[اسامة ابن المسيح]

موضوع جميل شفتة واتعزيت كتير لما قرأتة وحسيت ازاي ربنا وام النور معانا ومش سايبينا . يارب دايما معانا وتحافظ علي اولادك وكمان دايما ام النور دايما بشفاعتها بتضلل علينا . تعالوا شوفوا وافرحوا . ربنا يفرح قلوبكم

هذا الموضوع منقول يارب يعجبكم

الموضوع دة
انا بحكيهولكم وانا فى قمة التعزية والفرح الروحى
ومكانة مينفعش غير هنا
لان اللى هقوله دة رسالة تعزية لكل الناس
لازم توصل وتسرى وسطينا

رحت اعزى انهرده زمايلى اخوات الشهدا لأنهم فى نفس سنى تقريباً
انا زرت تلات بيوت
وكل بيت كنت بدخله كنت باخد شحنة تعزية وفرح مالهاش مثيل ومعرفش اوصفهالكم بجد
***********
اللى فرحنى فعلاً هو كم الفرح والتعزية اللى فيهم وملياهم
***********

بيت الشهيد ابانوب كمال
شافوا الست العدرا
واقفة فوق الصناديق اثناء الصلاة فى شكل حمامة كبيرة
وكمان شافوا نفس الحمامة معدية عند البيت تلات مرات رايحة جاية
ومن وقتها حاسين بسلام وفرح مش عاوزة اقولكم
فى البيت شكلهم ازاى

بيت الشهيد بولا عاطف
مامته شافتهم كلهم فى حلم لابسين ابيض وفرحانين
وقالها ان فرحان ياماما ومبسوط جداً هنا
وقالها بصى الجلابية بتاعتى مفيهاش بقع زى اصحابى
علشان انتى فرحانة ومش بتبكى
والبيت هناك عامل زى الكنيسة
ومامة بولا قالتلنا انها بعد ماسيدنا صلى صلاة التالت
قامت زغرتت لانها بتقول كنت حاسة انى بحضر فرح بولا مش صلاة على روحه
قامت زغرتت من الفرحة

بيت الشهيد بيشوى فريد
فرحانين جداً لان بيشوى كان خادم جميل وكمان اعترف واتناول قبل مايقابل المسيح
وكانت فى حياته على الارض زى الملاك
وهما شافوا الشهدا فى حضن الست العدرا

***********
تفتكروا بعد دة كله كان ممكن ابقى ازاى
انا بجد فرحانة جدا رحت اعزيهم انا اللى اتعزيت
ربنا باعت تعزية رااااااائعة وجميلة لقلوبهم
والعدرا الحنونة مش سايباهم
************
والسما مش سايبانا ولا ناسيانا
كل الفترة اللى عدت من يوم ليلة العيد
والسما ساندانا
والعدرا معانا بتحرسنا
طفت حرايق كتير وانقذت ناس من الموت
واقفة بتحرسنا وبتحمينا
العدرا وكل القديسين موجودين فى نجع حمادى
لولاهم احنا كنا تعبنا كتير

رب المجد مش ناسينا ولا سايبنا
رب المجد بيحبنا ولو مش بيحبنا مكنش بعتلنا الضيقة الجميلة دى
ضيقة شبعتنا وفرحتنا وجمعتنا كلنا بقلب واحد
ضيقة حركتنا وغيرتنا ومازالت

شكرا يا الهى على كل شىء
واثقين انك معانا
وحامينا
ان اخدوا جسدنا روحنا فايدك ومحدش يقدر ينزعها منك

مفيش دموع مفيش حزن فى فرح وتعزية كبيرة
ربنا موجود
اعظم واقوى مقوله فى الدنيا
ربنا موجود
ربنا موجود
ابو الكل حارس الكل
فوق الكل واقوى من الكل

mrmr
من فرحى وتعزيتى عاوزة ازفهم
كفاية بكا بقى كفاية
ادخل هنا وزف الشهداء
يلاااااااا
http://www.vb.rabelmagd.com/showthread.php?t=44092

المصدر: †† ارثوذكس †† - من قسم: المنتدى العام

[menovich]

الله بجد رسالة جميلة من ام النور

وربنا يعطينا نحن ايضآ التعزية والفرح الروحى

ربـــنــــــــا مـــوجـــــــــــــــود

[b o b b a]

صلواتهم تكون معانا كلنا يارب
وتعزيتهم لينا وصلت
شكرا يا اسامه علي المضووع الرائع ده

[kottah_sh]

الله بجد تعزيه جميله جدااااااااااااااا
ام النور دايما محوطانا وسندانا وحاسه بولادها
فى ضيقاتهم ومحنهم

جميله هى تعزياتك يا الهى
اذكرونا امام عرش النعمه

ميرسى كتير على التعزيه الجميله اوى دى

[اس اسامة عوض]

دول قدامو احلى هدية فى عيد ميلاد الرب يسوع
فا فين احنا
من كل دول

[الناى الحزين]

************
والسما مش سايبانا ولا ناسيانا
كل الفترة اللى عدت من يوم ليلة العيد
والسما ساندانا
والعدرا معانا بتحرسنا
طفت حرايق كتير وانقذت ناس من الموت
واقفة بتحرسنا وبتحمينا
العدرا وكل القديسين موجودين فى نجع حمادى
لولاهم احنا كنا تعبنا كتير


صمتنا لايعنى خوفنا
انما نصمت لكى يتكلم الله
ويتكلم كل هؤولاء
القديسين والابرار

شكرا كتير على التعزيه الجميله

[البرت ملاك وديع]

اد اية الواحد تعب بسبب الشباب وفراقهم بس التعزية دي بجد فرحتنا

[بنت الراهب الصامت]

بجد تعزيه فعلا جميله
ربنا مش بيسيب حد من اولادة
ودايما بيراعينا
ربنا حنين
ماما العدراء عمرها ما سبيتنا دايما معانا وسندانا وبنحس فعلا بوجوها معانا
ميرسى اوى ليك على موضوعك
وفعلا بكلامك دة احنا كمان اتعزينا بيه

[Katy_Archi-Mekhaeel]

بجد جميلة

طوباكم يا شهداء طفل المذود

اذكرونا ف صلواتكم

[youssef_fawzy2001]

ميرسى خالص .................وياريت لو فية مواضيع تانية نتعزى بيها