومش هيسمح باى شئ يتعب اولاده
وايمانا لازم يبقى اقوى بكتير من الخوف معانا رب كبير اوى

حلال المشاكل صدقونى هتتحل اكيد
ربنا موجود

[emmmy]

المشاركة الأصلية كتبت بواسطة حنين سنين ربنا هيتمجد اكيد ومش هيسمح باى شئ يتعب اولاده وايمانا لازم يبقى اقوى بكتير من الخوف معانا رب كبير اوى حلال المشاكل صدقونى هتتحل اكيد ربنا موجود

ياااااريت حقيقى ياااريت
انا واثقة ان الهنا الة المستحيل وعشمى فية كبير
لكن احيانا ارادتة بتكون مش متفقة مع ارادتنا لسبب هو بس اللى يعرفة - لكن ايمانى وثقتى ان كلة للخير
ولو لقدر اللة حصل والمنتدى اتقفل انا عمرى ما هنسى حد منكم يا ارثوذكس وعمرى ما هعرف اعوضكم تااانى -- هتوحشونى كلكم اوى