[MICKEY]

اولا وقبل مابدأ كلامي احب استرجع الزكريات الجميلة














هدخل في الموضوع علي طول بقي
الوقتي ان بشتاق للخروجه دي جدا
وبستناه من الشهر للشهر
ولكن هناك اقتراح بخصوص الخروجه الشهرية القادمة فقط
وهي ان نلغي الخروجه الشهرية القادمة فقط
نظراً للأتي

1- امتحانات الثانوية العامه حتي يأتي معنا باقي الأعضاء

2- بعض الأعضاء الجامعيين هيخلصوا يوم 22/6 وكانو يتمنوا انهم يجوا معانا

3- بين الخروجه الشهرية القادمة واللي بعديها اسبوعين فقط
الخروجه القادمة 18/6/2008 واللي بعديها 2/7/2008

4- سيأتي اعضاء من الصعيد والأسماعيليه والزقازيق والأسكندرية والفيوم واسوان وطبعا مش كلهم هيجوا في نفس الخروجه لا لا
ممكن نصهم يجي الخروجه اللي جاية والنص التاني الخروجه اللي بعديها
لأن اللي هيجي المشوار ده مش هيقدر يكرره بعديها بأسبوعين
وانا حلم حياتي ان الكل يتواجد في نفس اليوم
نفسي الكل يتقابل مع بعضه ويبقي يوم جامد

عشان مطولش عليكم
انا عاوز اخد رائيكم
هل نخلي الخروجه الشهرية القادمة في موعدها
18/6/2008
ولا نأجلا ونخليها
2/7/2008
مستني ارائكم ونشوف رأي الأغلبية

ومش شرط ان اعضاء الخروجه بس هما اللي يرشحوا
ممكن حد يدخل ويقول رأيه معانا كنوع من انواع المشاركه في التفكير وايجاد حل مناسب

ربنا معاكم وربنا يديم المحبة
اخوكم
ميكي ماوس
نياهاهاهاههاهاهاها

المصدر: †† ارثوذكس †† - من قسم: البرامج والخروجات الخاصة بالاعضاء

[ZEZOMERO]

ازاى يعنى يا ميكى انا مشتاق للخروجة الى جاية بفارغ الصبر بس انا رايى معاك
ان الخروجة ممكن تبقى احلى لما نكون كتير وخصوصا بعد الامتحانات والكل مش هايقدر يقول انة مش هايجى انا معاك خلى الخروجة يوم 2/7

[بيتر109]

خليها 2 \7

[aymonded]

هو أنا طبعا كنت اتمنى تكون كل يوم ونفسي اشوفكم بكرة قبل النهار دة
بس معلشي بقى لازم نتبع بروتوكول اللقاء ونخليها 2 في شهر 7 زي ما الأعضاء عايزين
واللي يحب يعمل لقاء على جنب أنا موافق ههههههههه
ولنصلي كلنا معاً يا أحباء يسوع من أجل كل من في الامتحانات
وربنا يوفق الجميع ...

النعمة معك يا أحلى ميكي ومع الجميع آمين

[ظريف]

2 / 7 / 2008
أكيد حيبقى أجمل واحسن لأن الأعضاء تكون كتير
وحتبقى أجمل خروجه لأنها بعد شوق وفى نفس الوقت
حتكون عدد اعضائها كبير جدا

ولى رجاء عند إستاذنا أيمن تنظيم خروجه خاصه
لحضور عقد زواج أجمل عضوه فى منتدى أرثوذكسى
سوزان باشا 0 يوم 29/5 2008 م
والبيانات التفصيليه لهذا الحفل مع ميكى
ياريت ياجماعه رجاء محبه الأهتمام بهذا اليوم

[elphilasouf]

انا رايي كده برضه نخليه يوه 2 /8 عشان نكون كلنا خلصنا
وهتكون احلى لما نكون كلنا مع بعض

[القطة كيتي]

2/11/2009 تكون احسن

[MICKEY]

ياجماعه بنقول
2/7/2008
مش
2/8/2008 ولا 2/11/2008

وشكرا

[sawsaw]

لا خليها فى شهر سبعه عشان تكون الناس خلصت امتحنات ويقدرو يخرجوا بسهوله من البيت

[ظريف]

نفهم من كده إن الأختلاف
فى الشهر وليس اليوم
طب ممكن نحليها
3/ 7 / 2008
عشان بتشائم من رقم 2
ههههههههههههههههههههههههه هههههه
ههههههههههههههههههههه
هههههههههههههههه
والله يا ميكى إنتا مدلع العيال دول
ربنا يكون فى عونك