[مادونا نبيل]

فى الاول كده لازم يكونو الولاد عندهم روح رياضيه و يتقبلو الموضوع و الكلام اللى هيتقال ماشى

ربنا يستر


هنتكلم شوية على الولاد و هننم عليهم شوياااااااااات اوكى يالا استعنا ع الشقا بالله

حقيقـي.. الولاد دول حاجة صعبة مش ممكن أبداً.. ح تعرفـوا ليه دلوقتـي



لو عاملتيه حلو يقولوك واقعة فى هوايا
وان معبرتيهوش يقول عليكي مغرورة ومناخيرك في السما


لو لبستي حلو واتشيّكتي يقول بتعمل كده عشان تلفت نظري ليها
ولو انتي عمليّة شوية يقول عليكي فلاّحة


لو اتناقشتي معاه هيقول عليكي عنيدة
ولو سكتّي هيقول عليكي مخك فاضي


لو انتي أذكى منه هيدّيكي الوش الخشب
ويا سلام لو هوّ اذكى منك.. هتتفرّجي (هيطنطط عليكى)


لو مش بتحبيبه هيحاول يتملّكك
ولو انتي بتحبيه وكنتي عبيطة وبيّنتى حبك ليه بسرعة هيحاول يسيبك


لو قلتيله على مشاكلك هيقول عليكي مزعجة
ولو مقولتيش هيقول انك مش بتثقي فيه


لو حاولتي تنصحيه هيقول عليكي عايزة تتحكمي فيه
ولو هو اداكي أمر (قصدي نصيحة ) ده لانّه بيخاف عليكي


لو حصل ووعدتيه بحاجة ومعملتيهاش هتبقي مش موضع ثقة
اما هوّ لو خلف وعده فده غصب عنه.. اضطر


لو انتي حليتي حلو فى الامتحانات يقولك ده حظ
اما هو لو حل حلو يقولك ذكـاء


لو جرحتيه تبقى قاسية ومعندكيش قلب
اما لو جرحك فيقولك انتي حساسة اوي ومكبرة الموضوع وهوّ مايستاهلش؟؟


لو قريتي الموضوع ده وبعتّيه لحد من الولاد هيقول مش صحيح
ولو قرتيه ومبعتيهوش هيقول انك انانية

مستنيه اشوف رايكم


(منقول)

المصدر: †† ارثوذكس †† - من قسم: الموضوعات الشبابية

[روفــــا]

موضوع حلو وجميل وعجبنى الكلام
بس لو الحكاية دى حصلت مع الولاد وبدل الولد البنت اية الرد برضة ياريت بعد اذنك يا مادونا هخلى الرد للاتنين يعنى اللى يرد على الموضوع يتخيل الولد دة البنت والاتنين مع بعض اية الرد

[مادونا نبيل]

ههههههههههه
ماشى ياروفا
ميرسى لمرورك الجميل اللى نور الموضوع

[finyara]

عندك حق يا مادونا بس اكيد مش كل الولاد كده زى مافى برضوا بنات انيل من كده وهى ديه الدنيا ومرسى ليكى يا قمر

[cat girl]

ههههههههههههههههههههههههه ههههههههههههههههه

[lolaemo]

ياااااااااااه يامادونا كلامك حلو ده لو الماجيك او مايكى قروا الكلام ده هيقولو احلى كلام
بس انتى كلامك صح 100%

[مينا سيدهم]

اولاً : شكرا على الموضوع يا مادونا .

ثانياً : اعتقد ان قيمة الانسان الحقيقية لا يعرفها سوى الشخص نفسه يعني انت اللى عارفة انت زكية ولاسميرة قصدي ولا بتحلى بالحظ انت اللى عارفة مخك فاضي ولا عنيدة لكن معظم الولاد فعلا مخهم فاضي والبنات برضه بس كلهم ( متفرحيش في الولاد ) بس الفرق ان البنت عارفة ان مخها فاضي لكن الولد بيكون فاكر ان مخه مليان .

ثالثا : الانسان .... ولا اقولكم كفاية كدة انا طولت اوي .

[مادونا نبيل]

المشاركة الأصلية كتبت بواسطة cat girl ههههههههههههههههههههههههه ههههههههههههههههه

ههههههههههههههه
انا راضيه زمتك يا كات
دا افهم منه ان الموضوع حلو و عجبك ولا ايه
ميرسى لمرورك العسل ده

[مادونا نبيل]

المشاركة الأصلية كتبت بواسطة lolaemo ياااااااااااه يامادونا كلامك حلو ده لو الماجيك او مايكى قروا الكلام ده هيقولو احلى كلام بس انتى كلامك صح 100%

ياااااااااااه عليكى انتى وعلى ردك
و يارب يقرو الموضوع علشان
نسمع احلى كلام و كمان نشوف ردودهم
اللى وحشتنا
ميرسى لمرورك اللى نور الموضوع

[مادونا نبيل]

المشاركة الأصلية كتبت بواسطة مينا سيدهم اولاً : شكرا على الموضوع يا مادونا . ثانياً : اعتقد ان قيمة الانسان الحقيقية لا يعرفها سوى الشخص نفسه يعني انت اللى عارفة انت زكية ولاسميرة قصدي ولا بتحلى بالحظ انت اللى عارفة مخك فاضي ولا عنيدة لكن معظم الولاد فعلا مخهم فاضي والبنات برضه بس كلهم ( متفرحيش في الولاد ) بس الفرق ان البنت عارفة ان مخها فاضي لكن الولد بيكون فاكر ان مخه مليان . ثالثا : الانسان .... ولا اقولكم كفاية كدة انا طولت اوي .

ميرسى يا مينا لمرورك و كلامك الحلو ده
و كلامك صح على فكرة