[بنت الراعي]

بصو يا جماعه ببساطه كده انا محتاجه رايكم اوي وبشده كمان
انا في حد اعرفه وهو غالي عليا اوووووووووووووووووي بس هو كانت مسيطره عليه خطيه سيئه اوي وصلي بدموع ومراره وربنا سمع بكائه وتاب وبعدين سقط تاني وفي لحظتها قام وندم وتاب توبه صادقه ولكن السؤال هنا انه مش قادر يعترف ورافض اني ادي لمحه لابونا بس هو تاب بجد وكمان الشيطان عمال يحاربه
هل انا في حاجه ممكن اعملها ساعدوني اساعده ارجوكم

المصدر: †† ارثوذكس †† - من قسم: سؤال وجواب

[aymonded]

المشكلة كلها تكمن في المحبة وكسر الذات
لأن المحبة تسقط الخطية والاتضاع يجعل الأعتراف سهل جداً
واحتمال يكون شعور الخجل موجود ، يحتاج صبر والجلوس عند قدمي الكتاب المقدس
وأن يحتمل التجارب والضيقات طالباً الله بكل القلب
وممكن يعترف اعتراف عام حالياً - طالما تايب حقيقي - إلى أن ينال قوة شجاعة المحبة والاتضاع
وستجدية يعترف بسهولة جداً لأن الاعتراف مش عافية إنما نابع من حب الله والاحتياج إليه
والمحبة تجعل الخطية تسقط من تلقاء ذاتها بنعمة الله
ومكتوب / قبل الكسر الكبرياء وقبل السقوط تشامخ الروح
ومش مشكلة نوع الخطية أيه على قدر خسران الحياة والشركة مع الله
وحينما نحيا مع الله الخطية تتراجع أمام النور الإلهي الحلو ولا يكون لها ذكر
فالرب يسوع هو من يملك على القلب بسلطان حرية مجده
وما يحتاجه منك هو الصوم ، والصلاة الدائمة في كل وقت تصلي فيه
ودية أعظم خدمة حقيقية ، وأوعي تجيبي سيرة لحد مهما كان لو كنت تعرفي خطيته
لأن ليس لأحد أي حق في ذكر خطايا الآخرين سوى نفسه هو فقط

أقبلي مني كل تقدير بنحبة في ربنا يسوع
النعمة معك

[بنت الراعي]

اشكرك من اعماق قلبي علي اهتمامك وردك
انافعلا مش من حقي اني اقول لحد بس انا فكرت اني المح لاب اعترافه لانه هو اب اعترافي بس انا مش
هااعمل حاجه من وراه خصوصا اني عارفه خطيته ولكن اطلب منك ومن كل اللي في المنتدي الصلاه لاجله واشكرك مره اخري وربنا يعوضك

[aymonded]

أكيد هانصلي من أجله كثيراً
بس رجاء لا تلمحي حتى لأب أعترافة وهذا للأهمية القصوى
فلنصلي من أجله كلنا معاً ولنترك له حرية التصرف ؛ لأن التوبة والاعتراف أن لم يأتوا بدافع شخصي وداخلي ستصير لأجل صغر النفس والخزي والضعف النفسي ، فرجاء ان لا تلمحي ولو من بعيد لأي سبب ان كان ، حتى ولو اعترف بها أو قال لك وصلي الموضوع لأحد لا تستجيبي لهذا أبداً أبدا أبداً مهما كانت الحجة أو الداعي لذلك ...

أقبلي مني كل تقدير بمحبة في ربنا يسوع

[بنت الراعي]

حاضر انا مش هاتكلم في الموضوع دهخالص مع اي حد حتي لو هو طلب
بس انا عارفه انه تاب توبه صادقه جدا وبنعمة ربنا مش هايعمل كده تاني
وكمان انا اللي مضايقني انه انسان كويس وكمان بيتناول وهو حاسس انه مش مستحق وانا بقوله ده زي العلاج وهو تعبان وماينفعش يحرم نفسه فهل ده صح ولا كده انا شيلت زنب تناولهومش عارفه اعمل ايه بجد مش عارفه وخايفه اكون اتورط معاه لما سمعت له

[aymonded]

لأ أنت مش متورطة معاه ولا حاجة ، هو أأتمنك على سرّ شخصي ، والحكم أن كان شخص كويس والا لأ متروك لله وحده لأنه فاحص الكلى والقلوب ، والتوبة لا يقدر أن يفحص صدقها إلا الله وحده ...

المهم أنه يكون تاب حقيقي من قلبه وحب الله بصدق ، أما اعترافه لابد من أن يعترف أمام الله بصدق وأمانه ، وأعتقد لو حب الله وتاب بصدق الاعتراف هايبقى سهل ن لأن حياته اتغيرت تغيير حقيقي ، والمسالة مش مسألة أيه نوع الخطية الأهم قوة التوبة وتغيير القلب ...

يعني مثال صغير : لو واحد في حجرة ضلمة ، وحب يدخل ليها النور ، وقال أنا لازم أطلع الظلمة اللي في الحجرة ، راح جاب طبق أو كيس وقال أنا اعبي الظلمة في الكيس أو الطبق وارميها برة من حياتي ...
دوة ما نصنعه حينما نقول هانتوب نقعد نفكر في خطية خطية علشان نرميها من حياتنا ، وان بطلنا واحدة تطلع التانية وان بطلنا اتنين تطلع تالتة وهكذا لا ننتهي ...

ولكن أن نور النور بالضغط على زر النور ستتبدد الظلمة فوراً ، هكذا إشراق الرب يسوع المسيح على القلب لأنه النور الحقيقي الذي يُنير كل إنسان ، فالخطية تسقط من تلقاء ذاتها فوراً حينما يشرق الرب على قلب الإنسان ...

هكذا هي التوبة بمعنى الرجوع للشركة مع شخص المسيح الكلمة وليس مع نفسي بإبطال الخطية بقدرتي الخاصة ، لأن العلاقة لا تقوم على ذاتي أو بيني وبين نفسي ـ بل بيني وبين شخص ربنا يسوع الحي والعامل في قلبي بالروح القدس ومغير حياتي تغيير حقيقي ...

آسف للتطوبل بس حبيت أظهر قوة التوبة الحقيقية ، التي هي علاقة شركة مع الله بالصلاة واللقاء الحلو معاه فتسقط الخطية حتماً وبالضرورة ، ولا يوجد عناء في التوبة ولا الاعتراف ، بل يكون الاعتراف مفرح للقلب وسعادة لأنه أعترف بفضل الله الذي أيقظ النفس وهداها لبره الخاص ...

النعمة معك يا محبوبة ربنا يسوع
أقبلي مني كل تقدير بمحبة

[بنت الراعي]

انا متشكره بجد لانك افدتني كتير وبصراحه كده ريحتني كمان
بس في حاجه حضرتك مارديتش عليها هو اني شجعته علي التناول وخصوصا اننا في الصيام كل سنه وحضرتك طيب فهل دي خطيه عليا ولا عليه هو ولا مش خطيه
معلش انا عارفه اني تعبتك اووووووووي معايا بس معلش مش لاقيه حد غير حضرتك يفهمني
تقبل مني كل الاحترام والتقدير والشكر وربنا يعوض تعب محبتك خير

[كراكيب]

اكيد خجله ده ناجم عن معرفته بابيه الكاهن من الممكن ان يغير اب اعترافه ويذهب لاخر يمتلك الحكمة اللي تقدر تقوده اعرضي عليه انه يغير اب اعترافه وده طبعا مفهوش اساءة لابيه الروحي الحالي
من الممكن جدا انه يرجع للخطية تاني عشان كدة لازم يقعد مع اب كاهن ويتابع معاه وربنا يتدخل

[كراكيب]

كنت عاوز اشارك بالنسبة لحكاية التناول
انا اري ان ده شيء هينميه ولو هو قال انا مش هتناول الا لما اعترف فده ممكن ياخره قوي لكن هو يتناول طالما هو قدم توبة قوية لان ربنا كل اللي عاوزه مننا هو اننا نبقي قريبين منه وطبعا التوبة اقرب طريق لحضن ربنا طب الاعتراف ايه لازمته الاعتراف يعتبر تلمذة ووقاية وارشاد يعني حاولي تشجعي بعد ما يتناول انه يعترف
ده غير ان التناول هيبقي دافع ليه عشان يصوم ويصوم انقطاعي وده يكون شيء مبداي لحد ما ربنا يحل موضوع الاعتراف مينفعش يبعد عن كل حاجة مرة واحدة
ربنا يساعدك ويساعده

[بنت الراعي]

متشكره اوي يا كراكيب هو فعلا له معرفه خاصه باب اعترافه
بس بيتهئ لي صعب يغيره وكمان صعب يتكلم مع اب تاني مايعرفهوش كويس وعلي فكره هو صايم وانقطاعي كمانومتشكره اوي علي كلامك في التوبه والتناول والاعتراف بس هااطلب منك انت وكل اخواتنا هنا تصلوا له هو محتاج صلاتكم اوي وانا كمان هاصلي له وربنا يقدم اللي فيه الصالح