[ريم الخوري]

المشاركة الأصلية كتبت بواسطة emmmy وانتى ياريم اعتقد رايك نفس راى استاذ ايمن بس انتى قولتية بطريقة تانية الام مش هتعقد وتعمل دارسة كتاب مع اولادها ياريم انا متاكدة من دة لانها مش هتعرف تعمل الجو الروحى الجميل اللى انت عايزاة دة خالص انا املى ان احاول مع البنت دة املى حقيقى بصفة خاصة واعمل معاها صداقة بس المشكلة انى كل ما اكلمها تقولى ماما بتعمل وبابا بيسوى البيت مفيهوش القدوة المطلوبة للاسف ودة هيصعب الامر جدا مطلوب منى اديها القدوة من غير ما تجيب سيرة ماما وبابا شوفتى الموقف اد اية

عن جد ايمي حوارك بياخد اتجاه السهل الممتنع لية ميش عارف ههههههه

بس بجد عجبني اوي بكلامك نقطتين
ان انت متكلة على الرب ودا لوحدة قوة
وان انتي عارفة ان الخدمة ميش عمل فردي ولا عمل بقوة العقل والفكر والدراع بل هي عمل الروح القدس
وفرحانة بجد ان انت عندك الحماس انك تجربي وتحاولى مع البنت دي ودا من اهم ميزات الخادم انة ميش بياس من رحمة ربنا في عملة اللى هو عمل محبة
ميش غلط جربي
مع ان لى تحفظ على بعض الامور طبعا بدون تعليق !!!!!!!!!!!!!
روح اترك التعليق ليكي ولاخوة لشوف كيف

الام مش هتعقد وتعمل دارسة كتاب مع اولادها ياريم انا متاكدة من دة لانها مش هتعرف تعمل الجو الروحى الجميل اللى انت عايزاة دة خالص؟؟؟؟؟؟؟؟؟؟؟؟؟؟كيف يعني كيف بتربي لكن


بس المشكلة انى كل ما اكلمها تقولى ماما بتعمل وبابا بيسوى البيت مفيهوش القدوة المطلوبة للاسف ودة هيصعب الامر جدا

يعيني ليهم تاثير بحياة الطفلة و لذلك تفتخر او تلتفت لما فعل الاب والام كمان ودا الاهم
القدوة موجودة بس كيف يا قمررررررررررر وباي صورة

مطلوب منى اديها القدوة صحححححححح دي كخادم تكون قوة لمخدوم بتصرفاتك بمحبتك وووو على مثل المسيح اوك معك
بس من غير ما تجيب سيرة ماما وبابا
كيف هي طب ميش خايفة ان اللى بتبنية في الطفلة روحيا يتهدم من غير مساعدة الاسرة
شوفتى صعوبة الموقف اد اية



مع اني بصر على دور الاسرة و ان لو كان عملك دا وحماسك دا يمشي تمام مع عمل الاسرة (الام)حيبقي افضل بكتير لانك رح تعدلى السلوك من اساسة للبيت والام وللطفلة كلوا بوقت واحد يا قمررررررر تعدليى من الاساس االلى تبني بطريقة ميش صححححححح تعدلي بيئة والاشخاص الموثرين بنسبة 90 بالمية في حياته الطفلة دي وميش غلط خدي راي ابونا وخلية ياخد موضوع رعائي بردة للاسرة

بالاضافة طبعا ليه لانك تشدي البنت بالنشاطات بمدارس الاحد


شايفة ان الموضوع بجد يحتاج لعمل رعائي من اب كاهن للاسرة بحالها ايمي وميش غلط يكون عن طريق مدارس الاحد ودا بردة جانب مهم بالخدمة مهمل من قبل الخدام ميش غلط انك تربطي الامور بعض باشراف اب كاهن وراعي خدمة تنين بواحد


على العموم ربنا يقويكي ويكون معك ويساعدك في حل المشكلة دي للطفلة بشفاعتة امنا العذراء مريم

ومعليش استحمليني يا بطة بدقق كتير وبرغي هههههههه بس ميش صابون
صلواتك اختي

[emmmy]

ريم حقيقى الحوار معاكى ممتع جدا جدا
وانا مش بشبع منة خالص بجد
وماليش تعليق على كلامك الجميل انا معاكى فى كل كلمة قولتيها
بس عايزة اوضح حاجة مهمة جدا جدا علشان مبقاش ظالمة الاسرة
صديقنى ياريم الاسرة جميلة ومش مبتعدة عن ربنا نهائى بالعكس تماما
الاب موظب على القداسات كل اسبوع والام كذلك
هما الاتنين شخصيات جميلة ومعروفة ومحبوبة جدا من الاباء والخدام ويكمن مكنشى ببالغ لو قلتلك انها اسرة مميزة كمان صدقينى
الموضوع مش كدة الموضوع بصورة اوضح انها عدم خبرة وفهم ووعى سواء نفسى او روحى مش اكتر من كدة
انا لما اتكلمت مع الام كانت بتبكى من بنتها ومن عنادها ومن عدم معرفتها التعامل معاها نفسها تبقى احسن واحدة فى الدنيا بس مش عارفة تعمل دة خالص لان خبراتها ومعلوماتها ومشاكل نفسيتها هى الام كمان بتعطل دة
يعنى الجذور متدمرة يا ريم بالنسبة للوعى الروحى والنفسى
ولما طلبت منها تقراء كتير هتتعلم من خبرات الحياة قالتلى امتى معنديش وقت وكمان مش بحب القراءة

عموما انا الامل اللى قدامى دلوقتى
ومن كلامكم كلكم
اولا الصلاة ثم الصلاة زى ما قال الاستاذ ايمن
ثانيا هحاول اقرب من البنت اكتر بصفة خاصة
ثالثا هعمل فكرة التشجيع بتاعت مجدى يمكن تجيب نتيجة
وطبعا مش هقولكم انا محتاجة صلاتكم اد اية

[magdy totti]

المشاركة الأصلية كتبت بواسطة ماروجيرافك اسمحلي مجدي اقف معاك في النقطه دي زي ما انا ذكرت قبل كده في ردي ان الخدمه عليها عامل انهاتجذبالاطفال ليها بس اسمحلي لو البيت متحركش يبقي هيكون فرصتك ضعيفه جدا مش هقولك مش هتنجح لا وكمان في حاجه البنت بتيجي وتنام في الخدمه ممكن يوم تاني متجيش اصلا مع التعب واهمال الاهل في النقطه دي يبقي البنت هتغيب تدريجا الإ ا ذا كان في متابعه اسبوعية لحالة المخدومة دي

ااكيد يااماريو وانا لااقلل من شان البيت با العكس عليه طبعا المسولية الاكبر
بس يكون التشجيع من ناحيتن البيت والكنيسة

وانا متفق جدا مع كلامك

[كراكيب]

• انا بكرر كلامي تاني البنت لو حبت الخدمة قوي هتقنع الاهل انها تنام بدري
• كلنا بنجري ورا الام وسايبين البنت اللي هي مش صغيرة وبرده مش كبيرة
• انا كان عندي بنات ف الخدمة بروحلهم البيت الاقيهم مستنيين ف الشارع علي باب البيت بتاعهم
• البنت محتاجة تحس انها عاوزة الخدمة عشان تقوملها وتروحلها العلاج ايه مينفعش حد من برة خدمتكم يجيبه لانك انتي ياايمي تعرفي البنت واكيد عارفة مفاتيحها استخدمي المفاتيح دي وانتي باذن ربنا هتوصلي
• ومتنسوش صفات الحضور المبكر
• وبعدين ايه المشكلة لو خادمة عدت عليها الصبح وهي جاية احنا بنعمل كدة ف خدمتنا بنعدي ع الاطفال سن خامسة وساتة برده كنوع من انواع عدم الكسل لكن طبعا انا عارف ان الوضع مختلف ف البدرشين بس ممكن البنت دي تكون استثناء لحد ماربنا يتمجد وتبدا تيجي لوحدها
• ربنا معانا

[ماروجيرافك]

البنت محتاجة تحس انها عاوزة الخدمة عشان تقوملها وتروحلها العلاج ايه انا معاك يا ميلاد ان البنت محتاجة تلاقي حاجة تشدها للخدمة
طيب باقي الاولاد الي موجودين بيجو روتين مثلا اكيد برضه حاسين ان الخدمه كويسه
وزي ما الخدمة محتاجه تشجع الاطفال عشان يجو الخدمة
محتاجين دعم من البيت عشان يجهزو الاود لقبولنا

ومتنسوش صفات الحضور المبكر وبعدين ايه المشكلة لو خادمة عدت عليها الصبح وهي جاية احنا بنعمل كدة ف خدمتنا بنعدي ع الاطفال سن خامسة وساتة برده كنوع من انواع عدم الكسل

هي اعتقد انها بتيجي في معادها لكن بتنام بعد كده يعني بعد ما بتيجي
وارجع واقولك في اطفال كتير بيقوا عاوزين يجو لكن غصبن عنهم البيت كله بيكون سهران ومسهرين الاطفال معاهم

الي عاوز اقوله ان لو الطفل بيعد في الخدمة معاكم ساعتين فاهو طول الاسبوع في البيت لو مفش متابعة وتنسيق بين الخدمة والبيت يبقي هيكون فرصتكم ضعيفه
الرب يبارك ثمرة خدمتكم

[كراكيب]

• انا معاك ياماريو ف كلامك
• انا مذكرتش ياماريو ان الخدمة مش كويسة هي كويسة وناجحة وانا حضرت حتة منها قبل كدة وانا متواجد بالصدفة ف الكنيسة وعجبتني جدا فكرة الاعمال الفنية
• لكن الاطفال مش زي بعض وكل طفل وليه ميوله
• واحنا دلوقتي قدام حالة البيت فيها مش متعاون عشان كدة هنحاول نلجأ للطفل نفسه علشان نشجعه هو طالما مفيش فايدة ف البيت
• وأنا عارف انها بتيجي ف وقتها لكن برده فكرة ان خادمة تعدي ده بيدي للخادمة فرصة اكبر تصحصح البنت وتتفق معاها انها تحاول تنام بدري
• واعتقد ان حالة زي دي ممكن تكسل تيجي
• ربنا يحل

[ريم الخوري]

معليش ممكن يكون رد اخير بالموضوع
يا اخواتي كل كلامكوا حلو وخاصه كركيب ومجدي 2
مهم كتيرررررررر ان الخادم يبني علاقة مع المخدم ويدي اهتمام ويجذب المخدوم بمحبتة للخدمة ودا من اولويات الخدمة ودا لية دور كبير في الجذب بمحبة ميش بضغظ ............
بس انتو واخدين الموضوع والنقاش فية من ناحية وحدة و حصري للبنت دي الى ممكن تكون اشتثنائية بكل معطيات حالتها .............. وايمي بصراحة في كل رد بتقفلى الحلول العملية لحالة البنت دي ................ وافضل حل الصلة وببسسسسسسس
وربنا بيدبر ليها بحسب مشيئتة

يعيني لو بعرف ان بيتي متصدع وبدة يتهد فوق راسي ما بروح وبزبط جنينتي لالالالالالالالا بدعم الاساس ليقوي بعدين بتسنس لي صلح جنيني على رواق وبزينها وبسقيا
بس وجهة النظر
نحنا وقت اللى بناقش مشكلة ميش بنتكلم عن حالة واحدة لالالالالالالالا بنعالج موضوع ممكن الكل يجي وقت ويعاني منة بشكل او باخر ناهيك عن النبت دي ايمي
في الخدمة عندنا لله العجب ايمي لو انت بس بتانم في الفرقة.............وبدي اختصر
وانا فرقتي اطفال واللى اكبر عجب في عجب كلو دا مشكلة جيل بحالة واثر بلاوي العصر دي
............نطلع للموضوع كمشكلة بتعم ميش بتخص
بالعموم النقاش ممتع واكيد بتابعععععععععع
الرب يبارك تعب الكل ويثمر بمجهوداتكم دي

[magdy totti]

فعلنا ياريم هى مشكلة جيل بحاله
ولازم كله يساعد علشان نواجه المشكلة دى
لازم يكون فى حل فى البيت وكمان لازم انا كخادم اتطور من نفسى واشوف ازى احل المشكلة دى

[ريم الخوري]

المشاركة الأصلية كتبت بواسطة magdy totti فعلنا ياريم هى مشكلة جيل بحاله ولازم كله يساعد علشان نواجه المشكلة دى لازم يكون فى حل فى البيت وكمان لازم انا كخادم اتطور من نفسى واشوف ازى احل المشكلة دى

عليك نور ربنا يقويك واخير حد عرف المقصود

[aymonded]

بالنسبة لموضوع عناد الأطفال قد سبق وتكلمنا فيه على صفحات المنتدى ، وتحدثنا عن عصبية الطفل وأيضاً أتى سؤال من أم عن عناد الطفلة وماذا تفعل معها ، وعموماً ساضع امامك الموضوع وايضاً السؤال والإجابة كما تم كتابتهما بالضبط ، لعلك تُفيدي بها الأم ، أو أي أم أخرى تظهر عندها حالة العصبية للطفل أو العناد :

أولاً : موضوع عصبية الطفل
بالطبع لا يوجد طفل عصبي بطبعه أو عنيد ، ولكن العند والعصبية دائماً ما تُكتسب من البيئة المحيطة للطفل ، من قبل الولادة إلى ما بعد الولادة بالطبع ...

أولاً منذ بداية الحمل ولا تراعي بعض الأمهات الشروط الواجب توافرها من جهة هدوء الأعصاب والجو المحيط بها ، فمن واجب كل أم أن تراعي أثناء الحمل الجو الهادئ وسماع الموسيقى الهادئة وأن تتعود على الهدوء وعدم الضجيج وتجنب الصياح وكل صوت عالي مزعج بقدر الإمكان ...

العصبية من جهة الحالة النفسية للطفل :
أولاً: حينما يفقد الطفل العطف والحنو الأسري السليم دون مبالغة أو إهمال ، يصبح في حالة من التوتر ومحاولة لفت الأنظار بأي نوع من أنواع الإزعاج الدائم من بكاء هستيري إلى أي حركة تدل على عصبية شديدة وتقلب المزاج ...
ثانياً: إهمال الحديث مع الطفل وملاطفته واللعب معه ، أو اللعب مع الطفل بعنف وبشكل مستفز أو محاولة إثارته أو غيظه بأي شيء سواء من داخل الأسرة أو خارجها ...
ثالثاً: سيطرة الوالدين سيطرة كاملة على الطفل ، بحيث أنه لا يعمل أي عمل إلا بأمر والديه وليس له أن يختار أي شيء يحبه ، بل يجبره والديه على كل شيء ، مثل المأكل والملبس وغيرها من الأمور التي ينبغي أن نترك فيها المجال لأن يختار بنفسه بين الأشياء والألوان وغيرها ... وأيضاً حالة الضغط المستميت على الطفل بعصبية وإصرار على النوم مبكراً ، دوزن إعطاءه فرصة يومية لوقت خاص به يفعل فيه ما يشاء عوض أن يكون اليوم كله ما بين المدرسة أو الحضانة والمذاكرة وعمل الواجبات ، مما يزيد في عناده وكرهه للمذاكره والنفور منها ، وعدم الطاعة بعد ذلك التمرد الدائم بعصبية وإصرار عنيد ...
رابعاً: عصبية أحد والديه وعدم قدرته على التفاهم وسط الأسرة ، بل دائم الصياح و يُثير المشاكل ...
خامساً: تدليل ( دلع ) الطفل الزائد وأحيانا المفرط ، مما يزرع فيه روح الأنانية ويتولد عنده العدوانية على شكل عصبية شديدة تجاه أي شخص يحاول أن يأخذ منه شيء أو يحاول أن يمسك لعبه أو الأشياء التي يملكها ، حتى يصير في حالة من الهياج وثورة ضد أي طفل آخر يحاول أن يقترب إلى أحدى والديه ، أو أن أحدى والديه يعطف على طفل آخر سواه !!!
سادساً: كبت مشاعر الطفل ، من جهة البكاء أو الضحك في أن يحاول صده او أجباره على السكوت ، او المقولة الشهيرة الرجل لا يبكي ، أو الإنسان المحب لله لا يعرف الشقاوة ، أون البنت الشاطرة تتصف بالهدوء ، أولاد المسيح بيذاكروا كويس علشان يرضوا الرب يسوع ، أو لا يلعبون ايام الدراسة علشان ربنا يفرح بيهم ... وهكذا باقي الأقوال المنفرة للطفل لله وللكنيسة وللحياة الأسرية السليمة ... ، مما يجعل مشاعره كلها تتجه نحو العصبية الشديدة لتصير منفث لطاقته المكبوتة !!!

أما من الجهة الطبية حسب ما قرأت وسمعت ( وليس حسب خبرة ) :
* نقص فيتامين d خلال الأشهر الأولى من حياة الطفل بعد الولادة .
* زيادة نشاط الغدة الدرقية ويصحبها زيادة في العرق واضطراب في النوم .
* نقص الحديد في الدم .
* حالة الصرع .
* الإمساك المزمن والتهاب البول .
* التهاب اللوز والجيوب الأنفية .
* الإصابة بالديدان الطفيلية .
* التريقه على الطفل بسبب أي عيب سواء في النطق أو التهتهة في الكلام ، أو بسبب أي عيب خلقي أو بسبب حركات يديه أثناء الكلام ... الخ ...
* معايرة الطفل بزملائه لو كان مقصراً في الدراسة أو ليس له القدرة على التحصيل ن بدون معرفة ألسباب علاجها ، لن ربما عنده قصور في قدراته العقلية أو أن ذكائه متوسط ... الخ ...
_________________

ثانياً : سؤال أتى في المنتدى سابقاً من أم ، وهذا هو السؤال والرد كما كتب بالضبط :

_____سؤال الأم_____
شكرا على موضوعك الجميل بس انا بنفذ اغلب الارشادات دى ومش بلاقى حل سريع ، وبيأس وعصبية الطفل وردودة الغير لائقة مع الناس بتخلينى اتعامل معاة بقسوة ، بجد انا تعبانة جدا من الموضوع دة ونفسى فى حل مع ملاحظة ان بنتى عندها برضو ديدان ونقص حديدارجو الرد الاهمية ؟

_____الإجابة_____
سلام لنفسك يا أجمل أخت حلوة
أولاً : لا يوجد شيء اسمه حل سريع ، بل لابد من التأني لأننا نُربي ونتربى مع الطفل ، ويحتاج منا مجهود مضني وصبر وتأني وبال طويل مع الصلاة والصوم ومحاولة تجنب الصياح والصوت العالي والضرب والانفعال الزائد والمفرط ...
ثانياً حل العصبية في يدك بمحاولة أنك تهدأي نفسك في أي موقف ، ولو كنتِ ثائرة ابتعدي عن بنتك في أي مكان مع الصلاة إلى أن تهدأي وتتحكمي في انفعالاتك ...
ثم عصبية البنت مصدرها شيئين : أولاً عصبيتك واندفاعك والسرعة في رد الفعل والضرب ، ثانياً حالتها الصحية لأنها تنعكس بالتوتر الدائم عليها ، ولازم تقومي بالفحص عند طبيب ومتابعة الطبيب من جهة التغذية الصحيحة والسليمة ، وحاولي أن تعالجي الديدان ونقص الحديد ، مع أعطاء لها الطعام المضبوط لحالتها والأكثار من الخضروات والفاكهة وبخاصة الممتلئة بالحديد ، مثل الإسفانخ والتفاح والخرشوف وغيرهم من الخضروات الطازجة والفاكهة ...

+ عصبية البنت ناتجة من خلال صحتها ومن خلال عصبيتك واندفاعك في رد الفعل [ لأن عصبيتها وعنادها ما هما إلا انعكاس لعصبية أحد الوادلن أو كلاهما معاً ] ، والصوت العالي والصياح في وجهها ... الخ ، فحاولي - بقدر الإمكان وبكل محاولة ممكنة - أن تغيري أسلوبك وبلاش الصراخ أو الصياح بعصبية ونرفزة ، ولا داعي أبداً للضرب لأنه سيزيد من عنادها جداً وبصورة مفرطة ، واستخدمي بدائل العقاب كما وضعناها في الموضوعات الخاصة بالعقاب على صفحات المنتدى ، مع ضبط الحياة عموماً ووضع روتين يومي لانضباط المنزل ومتابعة الأسلوب التربوي الصحيح لتربية الطفل ورعايته كما سبق وشرحنا في موضوع ثورة ميلاد والمواضع الأخرى المترابطة مع بعضها البعض ...

رد الأم بعد فترة قصيرة من الموضوع

انا بشكرك شكر خاص على ردك على مشكلة العصبية
والحمد لله انا مش مصدقة النتيجة الى انا وصلتلها ... فعلا بنتى اختلفت بامانة والجميع يشهد بكدة اذكرنى فى صلاتك ...

_________________

https://www.orsozox.com/forums/f85/t23531/

باعتذر للتطويل ونقل الموضوعات والرد ، واتمنى حقيقي انها تكون نافعة ليكي كما لكل أم
أقبلي مني كل تقدير لشخصك المحبوب في الرب
النعمة معك كل حين