[emmmy]

نزلى الاستكش اللى انا بعتهولك فى رسالة كمشاركة فى نفس الموضوع هنا زى ما هو ياريم
مش الرسالة موجودة عندك ؟؟

[ريم الخوري]

ايمي يا قمر ما غيرات ولا ضيفت شيءالعب اي فيها يا بنتي ههههههه هي حتتة الدخلة التمهدية بالاسكيتش بس لانك اصلا ميش كنتي حطيتها يا قمر ولازم يكون في طريقة ندخل فيها بالمشهد لذلك كان لازم تكون فقرة تمهد لدا وبردة على رغبك رجعت وغيرتها بالمصري اما الباقي دا فعلا بتاعك اللى كتبيتة بالاصل زي ما وصل هههههههههه
ربنا يقويكي

[ريم الخوري]

المشاركة الأصلية كتبت بواسطة emmmy نزلى الاستكش اللى انا بعتهولك فى رسالة كمشاركة فى نفس الموضوع هنا زى ما هو ياريم مش الرسالة موجودة عندك ؟؟

اهي مشفتيش دا.انا ........... اه ياني منك حاضر من عنيا يا قمر زي ما هو خليكي فاكره مليش دعوة انت طلبتي هههههههههههههه

[ريم الخوري]

تفضلي اهي زي ما وصلت يا قمر
*هدية يسوع فى عيد ميلادة*

*---------------*

روز :مساء الخير يانور *

*نور :**اهلا يا روز مساء النور 00*

*روز ** انتى لسة ملبستيش كدة هنتأخر على قداس عيد الميلاد انا قلت هاجى الاقيكى جاهزة *

نور :** بصراحة انا مش هروح ياروز مش هينفع *

روز :** انتى بتقولى اية ؟ لية يا نور ؟ تعبانة ولا حاجة ؟*

*احنا متفقين هنروح الكنيسة سوا ونحضر قداس عيد الميلاد ونقول لربنا يسوع كل سنة وانت طيب فى عيد ميلادة هتفوتى مناسبة زى دى ازاى !! ؟؟*

*انور :**بقولك اية ما تيجى تقعقدى معايا وصديقينى انا هعملك سهرة محصلتش واجبلك لب وسودانى ونشغل فيلم فيديو جديد هيعجبك جدا جدا -- خليكى معايا وهبسطك اوى مش احنا اصحاب واصدقاء واسعد اوقاتنا مع بعض !!*

*روز :** انتى مش طبيعية النهاردة يا نور فى اية مالك 00 احنا اصحاب ااة بس لحد ربنا لأ*

*يعنى لما تقوليلى نكسل عن قداس عيد ميلاد يسوع - اقولك لأ طبعا مينفعشى *

*نور :** طيب خلاص قومى روحى انتى وانا هستنى ماما لما تيجى بعد القداس وابقى صليلى هناك*

*روز : **لأ يا نور انتى هتيجى معايا وانا لازم اعرف مالك *

*نور:**يووووة بقى يا روز مصممة تكسفينى يعنى - تؤ بصراحة كدة انا مكسوفة *

*بصراحة ياروز انا مجبتش لبس جديد احضر بية العيد واروح بية الكنيسة واقول ليسوع كل سنة وانت طيب *

*روز :** يا سلام هو دة السبب بس ؟؟ وتفتكرى ان دة سبب يخليكى متروحيش الكنيسة وتحضرى قداس عيد ميلاد يسوع*

*نور :**ايوة طبعا انتى عاوزانى اروح الكنيسة ليلة العيد بلبس قديم معروف والناس تقول عليا فقيرة !!*

*روز :**ومالهم الفقراء بقى يا ست نور ؟؟ انتى نسيتى ان المسيح نفسة كان فقير *

*وجة على الارض فقير واتولد فى مكان حقير ميتولدش فية حتى افقر فقير فى الدنيا *

*انتى نسيتى انة لما حب يكشف نفسة لبعض الناس اختار الفقراء منهم اللى هما الرعاة 00 اول ناس كلمهم يسوع كانوا الرعاة يا نور اول ناس حب يفرحهم بمجيئة كانوا ناس بسيطة جدا قاعدين بيرعوا شوية غنم وعلى قد حالهم لا عندهم يا ستى لبس ولا عندهم حاجة *

* نسيتى كمان انة اختار معظم تلاميذة من صيادين السمك والعشارين والبسطاء *

*اختارهم لانهم كانوا اغنياء فى نقاء قلوبهم يا نور وعندهم استعداد يقبلوة ويملك عليهم وعلى حياتهم وقلوبهم لقى مكان فى قلوبهم يسكن فية ويكشف ذاتة عن طريقهم *

*يسوع مش منتظرك وانتى لابسة لبس شيك وجديد وغالى 00 يسوع منتظر قلبك وحبك واشتياقك لية *

*الام :**اية يا بنات انتوا قاعدين بترغوا هتتاخروا على القداس 00 اللى بيتأخر مش بيشوف يسوع انا هسبقكم وانتوا خلصوا لبس ويلوا بقى بسرعة*

*روز :** حاضر يا طنط هنقوم اهو وهنأخد معانا هدايا كمان *

*نور :**هدايا ؟؟ هدايا اية ؟؟ انا مجبتش هدايا 00 بقولك مجبتش لبس جديد - تقوليلى هدايا !!*

*روز :** انتى مفهمتنيش يا نور الهدايا اللى هنأخدها هى قلوبنا اللى هنقدمها للمسيح فى عيد ميلادة وهو دة اللى عاوزة مننا يسوع ومش عاوز اكثر من كدة *

*المجوس قدموا ذهب ولبان ومر *

*الذهب رمز ملك المسيح - واللبان رمز كهنوتة - والمر رمز الامة *

*المجوس عبروا عن حبهم للمولود باقتدار يا نور وعبروا عن اعترافهم بية بمهارة وشجاعة وايمان وبساطة قلب جدا *

*تعرفى ان المجوس دول كانوا علماء على اعلى مستوى - بس كانوا انقياء القلب وعلشان كدة المسيح قبل هداياهم وذكرها كأعتراف منة بيهم فى الكتاب المقدس عبر التاريخ والزمن والى مدى الحياة *

*وعلشان يعلمنا انة زى ما قبل المجوس الاغنياء والعلماء وكشف نفسة ليهم قبل بردوا الفقراء والبسطاء اللى هما الرعاة قبلهم *

*يسوع مش بيفرح باللبس يا نور يسوع بيفرح بالقلوب *

*نور :**يااااة يا روز انتى فتحتى عنيا على حاجات مكنتش شايفاها ولا حاسة بيها مع انى عارفاها بس عمرى ما عشتها ولا حسيتها - عندك حق انا فعلا غلطانة - ومكنتش فاهمة - انا حالا هقوم البس بسرعة علشان نروح الكنيسة ونقول ليسوع كل سنة وانت طيب ياربى كل سنة وانت معايا كل سنة وانت محاوطنى واقولة كمان تعالى واسكن قلبى يارب زى ما سكنت المذود*

*واكشف لى ذاتك ونورك واقبل هديتى ياربى *

*نور وروز يأخدوا بعض بالاحضان ودموع الفرح والتوبة تملأ عيونهم *

*نور :**يلا يا روز علشان منتأخرش نروح ليسوع ونقولة كل سنة وانت طيب يارب*

*كل سنة وانت طيب يارب*

[emmmy]

يا نهارك ملوش لون
يخرب عقلك يا بت غيري الأسماء

تصدقي إني غلطانه إني إعتمدت عليكي
ههههههه‎
‎

[ريم الخوري]

المشاركة الأصلية كتبت بواسطة emmmy يا نهارك ملوش لون يخرب عقلك يا بت غيري الأسماء تصدقي إني غلطانه إني إعتمدت عليكي ههههههه‎ ‎

ازاي ملوش لون هههههههههههههه لا له لون وجميل ابيض زي قلبك يا قمر
احترت فيكي هههههه ميش انت اللى طلبتي زي ما بعتي بنفسك دا يا بطة هااااااااااااااااااااااا

بعدين عيني في عينك كده قال متعتمديش عليا قال هههههههههه ههههههه
الله يسامحك
حبيت امزح معك غيرتة ولا يهمك يا بطة

[soso-simsim]

ايه الجمال ده ياريم يخرب بيت عقلك على الحاجات الجميلة دى هههههههههههه
اسكتش جميل اوى ربنا يدينا فعلا ان كل واحد يروح بقلبه لبابايسوع ونقوله كل سنه وانت طيب يابابا يسوع وكمان بنجهز قلوبنا علشان يتولد فيه بدل المذود كل سنه وانتم كلمكم طيبين يارب وتكون سنة 2012 سنه احسن من 2011 يارب يعم فيها الخير والمحبة والسلام وكل واحد فعلا يتغير من جوه قلبه امين يارب سلام المسيح معاكم

[elphilasouf]

أيوه كده عمار يا مصر

فلحين بس أنتوا عملين تخربوا في عقول بعض و أدي النتيجه

[ماروجيرافك]

حقيقي برافو عليكم يا روز انتي ونور اقصد يا ايمي انتي وريم
بجد اسكتش جميل اوي
الرب يباركم

[ريم الخوري]

شكرا كتير كتير كتير اخواني كل سنة وانتم طيبين