[Narmar]

سلام يسوع معاكم

المعروف ان اهم صفة من صفات الله هي صفة القداسة وكل ما كان الانسان قريب منها كل ما كان ربنا يتمجد معاة اكتر

الغريب بقي ان في ناس بتطلب حاجات من ربنا وبتقول هو بيتأخر لية بصراحة انا حابب ان كل واحد يحط نفسة مش هقول مكان ربنا طبعاً لا , لكن في مكان تاني بمعني أصح مثلا يعتبر نفسة مدير شركة كبيرة وطلبت من موظفيك كل واحد ان اهم حاجة فيك النضافة واهم حاجة ان الكل الشغل اللي يجيلك نضيف
جيت لقيت كل شوية حد يجبلك طلب والطلب دة متوسخ او الشغل مش نضيف باي حال من الأحوال رغم انه موظف كويس عندك لكن غير مطيع في أمر النضافة
انت كمدير وشرط عليهم شرط النضافة دة في طلباتهم ليك هترضي تنفذلة طلبة ؟
اه جوة قلبك نفسك لأنه محتاج الطلب اوي وفي نفس الوقت هو يستحقة لكن المشكلة هو وسخ الطلب ودي اكتر حاجة بتضايقك بذمتك هتعمل / ي اية ؟
هو نفس الشئ مع ربنا لية احنا مش بنهتم بأكتر حاجة بيبصلها ربنا وهي القداسة ونقاء القلب
يعني انا بشوف ناس بتصلي بتطلب من ربنا واسطة طيب ودة شئ صح , ؟ بلاش دي في ناس بتصلي تقول يا رب خد مثلا مديري في الشغل او مدير المدرسة او الجامعة عشان مشاكلي تتحل وساعات في ناس بتساوم ربنا يعد يصلي ويقولة يا رب لو انت منفذتليش دة انا مش هصلي تاني او مش هجيلك الكنيسة تاني , هل دة شئ يعقل انك تساوم ربنا ؟! مكتوب لا تجرب الرب الهك عشان كدة عشان نقطة المساومة دي مش عشان حاجة تاني
يارب تكونوا فهمتوني ,
ربنا معاكم ....
وصلولي كتير اوي , ...

المصدر: †† ارثوذكس †† - من قسم: الموضوعات الشبابية

[عماد حسنى]

كلامك صح جدا يا مينا وكل كلمه فى منتهى العقلانيه
ربنا محتاج نقاوه القلب والضمير والفعل مش محتاج غيرهم وبرغم العكس مننا بيكون دايما رحيم على ولاده
ربنا يكون معاك ويساعدك ويمد ايديه ويتمجد فى حياتك

[وردة حزينة]

ميرسى يامينا على الرساله الحلوه ده
ربنا والعدراء معاك وبركه وشفاعه كل القديسين يكونوا معاك

[goneer]

بجد يامينا كلامك صح جدا لان المهم هى نقاوة قلوبنا وطهارتنا لان ربنا مش عايز اكتر من كدة مننا
وعلشان يعطينا ال احنا بنتمناة لازم ينقينا الاول وبعد كدة يعطينا الصالح لينا حتى لو كان عكس
اللى بنتمناة لان مش كل شئ بنتمناة بيكون صالح لينا ودة لاننا شعب محدود البصيرة
بجد ميرسى على موضوع الرائع دة ربنا يباركك وانا استفد كتير اوى منك

[بونبونه سكر]

ميرسى يا نارمر تشبيه جميل فعلا عندك حق

[Narmar]

المشاركة الأصلية كتبت بواسطة عماد حسنى كلامك صح جدا يا مينا وكل كلمه فى منتهى العقلانيه ربنا محتاج نقاوه القلب والضمير والفعل مش محتاج غيرهم وبرغم العكس مننا بيكون دايما رحيم على ولاده ربنا يكون معاك ويساعدك ويمد ايديه ويتمجد فى حياتك

شكرا يا عمدة على مرورك الجميل وعندك حق طبعا ونورت الموضوع ياباشا

المشاركة الأصلية كتبت بواسطة وردة حزينة ميرسى يامينا على الرساله الحلوه ده ربنا والعدراء معاك وبركه وشفاعه كل القديسين يكونوا معاك

ربنا يخليكي ياأحلي وردة نورتي الدنيا كلها ,

المشاركة الأصلية كتبت بواسطة goneer بجد يامينا كلامك صح جدا لان المهم هى نقاوة قلوبنا وطهارتنا لان ربنا مش عايز اكتر من كدة مننا وعلشان يعطينا ال احنا بنتمناة لازم ينقينا الاول وبعد كدة يعطينا الصالح لينا حتى لو كان عكس اللى بنتمناة لان مش كل شئ بنتمناة بيكون صالح لينا ودة لاننا شعب محدود البصيرة بجد ميرسى على موضوع الرائع دة ربنا يباركك وانا استفد كتير اوى منك

أكيد طبعاً اضافتك زادت الموضوع ثراءاً
ميرسي يا جونير نورتي الموضوع

المشاركة الأصلية كتبت بواسطة بنبونه سكره ميرسى يا نارمر تشبيه جميل فعلا عندك حق

ميرسي على مرورك الجميل , يا أفريل قصدي يا بنوتة سكرة هههه بجد نورتي الدنيا كلها ,
ربنا معاكي ....

[dr.salsa]

كلامك حلو قوي يا نارمر

احب بس اضيف حاجه صغيره قوي علي كلامك ان ربنا مش بيقبل مننا الانتقام وده فعلا اللي انت قلته

بس لو حاجه احنا شايفنها كويسه وللخير من وجهة نظرنا وبنطلبها من ربنا.............ربنا بيرد علينا ب3 طرق هي اما ايوه او لا او استني شويه وكتير مننا بيتسرع ويفكر ان استني شويه دي معناها لا ومش بيصبر لما ربنا يبعتله الرد.

ده كان ردي وميرسي ليك جدا علي التشبيه الاكثر من رائع وربنا يدبر حياتك.