اخواتى
كل سنه وانتم طيبين
ديه اشهر واغرب جمله قالها واحد بيحب امه جدا
طب الواحد مين؟؟؟؟؟
طب امه مين؟؟؟
طب مين ابو طويله؟؟؟
ديه قصتى معاكم النهارده
قصه امى جالتلى(قالتلى)
قصه بين كواكب سمائيه تتلالا فى السماء
تنير الارض وتظهر جمالها
وتنير القلب وتظهر ملامحه
وتنير حياتنا وتظهر مباهجها
دعونا نذهب اليه وهو يهاجم الناس ويؤكد
بقولكم....... امى قالتلى
امى...... قالتلى ابو طويله جاى
وقف الشعب يحدثه :يا ابونا عبد المسيح يا مناهرى
انت تقصد البابا كيرلس؟؟؟؟
ابونا عبد المسيح:اااااااااااااه ..امى قالتلى انه جاى
الشعب:لا مش جاى..الانبا اثناسيوس الكبير
محطش كنيسه العدراء المناهره
فى اطار زياره البابا كيرلس
ابونا عبد المسيح:انتم جلتولى كده
بس انا سالت امى وقالتلى انه جاى
ومشى الشعب وهو يتعجب من تصميم ابونا عبد المسيح
على تاكيده ان البابا كيرلس هيجى الكنيسه
وفجاه
سمع الشعب
ان سياره البابا كيرلس تعطلت بالقرب من كنيسه العدراءالمناهره
وبمجرد ان نزل البابا من السياره ليركب سياره اخرى
نظر المناره والقبب
سال عن اسم الكنيسه
وعندما علم انها لام النور
صمم ان ينزل ويتمم زيارته بالصلاه
بكنيسه والده الاله
وفعلا
بمجردان دخل البابا الكنيسه
وجد ابونا عبد المسيح يهتف :مش قلتلكم امى قالتلى انه جاى!!!مش قلتلكم..اهو ابو طويله جيه..امى العذراء قالتلى
وقف الانبا اثناسيوس المطران غاضبا قائلا:انت ايه اللى جابك هنا؟؟
جيت ليه؟؟
ولكنه فوجى بالبابا ينزل مسرعا من الهيكل بعد صلاه الشكر
يحضن حبيبه المقارى قائلا:صلى من اجلى يا خويا..انا محتاج صلاتك
ونظر الى الانبا اثناسيوس وقال:ابونا عبد المسيح فوق القانون
ابونا عبد المسيح فوق القانون
واخذ المقارى والبابا كيرلس كلا منهما ينظر للاخر
دون ان يتحدثا
اخواتى
ارايتم جمال مثل جمال تلك الام
التى تجد ابن من ابنائها يسالها ان تحضر شقيقه
فتعده بان تحضره
وهو يثق بكلماته وينتظر جالسا لحين تاكيدها وتنفيذها وعودها
ام النور
كم اشعر بارتياح عندما انطق اسمك
وكم اشعر بالسعاده وانا اتحدث عنك
وكم اشعر بالشكر عندما انظر صورتك على الارض
( متمثله فى امى الجسديه )
كل عام وانتى معنا يا مى
القصه حدثت وماخوذه عن كتاب
قديسون تظاهروا بالجنون
اعداد القس يوانس كمال
مشاهدة صفحة طباعة الموضوع
أرسل هذا الموضوع إلى صديق
امى قالتلى انك جاى
المواضيع المتشابهه
العرض الشجري