[aymonded]

السلام لنفوسكم يا أحباء ربنا يسوع
هو أنا اندهشت اليوم لأني وجدت ثوره عميمة عارمة من كثيرين واعتراض قوي جداً على سرقة سعد الصغير للحن ترنيمة قديمة لزياد شحاتة ، وكثيرين رجحوا رفع قضية عليه ، وأندهشت بشدة من موقف المتشددين من هذا الأمر وأصبح الجميع يريد رفع قواضي وكأنها أمر لابد من أن يكون ...

مع أننا سرقنا ألحان كثيرة مثل الحلم العربي مثلاً ، وغيرها الكثير ، وحولناها لترنيمة ولم يعترض معارض أو أخذت هذه الثورة أو اتجهت لرفع قضية ...
فهل الآخرين متسامحين في حقهم ونحن الذين نصلي كل يوم أغفر لنا ذنوبنا كما نغفر نحن أيضاً للمذنبين إلينا أصبحنا من محترفي رفع القواضي ونقاضي كل من لا يتفق معنا أو يأخذ من عندنا شيئاً ، وعجبي !!!

وكأن محلل لينا أننا نسرق ألحان الآخرين ونحولها لترانيم ، أما لو أخذ منا الآخرين أي شيء فلا يحق لهم ، فالويل لمن يأخذ منا شيء ، وليس لنا إلا أن نقاضيهم ونشهر بهم ، فيا ترى هل هذا هو المسيح وإنجيله ووصاياه !!!

لا أدري نحن في أنهي عصر بصراحة !!!

أنا مندهش جداً من ردود أفعال الناس في كل مكان حتى أن الموضوع وصل للجرائد !!!
ومش عارف : هو سعد أهان المسيح والمسيحية لما أخذ اللحن والا أهان كرامتنا والا ايه مش فاهم ولا عارف افهم ايه المشكلة !!!!!!!

ولا تعليق
ربنا يرحمنا من أنفسنا لأننا تركنا ينبوع الماء الحي وركضنا وراء آبار مشققه لا تضبط ماء
النعمة معكم

المصدر: †† ارثوذكس †† - من قسم: صندوق مناقشات الاعضاء

[MICKEY]

الوقتي يااستاذ ايمن
كله بياخد من كله

هما هيجيبوا يعني الحان منين

بجد بقي شئ ممل
لكن احنا فاضين ومش لاقين حاجه نعملها

[aymonded]

صح يا احلى ميكي
وصدق من قال :
الفاضي يعمل قاضي
مقولة صادقة حقيقي

النعمة معك

[minabobos]

مش عارف اقوالك اية بس كلامك كله صح يا استاذ ايمن
احنا بنسيب المسيح ةنمشى وراى حاجات اخرى ملهاش لزم
ميرسى ليك ع التوضيح

[aymonded]

الله يخليك يا احلى بوبس
,انا حقيقي مندهش ليه بنجري وراء أشياء من توافه الأمور وكأننا تعمقنا في كل شيء ولا ينقصنا إلا أن ندافع عن حقنا المسلوب في ألحان تُسرق !!!!!!!!!!!

متعجب حقيقي ولازلت وسأظل مندهش جدا

النعمة معك يا صديقي الحلو

[kamer14]

ادخل الرابط ده وشوف بنفسك السرقه اللى عينى عينك :

[مرمر سليمان]

كلامك صح يا استاذ ايمن لاننا فعلا بنجري ورا هيافات وده كله من الفضي اللي الناس بقت فيه ربنا يرحمنا جميعا وينور قلوبنا بالمحبة والغفران اللي احنا بنطلبه منه في كل حين الرب معاك ويعوض تعب محبتك

[aymonded]

يا قمر محبوبة ربنا يسوع
اللي يسرق يسرق ايه المشكلة أساساً وأيه الجديد اللي مش عارفينه يعني !!!
ويعني مش شوه العقيدة ولا قال حاجة في اللاهوت أو ضد الكنيسة !!!
وبعدين قبل ما ننظر للناس اللي بتسرق لازم احنا كمان مش نسرق من حد حاجة ،
والا نسينا الحلم العربي وغيرة من الألحان العالمية أو العربية اللي حولناها لترانيم

والا حرام على الناس وحلال لينا احنا !!!!

أشكرك مرمر على ردك الحلو والواقعي عن صدق
النعمة معكم يا أحباء ربنا يسوع

[فله]

ممكن اقول راي









ا نا عايزه اقول يا استاذنا
اننا ساعات كتير قوى بنقول كلام عكس البنعمله
بمعنى اننا نقول اننا بنسامح اليهنا
لكن لما نيجى فى الواقع مش بيتنفذ

ودا يرجع لنا

[aymonded]

صح يا فلة 100%
بننادي بالتسامح ونقول لازم نغفر ونتضع ونحب
وفي أول محك نهرب ونطالب بالدين ورقبة من أخطأ ولو من بعيد جداً فينا
وانا مش شايف أن الموضوع يستحق كل هذه الضجة الغريبة التي حدثت وكأن أريوس ظهر من جديد
ولي أن أتعجب جدا وأندهش !!!

النعمة معك ومع الجميع آمين