[ماروجيرافك]

احذر لكي لا تلام الخدمه بسببك وتكون عثره



قاعدت كتير افكر بيني وبين نفسي

هل انا فعلا خادم قدوه

هل انا فعلا خادمه يأتمن عليا اخواتي البنات






طب اذاي وانا اصلا ما بحبش اخوتي لو حد فيهم عاوز حاجه ممكن اعمل نفسي مشغول او نايم



او لو حد طلب مني خدمه للبيت او طلب عاوز يخلص اقول انا مش فاضي هو محدش غيري في البيت ده

ولو اطلب مني حاجه تبع الخدمه اجري جري واعملها حتي لو هتعب ضعف الي كنت هعمله في البيت طب اذاي

اقول لولادي حبه بعطكم واسمعو كلام بابا وماما وانا اصلا مفيش سمع للكلام









اذاي اكون خادمه قدوه بجد وانا معظم اوقاتي استهترار ومتابعه التليفزيون واخر اخبار المطربات وازيائهم

وممكن اتراقص مع كلباتهم الي بتهز الاجسام بدل ما تهز القلوب

واقلد لبسهم

اذاي اكون خادمه قدوه في افعالي وتصرفاتي واقول لبناتي الادانه خطيه غلط

وانا ممكن بعد ما اقولهم الدرس ده واخلص خدمتي اجري للخادمه الفلانيه اصلها كانت امبارح في فرح واحده زملتنا

وطبعا عاوزه اعرف اخر الاخبار دي كانت لبسه ايه ودي شعرها اذاي ودي رقصت مع فلان ورقصهاا حلو ولي لا وااااه لو كنت انا هناك كنت رقصت رقص ومسحتهم يعني من باب المجامله مفهاش حاجه

مفهاش حاجه اذاي طب لو بنت عندي شافتني وانا بتمايل وعيون الكل من الشباب عليا بجد هتحترمني اعتقد لا

ده غير تفاصيل تاني بلاش اكلم فيها









اذاي اكون خادم واقول لاولاد ان السجاير غلط والجلوس علي الاقهاوي

وشرب الشيشه وما شبه غلط

وانا اصلا قاعدتي المفضله علي الاقهاوي وشرب الشيشه

او السجاير ومفيش مانع من المعاكسه او الكلمه الطيفه لواحده ماشيا ياعم هو انا جيت جنبها

واصبر قصدي اخدع نفسي واقول عادي هو انا اعمل ايه طيب اتعود علي كده وربنا عارف اني كويس وعاوزه اكون انسان كويس

وكمان محدش شايفني انا باخد بالي بشربها من غير ما حد يعرف مش بشربها في المكان الي ممكن حد يشوفني في

طب لو حد شافني صدفه مثلا هقوله ايه او هيسمع كلامي في حاجه اكيد لا ده اذاي ماسبش الخدمه بسبببي اذا كنت انا قدوته وطلعت كده يبقي يروح الكنيسه يتعلم ايه ومن مين











اه واذي اكون خادمه وانا لما يطلب مني مساعده في البيت وقبل ما والدي لو والدتي تكمل كلامها

اقول لله بقا انا تعابنه من الصبح في الخدمه ما بين التحضير والف علي الاولاد واجتماع الخدمه و و و و

هو يعني كنت بلعب الله

طب فين خدمتك انتي جوه بيتك

اذاي فاقد الشئ يعطيه








وانا اذي اكون خادم وانا في بيتي لا اعطي لزوجني واولادي حقهم

ها يا فلان مش هتاخد اجازه وتعد مع الاود شويه

اها طبعا الاجازه الثانويه اسبوع بحاله

الزوجه طب كويس هتفسحنا فين

الخادم شوفي انا عندي مؤتمر تبع الخدمه تلات تيام والباقي ليكم

الزوجه ايه طيب مش مشكله المهم نخرج مصيف خلوا اي حاجه الاود انت وحشتهم

الخادم ربنا يدبر

ويروح الخادم المؤتمر وفي تالت اليوم الي هو معاد الرجوع والاستعداد للخروج مع البيت

الزوجه تتصل تطمن علي زوجها هو وصل لحد فيم

يرد الخادم والاب والزوج هه اصل مش عارف بصراحه اقولك ايه اصل المجموعه التانيه الي جايه في خادم اعتزر فانا هكون مكانه معلش تتعوض السنه الي جايه

طب اذاي وانا مش عارف ادي حقوق لولادي وزوجتي هقدر ادي حقوق لولاد الاخرين





واذي صحيح اكون خادمه وام لاود

واجي اقول جوزي كل شويه عاوزه فلوس ولما يسألللني

الله مش انا لسا مديكي فلوس لحقتي خلصتيهم

اصلك ما تعرفش اصل كان في واحده محتاجه فلوس فلمنا من بعض في الخدمه واديتها

والست ام فلان الي ماسكه الاجتماع كان عيد ميبلاها او امبارح وغير حفله العيد صرفت اصلنا جب

ايه ايه جبته اي ولي ما جبتوش ينفع كده ما احنا بنقدم العشور والي نقدر علي بس مش لدرجه دي

حفله ورحله وعيد ميلاد

مش بطريقه دي ولادنا بيهم حق برضه ولي ايه

تصدقوا الراجل عنده حق انا بهرج بجد







يا جماعه بجد احنا محتاجين وقفه بجد بينا وبين نفسنا نفتش داخلنا عن كل ثغره ممكن تفقدنا حياتنا

وعشان نكون مستحقين فعلا ان نكون حصادين في كرمه الرب

الرب يبارك ثمره محبتكم وخدمتكم

صلوا من اجلي انا الضعيف

المصدر: †† ارثوذكس †† - من قسم: قسم اعداد الخدام واجتماعات الخدمة

[emmmy]

اللة يا ماريو موضوع رائع واضح انة ترجمة حقيقية من الاعماق انت كانك بتوصف حالى انا حاسة انى ربنا بيكلمنى على لسانك كلنا محتاجين نعيش الامانة فى الخدمة
اشكرك حقيقى على تعب محبتك ربنا يثمر خدمتك ويعوضك

[nermos1982]

انا بجد مش لاقية تعليق اقوله. ربنا يعوضك بجد يا ماريو ويكون معاك

[ماروجيرافك]

اتمني من الرب ان تكون رسلتي وصلت
واحب اوضح نقطه مهمه
اني لا اقصد احد بذات في الموضوع ده
هتقولو لي بتقول كده
هقوكم لان في رسلتين وصلو لي
مضمونهم اني اعرفهم او حد يعرفهم وقلي اعمل موضوع عشانهم
انا اقصد نفسي قبل اي احد من اخوتي

[ريم الخوري]

كلام حقيقي بيحصل في الخدمة وين ما كان بتلقي جوا ميش متل برا الخدمة بشكرك على اثارتة بالطريقة الواقعية دي

وهاد شي بيعم على الكل ميش بيخص ..................بيقولو الخدام او المرشدين ميش فلان او فلانة بالتحديد كشخص بل كخدمة
ولكني اعتقد براي المتواضع ان الخادم الحقيقي صورة واحدة ملهاش تاني
المفروض الخادم جو الخدمة زي براء في الشارع زي في البيت زي في العمل وين ما كان صورة الله مطبوعة بقلبة وعقلة وتصرفاتة يعمل زي ما بيقول ويتكلم زي ما يعمل ما يهمهوش لو خادم لو مخدوم صدف وشافة في محفل معين لانة بيتصرف صح ودا ينطبق على كل الامور
على شان يقدر يوثر بالمخدومين ويبقي قدوة صالحة تنشيء جيل صالح وجيل منتمي للكنيسة وجيل صادق مع نفسة قبل الكل
وكل داء اكد بفعل عمل النعمة بحياتة ووزناتة هل بيعمل بيها بصدق ويستثمر ويجيب ثمار صالحة والا لا لان داء بينعكس على جيل باكملة ميش فرد واحد

[ماروجيرافك]

اشكرك جدا يا اختي ريم اردك واضافتك الجميله الواضحه
الرب يبارك ثمره خدمتنا
ونكون فعله مستحيقين العمل في كرمه الرب

[ماروجيرافك]

احب اكرر كلامي لتاني مره
حقيقي

اني لا اقصد احد بذات في الموضوع ده
هتقولو لي بتقول كده
هقوكم لان في رسلتين وصلو لي
مضمونهم اني اعرفهم او حد يعرفهم وقلي اعمل موضوع عشانهم
انا اقصد نفسي قبل اي احد من اخوتي

[ادروسيس]

انت عندك حق فى كل كلامك كتير الافعال دى مرت وبتمر عليا
واقولك صراحة انا جيت فى فترة من حياتى وقفت نفسى عن الخدمة
لانى كنت مقدرش اقول للمخدومة لالالالاوانا وباعمل الغلط

لان فاقد الشئ لايعطية المهم ان الواحد يعرف غلطة
مش عيب ان الواحد يغلط العيب انى استمر فى الغلط
ياربى ساعدنى اكون امينة فى حياتى معك
وابعد عن قلبى كل محبة بعيدة عنك او تبعدنى عندك
اشكرك من قلبى ربنا يفرح قلبك يارب يامارو

[ماروجيرافك]

هو للاسف زي ما قلتله ساعات كتير بنعمل كده والاكبر من كده ان احنا ساعات بندي لنفسسنا ححج ومبررات

[bassem8800370]