[elshbah]

بسم الثالوث القدوس الاب والابن والروح القدس اله واحد امين

بسم الاب والابن والروح القدس الة واحد امين ..

احب اعرفكم اولا بنفسى


الاسم:نادر عاطف
السن:21
البلد: مصر الجيزة البدرشين
الشفيع:ابونا عبد المسيح المنهرى
المهنة:ملاكم وفشلت وحاليا سوفت وير وهردوير ستلايت

اولا انا اتعرفت على المنتدى من خلال كنيستنا الملاك ميخائيل والمرجرس بالبدرشين
بحب جداا الكيك بوكس والرياضة
بحب جدا كنيستنا وبحب كمان اروح دير البحر الاحمر الانبا بولا والانبا انطونيوس
انا حبيت قبل كدا وانجرحت بجرح صعب ومن اعز صاحب لية ومن اعز انسانة ليا
حلم حياتى انى ارجع للكيك بوكس واكون بطل العالم وابطل السجاير
:::::::::::::::::

احب اتكلم عن لبس البنات والموضة الفارغة

يـاريـت نـتـكـلـم مـع بـعـض شـويـة بـصـراحـه عـن لـبـس الـشـباب والـبـنات مـن غـيـر مـجـامـلـه لاى مـن الـجـنـسـيـن سـواء الـشـبـاب او الـبـنـات ونـتـكـلـم عـن الـمـوضـة الـفـارغـه يـعـنى الـبـنـات مـمـكـن تـلـبـس لـبـس غـيـر لائـق بالـنـسـبـة لـعاداتـنا وديـنـا مـش مـعـناه كـلامـى انـى انا ضـد الـمـوضـة لا طـبـعآ اى بـنـت بـتـحـب ديـما تـكـون شـيـك وبـتـحـب تـلـبـس عـلـى الـمـوضـة بـس لازم الـمـوضـة دى تـكـون فـى حـدود مـش لدرجـة انــى الـبـنـت تـكـون لابـسـة لـبـس غـيـر لائـق لمـجـتـمـعـنا وتـقـول دى مـوضـة او لـبـس مـلـفـت اوى لـلـنـظـر وتـقـول دى مـوضـة المـوضـة عمـومـآ بـتـكـون عـالميـة يـعـنى مـش لـيـنـا احـنـا بـس يـعـنـى مـش كـل مـوضـة هـما عامـلـنها احـنا نقـلدهـم تـقـليـد اعـمـى مـن غـيـر ما نـفـكـر مـمـكـن الـمـوضـة دى تـنـاسـبـنا ولا لا وتـبـص بـردو عـلـى الـشـبـاب عـاملـيـن حـاجـات غـريـبـة فـى نـفـسـهـم ويـقـولـوا عـلـيـهـا مـوضـة ايـه سـوري يـعـنـى الـبـنـطـلون هـيسـقـط وهـو لابـسه وفاتـح زرايـر الـشـمـيـز ولابـس سلـسـله ويـقـول دى مـوضـة هـى المـوضـة دى مـناسبـة ديـنـك ومـجـتـمـعـك مـمـكن الولـد يـلـبـس شـيـك جدآ وعـلى المـوضـة بـس المـوضة الـلـى تـناسبه لانى اللـى بيـقـلد ده بـيـبـقـى انـسـان مالوش لازمـة ولا شـخـصـية فا بيحـاول يلـفـت انـظـار النـاس بالـحاجـات الـغـريـبـة لانـى الانـسـان الـواثـق من نــفـسـه مـش مـحـتاج لـفـت نـظـر اى حد له او يـقـلد حـاجة مـش منـاسـبـة له بـس احـنا المـفـروض نـقـول اللـى وصل الاولاد والبـنـات دول للمـراحـل دى الاهــل لانـى هـما ليـهم دور مؤثـر جدآ فى تـربـيـة اولادهـم لانـى هـما دورهـم يفـهـمونا ايـه الـلـى يلـيـق بـيـنـا وايـه الـلـى ينـاسبنا مكنـاش هنـوصـل المـرحـلة دى ديـنا بيـقـال فـيـه &اذا ضاع الايمان فلا امان& وكـل حـاجـه ياجـماعه لازم تـكـون لـها حـدود ولـما ونـقـلد نـقـلد الحـاجه الصـح والـلـى تـلـيـق والـكـلام مـوجـه طـبـعآ للـشـبـاب والبـنـات

ياريت يا بنات تاخدو بالكو

انا كتبت العنوان لانو هي دي رسلتي ليكم
ياريت يا بنات تاخدو بالكم من لبسكم ويبقى محترم عن كده وتاخدو بالكم من تصرفاتك وتبقى بنت بتصرفاتك مش ولد
ولا ده لبس بنات محترمه

اظن ان دي مش تصرفات بنات محترمه
طبعا صور كتير واقعيه تجعل صوره البنات في اطار بشع
بجد انا كنت اخجلكم جدا على الي بتعملوه
انا شخصيا لما بلاقي كلام شباب عن بنت لا اعرفها ولا شفتها لمجرد انو كانت بتعمل تصرف غير لائق او لبسها خارج عن حدود الادب بجد بجد بخجل وبحس انو كلام مش ع وحده لا ع كل بس كلام بيدايق
والعيب مش منهم من الي شيفينو
انا مش بقول كل بنات كده لكن بوجه رسالتي لكل بنات لانخا لو تعرف وحده تنصحها بود وتحذرها
مش اظن انو في شاب هيفكر لو للحظه يجوز وحده بالمنظر ده ولا بالاخلاق دي
اينعم انتي حره اكيد ولكن احترمي حرية اخرين لانها هتنحسب عليكي
مش بقلك اخنقي نفسك بس بقلك راعي كل من حولك
واعرفي ان اولا واخيرا ده ضد دينك المسيحى
ولو مش مسيحية يبقى راعي الصح والغلط وراعي انو ده بيشجع الشباب على غلط فيكي
وانا مش بوجه رساله كده ولكن لانو بصراحه كنت لسه شايف موضوع زى دة ودايقني
والي دايقني اكتر ان الي فضلت تكلم ع البنت كانت لبسه زيها للاسف وكان نفسي اقلها شوفي نفسك اول قبل غيرك
لكن لم اكن اعرفها

سخافات معاكسة الشباب للبنات

طبعا مافيش بنت فيكي يا مصر إلا وتعاني من المعاكسات المستفزة والسخيفة اللي بجد
تحرق الدم ومافيش حاجة اسمها معاكسة لطيفة ومعاكسة سخيفة المعاكسة معاكسة
وهي بكل أنواعها وصورها اعتداء على استقلالية وخصوصية الآخر . . طبعا في أولاد
دلوقتي هيقولوا ما هو فيه برضه بنات بتعاكس الشباب . . حنقول . . حتى لو فيه ماهي
برضه من ضمن قلة الأدب .
المعاكسة ظاهرة قديمة لكن تطورت بتطور العمر اللي إحنا عايشينه . . ده طبعا بسبب
الهاي تك ، اللي بتحاصرنا في كل ناحية يعني ممكن تلاقي رسائل على الموبايل أو رنات
أو حتى مكالمات وكمان ممكن تلاقي شباب يعمل إنه بيلعب في الموبايل لكن بقصد
تصوير البنات .. وطبعا فيه معاكسات بكلكسات السيارات والمساحة والنور .. فعلا حاجة
غريبة وسخيفة وساقطه في مجتمعنا اللي عاش ينادي بالعادات والتقاليد اللي غابت عن
عقول شبابنا .. طبعا لازم نقول إن فيه قانون بيجرم المعاكسات يعني على حسب طبيعة
المعاكسة .
المعاكسات كمان بتفرق حسب طبيعة المكان بحكم البيئة والتركيبة الاجتماعية يعني
ممكن تلاحظ أنه في الأماكن الشعبية يعاكس الشباب البنات ب " بس بس انت يا " أو "
بصراحة أحلى واحدة اللي لابسه جزمة حمرا" وهكذا .
وممكن نلاقي في الأماكن الهاي شوية من ناحية الفلوس يعني مش من ناحية السلوك ..
البنت بتتعاكس بكلام مباشر أو يتريقوا على ملبسها وممكن كمان ينزل الشاب من عربيته
ويمشي بجانب البنت ويفتح أي حوار وكأنه فعلا عارف البنت .
أو يقول رقم موبايله بصوت عال أو يحاول يفهمها أنه مش بيعاكس ويسأل على عنوان
معين وكلها حجج مصطنعة لمحاولة مضايقة البنات وخلاص .. طبعا دلوقتي كمان ممكن
تلاقي رسالة إعجاب على الموبايل أو رسالة تهديد وطبعا مرسلة من على النت علشان ما
نعرفش مين اللي باعت . . أو تصوير البنات وهما قاعدين في كافيه من الموبايلات وطبعا
يتباهى البيه إنهن صحباته والأنتيم كمان


* رأي البنات
بنكره المعاكسات موت وبنكره أكتر الرأي
اللي بيقول البنات تحب تتعاكس يعني هي البنت هتعرف قيمة نفسها من كلام واحد
فاضي واقف على ناصية أو بيلف شوية بعربيته ، كلام صعب طبعا وبعدين اشمعنى
ارتبطت ظاهرة المعاكسات بشباب مصر . . يمكن لأنه محبط أو معندوش وقت يشغله
وكمان يمكن لأنه مش عارف يرتبط ويستقر .
وكمان مرتباتنا بنصرفها في تاكسيات المخصوص
علشان نرحم نفسينا من شباب النواصي وبعدين احنا مش عارفين البوليس فين منهم وفين
سيارات الدورية الراكبة ماهو كل ده برضه ممكن يضمن سلامة البنات في الشارع .
الفراغ يعمل أكتر من كده وبعدين المعاكسات دي نوع من أنواع البجاحة والتعدي على
حرية الآخرين والتطاول عليهم فعلا عايزين قانون يغلظ من عقوبة المعاكسات التي
انتشرت مفزع داخل شوارعنا .



* رأي الشباب
طبعا الشباب لازم يبرر المعاكسة ويرمي بالغلط على البنات وملبسهم يعني معنى كده إن
معصومات من المعاكسة نشوف .
الحوار
طبعا ملبس البنت يستفزنا
قلتله الملبس ده حرية شخصية
قال : لا البنات اللي بتلبس ملبس خارج عايزة تتعاكس فخلاص خليها تتعاكس .


أنا شخصيا ضد المعاكسات . . يعني ايه أعاكس بنت
بسبب مظهرها . .أعتقد إنه تعد على حرية الآخرين

[elshbah]

بحب المقلات دى جدا ومقتنع بيها

لا يحزنك إنك فشلت مادمت تحاول الوقوف على قدميك من جديد

ليس القوي من يكسب الحرب دائما وإنما الضعيف من يخسر السلام دائما

لا تفكر في المفقود حتى لا تفقد الموجود

البستان الجميل لا يخلو من الأفاعي

المال خادمٌ جيد .. لكنه سيدٌ فاسد

عندما يمدح الناس شخصاً ، قليلون يصدقون ذلك وعندما يذمونه فالجميع يصدقون.

إذا أردت أن تحتفظ بصديق فكن أنت أولا صديق

[elshbah]

اخر ما كتبت
قصيدة بحبها جداا
اى نعم ان هيا مش ممتعة بس دى قصتى

الخاين والخاينه فى وسط الضياع
ياقلبى
صدقت دمع عينيها ياقلبى صعب حالها عليك
نسيت اللى عملته فيك تنسى ازاى والجرح جوه عينيك
اقولك ياقلبى
سيبها لظروفها يمكن تانى تعود
شوف كام مره هيه تعند وترجع ليك بحجج مالهاش حدود
عد معايه ياقلبى
عد معايه ياقلبى الاولى كذبه والتانيه خدعه والتالته صدمه والرابعه مقابله
عد معايه ياقلبى
الاولى كذبه وصدقتها
والتانيه خدعه ومازعلتش لما الحقيقه عرفتها
والتالته صدمه وفوقت ازاى بعدها
والرابعه مقابله مع واحد تانى وكان اللى بينكم انتهى
وكل مره ترجع ليك فيها وتعود
عارفاك ياقلبى طيب عايش على الوعود
فى لحظه تنزل دمعتين
تحن عليها وتنسى عذاب سنين
اسمع منى ياقلبى
اسمع منى ياقلبى وكفايه اللى عدا المره دى مش زى غيرها
اللى اتعمل ضد كرامتنا والمره دى فعلا مش زى غيرها
دى خيانه ياقلبى
دى خيانه ياقلبى وانا الضحيه الضحيه
ومش هسامحها ياقلبى ولو خرجت بتمسيليه
مسلسل على الهوا
قولولى ياناس فيه حد شاف مسلسل قبل كده على الهوا بيتذاع
انا شوفت المسلسل وعرفت بطله كمان والبطله والضحيه
1 – البطل الخاين صاحبى اللى اكل معايه عيش وملح
2 – البطله الخاينه حبيبتى اللى كانت بالنسبه ليه اجمل فرح
3 – الضحيه اللى هو0000؟ اللى عاش سنين فى الجرح
الخاين والخاينه فى حضن بعض
الخاين والخاينه فى حضن بعض
والضحيه واقف مستغرب قلبه مكسور ع الارض
ده عمره مالمس ايديها
وكانت لما تشوفه بتدارى منه عينيها
دلوقت كل حاجه مباحه وكل شئ متاح
ياه مسلسل غريب لآول مره بيتذاع الخاين والخاينه فى وسط الضياع
بس المسلسل ع الهوا بيتذاع يعنى من غير قص ومن غير مونتاج
الضحيه لازم يبعد ويسيب الخاين والخاينه يتهنوا ببعض
ويروح يعيش حياته بالطول والعرض
والجزء اللى جاى من المسلسل مش ممنوع من العرض
الخاين بيسيب الخاينه ويخونها مع واحده تانيه
تلاقى نفسها وحيده لا طالت سما ولا طالت ارض
ترجع تندم على حالها وتدور على الضحيه
لكن هوه فين المجروح من الورد ؟
الضحيه
الضحيه عايش اسعد ايام وحب صادق وبنت تانيه
بنت تصون العيش والملح واهى عايشه معاه فى الدنيا
قوام تشوفه الخاينه
مستغربه على ايه بيضحك وازاى بيفرح
تلاقى فى ايديه ورده (البنت ) مستحيل شوكها يجرح
ترجع مكسورها ذليله حاسه بمعنى الجرح
مخرجنا
مخرجنا مش اى مخرج عامل مسلسل طويل على طول الزمان
مسلسلنا اسمه يوم ليك ويوم عليك
مخرجنا اسمه
الزمن
اكتر مخرج افلام ومسلسلات





تابعونى راجع بالتعديل قريب انا كاتبها اليوم
بس ياريت تعجبكم وتستمتعوا بيها
مع تحياتى
الوتر الحزين
الشبح

[elshbah]

بحب صورة ابونا عبد المسيح المنهرى شفيعى وحبيبى مع العراء مريم

[elshbah]

وبكدا قد انتهيت

وبسلم الميك لصديقتنا الجريئة جدااا

ومش هقول العصبية جدااااا

بس هقول بجد

انا بحب مناقشتها جداااااااا

وهى بجد انسانة طيبة من جواها كتيررر

ومنقدرش نستغنا عنها طبعا هنا فى المنتدى

الاستاذة

(ايمى)

مع الاعضاء التعليق لمدة 12 ساعة

[ملاك وديع]

ا

لفكرة جامدة جدااااااااااااااااااااااا اااااااااااااااااااااا .......

[Dr.PeRO]

مع الاعضاء التعليق لمدة 12 ساعة

طب أنا مش هايكفيني بقى ال12 ساعة عشان أعلق على اللى انت كتبته
أولا انا فطست من الضحك عالصورة اللى انت حطيتها بتاعة المعاكسة، والحقيقة منظر ال3 اللى واقفين طابور يهلك من الضحك انت كنت مأجرهم يا نادر ولا ايه ههههههههههههههه، طبعاً ديه صورة توضح ايه اللى بيحصل بعد ما البنت بتعدى وهى فاكرة انها سلمت من المعاكسة، مع انها ماسلمتش ولا حاجة، واعتقد انا دلوقتى فهمت ليه فى مصر كل الرجالة عارفة المثل بتاع الLadies first وبيحبوا يطبقوه ويخلوا الستات تعدي الأول فى كل حته
بس انا عاوز اقول حاجة على الصورة يمكن تكون قاسية شوية بس معلش لازم تتقال عشان الناس تتخيل الدنيا صح، لو افترضنا ان الاتوبيس اللى جاى فى الاتجاه المعاكس ده دخل فجأة على الرصيف وشال كل اللى فى الصورة دول وماتوا، ال5 هيخشه النار حتف !!!! ياريت نتخيل ده عشان لا الولد يعمل كده ولا البنت تعمل كده.
عجبانى القصيدة اللى كتبتها بس مش عاجبنى انك تكون مستسلم للحزن وتعبر عنه بقصيدة كمان، ليه متبصلهاش من نظرة تانى افضل، مش يمكن اللى انت حبيتها ديه كانت ماتنفعلكش وربنا سمح ان ده يحصل عشان يمنع جوازه فشله فى المستقبل او ممكن كانت العلاقة بينكوا فى الأصل مكنتش اكتر من علاقة اعجاب او مراهقة بس انتوا فهمتوها غلط انها حب؟!
مش ممكن لو كنت فضلتوا تحبوا بعض وكملتوا لحد الجواز وفجأة عرفت انها خانتك لأى سبب ساعتها كان هايبقى الموقف عامل ازاى؟؟
احمد ربنا عشان الصالح انت مش ممكن تقدر تشوفه كويس وافتكر دايماً الآية اللى بتقول: كل الأشياء تعمل معاً للخير للذين يحبون الله، فحبوا من قلبك عشان لما يحصل وتحب واحدة تانى تحب واحدة تناسبك ويكون ربنا مرتبها من نصيبك فى المستقبل القريب ان شاء الله.

[elshbah]

المشاركة الأصلية كتبت بواسطة dr.pero طب أنا مش هايكفيني بقى ال12 ساعة عشان أعلق على اللى انت كتبته أولا انا فطست من الضحك عالصورة اللى انت حطيتها بتاعة المعاكسة، والحقيقة منظر ال3 اللى واقفين طابور يهلك من الضحك انت كنت مأجرهم يا نادر ولا ايه ههههههههههههههه، طبعاً ديه صورة توضح ايه اللى بيحصل بعد ما البنت بتعدى وهى فاكرة انها سلمت من المعاكسة، مع انها ماسلمتش ولا حاجة، واعتقد انا دلوقتى فهمت ليه فى مصر كل الرجالة عارفة المثل بتاع الladies first وبيحبوا يطبقوه ويخلوا الستات تعدي الأول فى كل حته بس انا عاوز اقول حاجة على الصورة يمكن تكون قاسية شوية بس معلش لازم تتقال عشان الناس تتخيل الدنيا صح، لو افترضنا ان الاتوبيس اللى جاى فى الاتجاه المعاكس ده دخل فجأة على الرصيف وشال كل اللى فى الصورة دول وماتوا، ال5 هيخشه النار حتف !!!! ياريت نتخيل ده عشان لا الولد يعمل كده ولا البنت تعمل كده. عجبانى القصيدة اللى كتبتها بس مش عاجبنى انك تكون مستسلم للحزن وتعبر عنه بقصيدة كمان، ليه متبصلهاش من نظرة تانى افضل، مش يمكن اللى انت حبيتها ديه كانت ماتنفعلكش وربنا سمح ان ده يحصل عشان يمنع جوازه فشله فى المستقبل او ممكن كانت العلاقة بينكوا فى الأصل مكنتش اكتر من علاقة اعجاب او مراهقة بس انتوا فهمتوها غلط انها حب؟! مش ممكن لو كنت فضلتوا تحبوا بعض وكملتوا لحد الجواز وفجأة عرفت انها خانتك لأى سبب ساعتها كان هايبقى الموقف عامل ازاى؟؟ احمد ربنا عشان الصالح انت مش ممكن تقدر تشوفه كويس وافتكر دايماً الآية اللى بتقول: كل الأشياء تعمل معاً للخير للذين يحبون الله، فحبوا من قلبك عشان لما يحصل وتحب واحدة تانى تحب واحدة تناسبك ويكون ربنا مرتبها من نصيبك فى المستقبل القريب ان شاء الله.

اولا احب اشكر الدكتور بيتر العظيم واحيية على تعليقة الجميل بس حلوة يا دكتور مئجرهم دول ههههههههههههههه بس دة يبين مدة قذارة الشباب سورى فى اللفظ بطريقة البنات السيئة

استسلم للحزن دى كلمة قليلة يا دكتور انا اسمى حزن فى حزن معنديش الفرحة دى خالص احنا مش بتاع الكلام دة

وفعلا انا لو كنت حبيتها واتجوزتها كان ممكن الموقف يكون اصعب بس ربنا بيعمل اللى فى الصالح

انا بحمد ربنا ديما علشان عارف انة بيخترلى الصح

وبشكرك يا دكتور جداااااااا لكلامك الجميل وتعليقك الاحلى ربنا يخليك لينا ديما يارب

[elshbah]

المشاركة الأصلية كتبت بواسطة ملاك وديع ا لفكرة جامدة جدااااااااااااااااااااااا اااااااااااااااااااااا .......

بشكرك جزيل الشكر لمرورك الاجمل يا اجمل انسان شكرا لتشجيعك لفكرتنا ربنا يعوضك يارب

[Dr.PeRO]

معلش انا عارف ان ده جرح كبير بالنسبالك، بس انا عارف برضه ان المواقف الصعبة ديه هي اللى بتكوت شخصيتك وبتعمل من الشباب رجاله

لانو بصراحه كنت لسه شايف موضوع زى دة ودايقني والي دايقني اكتر ان الي فضلت تكلم ع البنت كانت لبسه زيها للاسف وكان نفسي اقلها شوفي نفسك اول قبل غيرك لكن لم اكن اعرفها

معلش انا مش فاهم اللى انت قولته، ديه كانت واحدة بتوعظ يعنى ولا ايه بالظبط ؟؟ ياريت تقول بعض التفاصيل وهل ده كان هنا فى المنتدى ولا بره عشان انا مش فاهم قصدك