[alone one]

لا اعرف من اين ابدأ الحديث وماذا حدث لى لكى اصل فى اللى انا فيه دلوقتى ولكن اسمح لى ياسيدى ان اقص لك الحكايه من البدايه .واعزورونى على الاطاله"انا شاب فى العشرين من عمرى ولكن للاسف شكلى لا يدل على انى فى مقتبل الشباب بل فى نهايته او قل انه اقرب للشيخوخه.عندما كنت صغيرا اعتدت ان اذهب الى مدارس الاحد وكنت مواظب تماما على حضور القداسات بالرغم من صغر سنى حينئذ الا انى كنت اشعر بالارتياح والفرح الشديد للذهاب اللى الكنيسه والصلاه والتعلم الجديد مما يعطى لنا فى مدارس الاحد.انا من قريه بسيطه جدا من قرى الصعيد والتى عدد المسيحيين فيها قليل وعدد المتعلمين من المسيحيين اكثر قلة .وجدت نفسى حينما اذهب للكنيسه لا احد يقول لى اذهب او لا تذهب ووجد ان كل من حولى لا يعيرون الاهتمام الكامل الى الكنيسه او الذهاب اليها ووجدت نفسى اذهب اللى الكنيسه وحيدا وااتى منها وحيدا .
وبمرور الوقت وجدت نفسى شيئا فشيئا ابتعد عن الذهاب اللى الكنيسه شيئا فشيئا .وكان هذا ملازما لدخولى فترة المراهقة التى يقولون عليها ووجدت نفسى اعرف اشياء من مصادر .لا ينبغى ان اعرفها منها ووجدت نفسى اخيرا مصابا بمرض نعم انه مرض العصر وهو العادة الشبابيه التى دمرتنى كليا من الناحيه النفسيه ومن الناحيه الروحيه وقبل ذلك بقليل ايضا وجدت نفسى مغرما باحدى اقاربى من الفتيات وهذا لم ياتى صدفه ولكنى اعتقد اننى كنت احبها منذ ان ولدت وهى فى نفس سنى تقريبا وانت تعلم ياسيدى ان البنات عندنا فى الصعيد بيتجوزو بدرى قوى .انا بقى وجدت ان من احببت والتى لم اجد من النساء مثلها للان سوف تضيع منى وانا لا استطيع ان افعل شيئا .وماذا على ان افعل وانا ماذلت ادرس فى الجامعه وبقى لى 4سنوات الى ان اتخرج وابدأ اكون نفسى لكى استطيع ان ارتبط بها ولكن ماذا افعل لم اجد حلا .كل هذة المشكلات التى انا بها كفيله ان تحطمنى .انا اعرف ان يسوع يحبنى وسوف يسامحنى ولكنى لا استطيع ان اسامح نفسى .اننى الان افكر فى الانتحار كل يوم ولكن ما يوقفنى انى لا اريد ان اغضب الهى .ولكنى اضعف يوما بعد يوم اللى اللحظه دى اللى حاولت ان اقتل نفسى ولكنى اعرف تمام المعرفه انى لو فعلت هذا سوف افعله فى سبيل الراحه وانى اعرف تماما انه لا يوجد راتحه فى الجحيم
ولكنى اضعف اضعف ولا اجد من يقدم لى يد المعونه ولا يوجد لدى احدا استطتيع التحدث اليه .ان نفسيتى اتدمرت كليا واصبحت افضل الوحدة التامه لا اريد ان اخرج من غرفتى الا عند ذهابى الجامعه وفى الجامعه لا اتحدث مع احدا على الاطلاق لانى لا اريد ان اتحدث انا اشبه الاشباح التى تذهب وتاتى ولا يشعر بها احدا .فأى حياة ابقى عليها ................
اعزورونى انى اشارك الامى معكم ولكنى لا اريد شيئا سوى ان تصلى لى ياسيدى اريد ان اذهب الى الكنيسه مرة اخرى ولكنى لا استطيع .ربما تضحك ياسيدى على ما قلته عن مشاكلى ولكن الذى لم اقوله كثيرا جدا وانا لا اريد ان اطيل
عليكم انا اريد فقط من كل من يقرأ هذة الكلمات ان يدعو لى ان اعود مره اخرى لانى افتقدت ايد ربنا اللى بتطبطب وحنانه اللى بيعزى وتقريبا هى دى مشكلتى ولكنى اشعر اننى مكبل بسلاسل لا استطيع ان اسعى وراء ما اريد فأرجوك يالهى لا تتركنى ..:10800 :

المصدر: †† ارثوذكس †† - من قسم: المنتدى العام

[اشرف وليم]

شكرا لتعب محبتك
الرب يبارك حياتك

[نبتة من غرس يمينة]

الاخ صاحب الموضوع
اللي انت فية دة نتيجة لبعدك عن ربنا
الياس والحزن اللي انت فية من ثمار البعد عن ربنا
لية مضلم الدنيا في وشك بالشكل دة
الحياة لسة قدامك وربنا بيحبك جدا وشايلك في المستقبل حياة جميلة
الدنيا مخلصتش عند البنت دي
عاوزة اقولك شيء مهم جدا وهو :-
المنتحرين مش بيدخلوا السما
يعني لو انتحرت هتبقي خسرت كل شيء
السما والارض
وضيعت حياتك هباء وتركت الحزن في قلب اسرتك
والبنت اللي حبيتها هتتجوز وتخلف وتعيش حياتها

اسمع كلامي قرب تاني من ربنا وصلي واحضر قداسات واتناول وافتح الكتاب المقدس هتلاقي ربنا باعتلك رسايل في كلامة
ربنا معاك ويسندك ويفرح قلبك
ابقي طمنا عليك

[elshbah]

اخى صاحب الموضوع انت كدا بتدمر نفسك بنفسك لية بعيد عن ربنا بجسدك طيب متخلى قلبك وعقلك مع ربنا لية حبيت بنت وانت عارف انها مش ليك هتقولى قلبى اخترها لا ميدخلش دماغى الكلام دة لآن الانسان دلوقتى هوا عارف بيعمل اية ومبقاش فى حد غلبااان ولا ضعيف ولا مبقاش عارف هيحصل اية من المشكلة انما لعادتك الخطية لازم تقرب من ربنا وتصلى وتصوم باستمرار وربنا مش بيسيب حد هتقولى هروح الكنيسة لوحدى واجى لوحدى وفيها اية انت بتروح للناس ولا بتروح لربنا وبعدين اية مسئلة الانتحار اللى بتقولها دى انت راجل مش تفكر كدا التفكير دة مش عقيدتنا ولا تفكرنا كمسيحين وحسب تعلمنا من المسيح زلل شهوتك ابعد عن الخطية اسمع قدسات كتيرر وترنيم كتيرر وقرب من الكنيسة اكتر واكتر وحاول يكون ليك صديق كويس ويكون مسيحى تكون بتثق فى تعرفة كل حاجة انت مش ديما معانا هنا صديقك هيساعدك اكتر انة شايف حالتك ومعاك فى كل وقت واية رئيك اما يكون ربنا صديقك ؟؟ واية رئيك اما تشكيلو ؟؟ واية رئيك اما ترقع امامة وتطلب منة ؟؟ مفيش صديق زى ربنا مفيش حبيب زى ربنا مفيش حاجة فى العالم توصف ربنا خلى ربنا قدامك فى كل حاجة بتعملها وتأكد انة شايفك وسمعك وعارف انت بتعمل اية ونفز وصياة ربنا يملاء حياتك فرح ونعمة وسلام امين .

[marwa yosef]

يا اخي ممكن اطلب منك حاجة اطلب منك اليوم تدخل ل غرفتك و تصلي و تحكي مع يسوع و اكيد رح تحس بالتوبة و رح تطلب منو التوبة ............اوعد يسوع انك رح تثق فيه و رح تسلمه حياتك كلها و ابتدي اقرا بالكتاب المقدس و رح تشوف انو حياتك تغيرت ..............خلي يسوع يدخل ل قلبك لانو ما لك غير يسوع يساعدك تاكد من هالشي

[MOSHAOK]

حبيبي صاحب الموضوع ما انت لو تزوجت الايام دي تبقى بتنتحر برضو إسأل أي حد خاطب وشوف هيقولك ايه

بلاش تضغط على اعصابك كتيير ولازم تخرج من بيتك وتاخد خلوة في اقرب دير ليك

[بنت يسوع المخلص]

تعالوا إلى ياجميع المتعبين وثقيلى الاحمال وانا اريحكم
اخى صاحب الموضوع افتكر دايما ان ربنا بيناديلك مستنيك تتكلم معاه
وترجع ليه تانى لانه حنين اوى ونفسه يسمعك وبالنسبة لما بتروح الكنيسة لوحدك زى مانتا فاكر انتا مبتكنش لوحدك ربنا دايما بيكون معاك
وبالنسبة لتفكيرك فى الانتحار ياريت تبعد الفكرة دى عنك نهائى لانك اكيد بتواجه مشاكل فى حياتك لكن بنعمة ربنا بتتحل يمكن بعد مايمر عليها فترة لكن لو انتحرت هتخسر حياتك وهتواجه عذاب عمره ماهينتهى ابدا
وميرسى ليك وربنا معاك ويسندك دايما وربنا يبارك حياتك

[agab]

اخي صاحب الموضوع اسمحلي اناديلك صحبي في كلامي
بص يا صحبي انا من الصعيد ذيك وحاسس بكلامك كله
وعايز اقولك ان مفيش حد من الصعيد بيقول انه عايز ينتحر ولازم تحوش الفكره دي من دماغك انت راجل وقادر علي الحياه وعلي مشاكلها مع المسيح
هقولك
بالنسبه لموضوع البنت
في ارادتك انت وفي اراده ربنا انت ارادتك انك تتجوز اللي تحبها ومش ممكن تتجوز غيرها لانك عارفها من فتره بس اراده ربنا غير كده جايز تتعب بس بعد كده هتعرف ليه ربنا مخلكشي تتجوزها بس انت تسلم الامر لربنا ابجد هتعرف ليه ربنا عمل معاك كده اصل الحياه دي يا صحبي مش كل حاجه نتمناها هنلاقيها لازم يكون في حاجات تضيع مننا بس ربنا شايف ان دي مش مناسبه ليك
وانا بحييك علي فكره في حاجه انك عرفت انها مش ليك قبل فوات الاوان ودي حاجه تشير الي ان عقلك شغال اوي كمان وربنا ادالك تنبيه كمان وده معناه ان ربنا بيحبك ولا انت مش شايف كده
وبعدين هتحب بامانه وتتجوز وتقعد تفكر وتقول يااااه انا كنت عاوز اتجوز فلانه طيب ازاي
انا عايزك تبص لقدام وتعرف ان فعلا كله للخير ان ربنا مش سايبنا ولا تاركنا لكن لازم تعرف انه فعلا بيدبر كل حاجه بتحصلنا وكمان هو اللي بيمشي حياتنا اذن ليه نقلق
معلشي طولت في الكلام لكن اخر حاجه عايز اقولها انك لازم تبص قدام وتحاول تلبس نضاره غير السوده اللي عندك دي ارميها النضاره دي ياما تديها لاي حد بقي ولا اقولك ارميها ومن البلكونه علشان محدش يلبسها تاني ربنا معاك ومتخفشي ربنا موجووووووووووود
ليست الشجاعه في مواجهه الموت ولكن الشجاعه في مواجهه الحياه