[maged18]

هاي علي احلي اعضاء في منتدي نفسي تفيدوني عندي مشكلة ومش عارف احلها وهي ان لي صاحب وهو انتيمي كان معجب بفتاه وكلمها في الارتباط وهي قالت له خلينا في فترة اختبار وهو عرفني عليها وطبعا كان معرفني الموضوع وفي الفتره دي كان في صيام العدراء كلامها معايا كان عادي وانا بالطبع عادي في تعاملي معها لكن بعد فتره واحنا لسه في صيام العدراء طلبت مني رقمي تليفوني كانت تاكد عليا اني اجي النهضه كانت تحب ان نتقابل قبل صاحبي ما يجي ومن ضمن الكلام اتكلمت عن موضوعها هي وصاحبي وانا ما كان لي اي تعليق لكن كلامها انه مش بتحب صاحبي ولا هي تتمناها زوج ليها مجرد صديق وبس وكانت تتقرب ليا اكتر يعني مثلا ان بنكون متفقين انا وصاحبي اني اسبهم يكونوا لوحدهم عشان يتكلمه هي تصير اني اكون معهم ولو رحت مثلا اي مكان تتصل بيا وتقولي تعالي وده طبعا خلى صاحبي يفتكر اني عاوز اخدها منه ولكن ربنا يعلم اني عمري ما افكر التفكير ده خلص الصيام والنهضة ومعرض العدراء اتفقت معايا اني ارن عليها كل يوم وتصل بيها كل يوم وبعد فترة كبيره لاحظت بتغير كبير جدا هي بتعرف شخص اخر جارها انا مش ممانع ان تكون ليها علاقة حب مع اي شخص اخر اذا كان صاحبي او اي شخص اخر لانها صديقة فقط ارجع للنقطة المثيره للدهشة وهي ان متفقين انا اتصل بيها وهي تتصل بيا كل يوم وتعرف انا عملت ايه وهي عملت ايه في اليوم لكن لما انزل واشوفها ويكون معاها جارها تتنكر اني متصلتش بيها قدام الشخص ده دي نقطة النقطة التانية قالتليلي انه الشخص ده اللي هو جارها عاوز يرتبط بيها وعرفت كمان انها مش بتخبي عنه اي حاجه يعني لما مثلا بتروح مشوار بتقوله زي ما كانت بتقولي النقطة الثالثة مثلا اقولها مش هشوفك تقولي لو هنزل ابقى اتصل بيك انزل الكاتدرائية اشوفها مع جارها بالصدفه بالرغم من انها مثلا تقولي انها رايحه مثلا عند تيتا او خالتها واول لما المحها تتهرب مني وتستخبىء قولت لو هي عاوزه تكون معاه لوحدهم تقولي لانها قبل كده قالت في مرة وقولتلها مفيش مشكلة اجي اسلام وامشي اروح اقعد مع اصاحبي نفسي افهم ايه اللي اتغير من ان احنا اصدقاء لو في مشكلة عندها تقولي عليها وانا كذللك الي علاقة معرفة علي الماشي انا دلوقتي اخدت قرار اني مش هكلمها تاني بس نفسي اعرف هل انا كنت مجرد كارت في لعبة مضمونة لعبتها في موضوع صاحبي عشان تبين له انها مش بتحبه ولانه كان متمسك بالموضوع جدا فما لاقيتش غير اللعبة الشيطانية دي لان اول ما صاحبي ما بقاش يكلمها حصل التغير ده ياريت تقوليلي ايه الصح والغلط ممكن يكون تخميني صح واعمل معها ايه هل قراري اللي اخدته صح ياريت تفيدوني

المصدر: †† ارثوذكس †† - من قسم: الموضوعات الشبابية

[وردة حزينة]

لا هى الظاهر انها بنت لعبيه وكانت بتتسلى ميش اكتر
سواء بيك سواء بصاحبك سواء بجارها ده
فاانت ماخسرتش حاجه ارجع لصاحبك وفهمه للى حصل وانساها هى وامسح تليفونها من عندك وكان مافيش حاجه حصلت
وحاول ماتفكرش هى عملت كده ليه لانها واضح انها كانت بتلعب وبتتسلى
ربنا معاك ونورت المنتدى ياماجد

[ماروجيرافك]

شوف انا من رائ ورده انك تنسي البنت دي وتفهم صاحبك كل حاجه وبلاش اسمحلي تعمل حجتك انك عايز تعرف اخبارها وترن عليها وترن عيلك هه وياريت الاهم من ده كله انك تصللها وتطلب من اب الكاهن انه يراعيها
معلش اذا كان كلامي تقيل شويه
ربنا يدبر كل امور حياتنا

[M@@@NOOOO]

من الواضح ياماجد انها فعلا بنت لعوبه
ومش بتاعت ارتباط
مش تخسر صحبك علشان واحده ماتستهلش
سيبك منها
وصليلها ان ربنا يهديها ويبعد عنها اى حاجه شريره
وربنا معاك
ومنورنااااااااااااااااااا ااا

[meva.]

لاهي بتلعب بيك وبصاحبك ولو مرجعتش لصاحبك يبقي هي وقعت بينك وبين صاحبك ارجع لصاحبك واقطع العلاقه بينك وبينها واكسب صاحبك
وربنا معاك في المشكله دي

[روما ديفيد]

بص ياماجد رأيى مش هيختلف عن الناس اللى ردت قبل منى وهى فعلا بالظبط بنت بتلعب وبتتسله وبعد كدا قبل موضوع الارتباط الواحد بيصلى علشان يسمع صوت ربنا ومش معقول صوت ربنا قالها اعملى اللى هى عملته ده وبيروح لاب اعترافه وبيتكلم معاه وهى مش معقول اب الاعتراف قالها خدى صاحبه كبرى علشان اللى عاوز يرتبط بيكى ده يفهم انك مش عاوزاه ياماجد انت تمسح رقمها من عندك وتصليلها انه ربنا يرشدها

[ramysefen]

سلام ونعمة
اخي الحبيب ماجد
اولا احب اني اهنئك علي قرارك بعدم الاتصال بهذه البنت.....
ثانيا احب ان اضع امامك عده نقاط مهمه
أ: ماهي مدي علاقتك بيها ...صداقة؟زماله؟رفقة؟
لازم تعرف انت بتكلمها علي اي اساس
ب:ما مدي تاثرك بيها؟هل حبيتها؟او اتعلقت بيها؟
هل انت معجب بيها؟وليه ماقلتش لصاحبك من الاول عن العلاقة اللي بنكم؟وليه ما نبهتهوش عن مدي تصرفاتها معاك من الاول؟
ج:انت عايز ايه من العلاقة معها بفرض انك رجعت وكلمتها؟هل سوف تنتهي بالارتباط؟
ثالثا:عايز اقوللك انها بنت لاتستحق التفكير فيها ولا فمتو ثانيه.
لانه واضح من تصرفاتها انها ليست بنت من بنات المسيح اللي ممكن الواحد يفكر انو حتي علي الاقل يصداقها او حتي تكون له علاقة ولو سطحيه معها
صدقني ان رفعت قلبك لله وطلبت ارشاد الروح القدس
في موضوح كهذا لن يتاخر عنك ايدا
اخبر اب اعترافك .......وخد خطوة ايجابيه تجاه صديقك لانه يستحق منك ان تفعل لاجله هكذا
وامحو من تليفونك ارقامها
ومن ذاكرتك احرف اسمها
وصلي لاجلها من اجل نجاتها من يد الشيطان
وبمناسبة الايام المقدسة اسكب نفسك امام مذبحك
الشخصي في الخفاء
وابوك الذي في الخفاء سيجازيك علانيه
وربنا يبارك حياتك

[ميرا000]

بص يا ماجد اتمنى ان كلامى ميكونش تقيل عليك لانى ليا كذا ملاحظة فى الموضوع.
*انت قلت انك قبل ما تتعرف عليها كنت عارفة علاقة صاحبك بيها !!!يبقى ليه تسمح لنفسك بتكوين علاقة معاها؟؟يعنى حتى لو انت مش مهتم بصاحبك افهم انها هتكرر معاك اللى عملته مع صاحبك.
**ايه معنى اتصالك المستمر بيها وليه ترن عليها وترن عليك باستمرار بداعى وبدون داعى؟؟؟وليه بتطلب او بتحب تشوفها؟؟
**طبعا من الواضح انك ملكش اهمية عندها او ان دورك انتهى!!وبقيت بالنسبة لها شخص غير مرغوب فيه او مجرد خنقة!!دى الحقيقة وهى عايزة تنهى علاقتها بيك بطريقة لطيفة وانت شكلك مش فاهم.
*كان المفروض انها يوم مفهمتك ان صاحبك مينفعش زوج ليها انك تقوله بدل ما تسيبه مخدوع وتنهى علاقتك بيها فورا او تكون علاقتكم علاقة سطحية عابرة.
*اذا انت متعلق بيها؟؟ومش عاوز تنهى علاقتك بيها اتمنى تمشى فى النور يعنى تتقدم لها او تنساها خالص وتمسح رقمها كمان اذا هى اتصلت بيك فى اى وقت من الافضل انك متردش عليهاوتتطنشها تماما.
**البنت دى لابتحبك انت ولا صاحبك وواضح ان جارها اهم عندها وممكن الايام تبين ان جارها بيتسلى بيها ده مش بعيد وقتها هتفكر ترجع لك خد بالك ده كل الموضوع بالتفصيل.
ربنا معاك سلالالالالالالالالالالالا لالالالام

[maged18]

اشكركم جدا واحب اقولكم شوية حاجات اولا انا وصاحبي بقينا زي الاول وبدل ما كان بيتهمني اني كنت سبب في انها ترفض الموضوع عرف اني ما ليش ذنب لانه عرفها علي حقيقتها لانها عملت معه نفس الموضوع ثانيا انا مش بحبها حب الحبيبين هي بالنسبة لي صديقة مش اكتر وصاحبي وهي عرفين كده كويس وانا فعلا مسحت نمرتها من علي موبايلي ثالثا لما كنت بتصل او برن عليها كان طلبها هي مش طلبي بس وبجد اشكركم انكم اهتمتوا بموضوعي وربنا يعوض تعبكم