[رويس]

في ايام حادثة القديسين لما كنت بقول لازم اطالب بمحاكمه وزير الداخلية كانت الناس بتقولي انت بتحلم وان ربنا يستر عليك
وانهارده كل كلمة انا قولتها اتحققت بل واضعاف اضعاف اللي قولته
في حاجه هاقولها في البداية ان دي فرصة الاقباط الوحيدة وبكرر الوحيدة لاخد حقوقهم، لازم الاقباط يطلعوا ويطلبوا وميبقاش دورهم دور سلبي زي اللي حصل يوم 25 يناير لما الكنايس بعتت بتحذر من المشاركة في هذه الانتخابات بحجه انها بتاعه اخوان مسلمين، الكلام ده غير مقبول بالمرة وانا لازم صوتي يبقي مسموع.

1.الغاء الماده 2 من الدستور اللي بتنص ان القرآن هو المصدر الرئيسي للتشريع، احنا عاوزينها علمانية وليست مدنية الناس لازم تاخد بالها ان لو فضلت مدنية يبقي الماده التانيه دي هاتفضل زي ما هي.
2.عمل قانون موحد لدور العبادة.
3.اعتماد قانون الاحوال الشخصية اللي قدمه البابا ووافقت عليه جميع كنائس العالم من اربعين سنه وهو لسه محطوط في الادراج.

الثلاث حاجات (علي الاقل طبعاً) لازم نقولها دلوقتي
الطرق علي الحديد وهو ساخن، ولما مخدناش الحقوق دي مش هانعرف ناخدها كمان 50 سنه تانية.

ندخل بقي علي الموضوع الرئيسي وهو اللي عاوزة، انا لقيت علي النت زي حمله جميلة للناس بتتلخص في 12 نقطة عن اللي المفروض نعمله من هنا ورايح وهما كالاتي :-

1.انا مش هادفع رشاوي واكراميات تاني في المرور او القسم او الصالح الحكومية.
2.من هارمي زبالتي في الشارع
3.من هاعاكس بنات ولا حتي اغلس عليهم، بل هاحميهم من اي حد يحاول يعتدي عليهم.
4.ابلغ جهاز حماية المستهلك لما الاقي حد بيبع بالغالي.
5.مش هابقي سلبي وهاقول لاي حد بيعمل غلط انه غلط ومش هخاف.
6.هاقدم بلاغ ضد اي تعديات لاي حد مهما كان منصبة حتي ولو كان بيمشي عكس.
7.هافخر ببلدي قدام الاجانب ومش هاستعر منها وهاقول انها احسن بلد.
8.هتطوه اني اساعد الناس الي محتاجه للمساعده.
9.هعامل الناس باحترام وهقدر ظروفهم ومعانتهم.
10.مش هايبقي في حد أحسن من حد، وهنعامل بعض بالتساوي الغني زي الفقير.
11.هعرف حقوقي وواجباتي القانونية في مصر عشان محدش يعتدي علي حقي أو اعتدي علي حق حد.
12.هاعمل بطاقة انتخابية واشارك ويبقي ليا دور سياسي في بلدي.

ياريت الناس بقي متبقاش فيها خوف تاني علشان انا مسيحي
مقولش وانا في الجامعه اني خايف لا الدكتور يعرف اني مسيحي فيقوم مشيلني الماده بتاعته وما الي ذلك من مواقف.
اتمني الناس بينها وبين نفسها تقرر هي هاتعمل ايه

المصدر: †† ارثوذكس †† - من قسم: المنتدى العام

[selo_hero]

كلام جميل جدا وياريت كلنا نعمل كدا بجد
وعلى فكرة مش كل المسيحين بتخاف ان الدكتور يعرف انهم مسيحين

بالعكسن
انا مسيحية وافتخر

واقولها قدام اى حد
وبحتقر اللى يجى حد يسالة انت مسيحى ولا مسلم يقول يا عم كلنا اخوات

ميرسى رويس

[كراكيب]

• انا معاك يارويس المهم نبطل نسمع كلام القسس اللي بصراحة مش حاسين بحد او مش فاهمين الوضع السياسي احنا المفروض معظمنا ميستفيدش م الثورة لانه مشتركشي فيها وكمان شتم المتظاهرين لانه مش فاهم لكن انا طبعا رفضت كلام الكنايس وياريت الكنايس يركزوا اكتر ف الجانب الديني لانهم ف الجانب السياسي يحرقوا الدم عارف ان مشاركتي غالبا هتتحذف وده ليه لاننا لسه زي مااحنا كله بيتغير واحنا لسه زي مااحنا عايشين في حجة السلام الداخلي انا كان بيتحرق دمي لما الاقي كلمات شكر للامن اللي قتل ولادنا واخواتنا طبعا بسبب الرئيس الفاسد الراحل او بمعني اصح المخلوع حسني مبارك
• كلماتي هتتحذف بس يمكن انا كتبتها عشان اللي هيحذفها يقراها قبل مايخذفها وبس
• ياريت بقي محدش يقعد ينافقق ويشكر لان بجد دمنا اتحرق
• ويارب اللي جاي يبقي احسن لمصر كلها

[as_as200310]

المشاركة الأصلية كتبت بواسطة كراكيب انا معاك يارويس المهم نبطل نسمع كلام القسس اللي بصراحة مش حاسين بحد او مش فاهمين الوضع السياسي احنا المفروض معظمنا ميستفيدش م الثورة لانه مشتركشي فيها وكمان شتم المتظاهرين لانه مش فاهم لكن انا طبعا رفضت كلام الكنايس وياريت الكنايس يركزوا اكتر ف الجانب الديني لانهم ف الجانب السياسي يحرقوا الدم عارف ان مشاركتي غالبا هتتحذف وده ليه لاننا لسه زي مااحنا كله بيتغير واحنا لسه زي مااحنا عايشين في حجة السلام الداخلي انا كان بيتحرق دمي لما الاقي كلمات شكر للامن اللي قتل ولادنا واخواتنا طبعا بسبب الرئيس الفاسد الراحل او بمعني اصح المخلوع حسني مبارك كلماتي هتتحذف بس يمكن انا كتبتها عشان اللي هيحذفها يقراها قبل مايخذفها وبس ياريت بقي محدش يقعد ينافقق ويشكر لان بجد دمنا اتحرق ويارب اللي جاي يبقي احسن لمصر كلها

انا معاكم في كل اللي قولته بس بعد اذنك البابا هو اللي قال ان محدش ينزل يوم 25 وطبعا البابا مهما كانت درجة قدستة فهو في النهاية بشر ممكن يغلط ودة شي عادي كمان مننساش الضغوط الداخلية اللي كانت من النظام الفاسد السابق علي الكنيسة القبطية بس بعديها بفترة البابا سمح للناس بالنزول للمظاهرات .

وربنا يباركك ويبارك كل شبر في Egypt

[aymonded]

المشاركة الأصلية كتبت بواسطة كراكيب انا معاك يارويس المهم نبطل نسمع كلام القسس اللي بصراحة مش حاسين بحد او مش فاهمين الوضع السياسي احنا المفروض معظمنا ميستفيدش م الثورة لانه مشتركشي فيها وكمان شتم المتظاهرين لانه مش فاهم لكن انا طبعا رفضت كلام الكنايس وياريت الكنايس يركزوا اكتر ف الجانب الديني لانهم ف الجانب السياسي يحرقوا الدم عارف ان مشاركتي غالبا هتتحذف وده ليه لاننا لسه زي مااحنا كله بيتغير واحنا لسه زي مااحنا عايشين في حجة السلام الداخلي انا كان بيتحرق دمي لما الاقي كلمات شكر للامن اللي قتل ولادنا واخواتنا طبعا بسبب الرئيس الفاسد الراحل او بمعني اصح المخلوع حسني مبارك كلماتي هتتحذف بس يمكن انا كتبتها عشان اللي هيحذفها يقراها قبل مايخذفها وبس ياريت بقي محدش يقعد ينافقق ويشكر لان بجد دمنا اتحرق ويارب اللي جاي يبقي احسن لمصر كلها

أولاً أحييك على رأيك المصري الأصيل والجميل عن صدق وبلا مبالغة
ثانياً كلامك لن يُحذف إطلاقاً ولن يتم شكر من لا يستحق الشكر إطلاقاً
ثالثاً - بعيداً عن كلماتك طبعاً ولا علاقة لما انت قلت - بل هي رسالة مني للجميع :
ينبغي أن نكف عن أن نطالب بحق كمسيحيين ، ونكف عن استخدام هذا اللفظ في طلب حق ، بل نطالب بحق حريتنا كمصريين ومن نسيج الوطن لا كلمة أو لفظ إنما بالفعل والحق ، فطالما نعلن أننا نطلب كمسيحيين فما هو الفرق إذن بيننا وبين الدولة الدينية !!!!! هل اختلاف مسمى الدين ، أم اننا ندَّعي أن المسيحية هي فقط المفروض تكون ديناً للدولة !!!

يا أحبائي هذا كلام خطيرللغاية لازم نعية ونعرف مدى الخطورة الكامنة فيه ، لأن لو ركزنا أننا مسيحيين ، إذن في هذه الحالة سنطلب طلبين ضمناً ، وهو أولاً التمييز دين عن دين ، ومطالبة حق قصاد حق ، وبذلك نقسم المجتمع قسمين كما هو حادث نتاج لعب النظام السابق ، وثانياً نطلب أن يتدخل الكهنوت في السياسة وتبقى هناك حرب بين دين بكل رموزه أمام دين آخر بكل رموزه وهذه مشكلة كبرى ستوقعنا في مشاكل لن تنتهي وتجعلنا نؤكد على البند الثاني من الدستور إنما لصالح المسيحيين فقط ، فليتنا أن نُصحح الرؤيا ونوسع النظرة ولنكن مصريين فقط ، طبعاً لا أقصد أن نلغي هويتنا كمسيحيين ، بل نظهرها في سلوكنا وعبادتنا القلبية عن وعي إيماني يرى ويُبصر الله وليس في سياستنا قط ، نرحب ونفخر بالمسيح الرب القدوس ونمجد اسمه ونعليه بكل قوتنا ، ولكن لا نخلط الأمور ببعضها البعض ....

حقيقي تعليقك رائع وعجبني يا أجمل أخ حلو

ملحوظة صغيرة للأخ المحبوب رويس :
بالنسبة لموضوع قانون الأحوال الشخصية مش كل كنائس العالم ولا حتى كل الكنائس في مصر وافقت عليه ، الكنيسة الأرثوذكسية فقط هي التي تمسكت به إلى الآن ، وبعض من الطوائف الأخرى اختلفت عليه ، فهذه المعلومة غير صحيحة يا أجمل أخ حلو ولك أن تراجع تعليقات الكثير من رؤساء باقي الكنائس للرد على هذا الموضوع ، ولا تسمع لطرف واحد فقط أو ما يُشاع داخل الكنيسة !!! النعمة معك

[رويس]

المشاركة الأصلية كتبت بواسطة aymonded ملحوظة صغيرة للأخ المحبوب رويس : بالنسبة لموضوع قانون الأحوال الشخصية مش كل كنائس العالم ولا حتى كل الكنائس في مصر وافقت عليه ، الكنيسة الأرثوذكسية فقط هي التي تمسكت به إلى الآن ، وبعض من الطوائف الأخرى اختلفت عليه ، فهذه المعلومة غير صحيحة يا أجمل أخ حلو ولك أن تراجع تعليقات الكثير من رؤساء باقي الكنائس للرد على هذا الموضوع ، ولا تسمع لطرف واحد فقط أو ما يُشاع داخل الكنيسة !!! النعمة معك

انا سمعتها من البابا شنودة قالها في احد لقاءاته وكان قايل كمان ان الناس وقتها قالتله ده مستحيل انه يحصل وانه يعرف يعمل قانون والناس كلها توافق عليه، ولكن ده اللي حصل فعلاً وجمع التوقيعات وقدمه للحومة ولكن اتحط في الادراج

[aymonded]

المشاركة الأصلية كتبت بواسطة رويس انا سمعتها من البابا شنودة قالها في احد لقاءاته وكان قايل كمان ان الناس وقتها قالتله ده مستحيل انه يحصل وانه يعرف يعمل قانون والناس كلها توافق عليه، ولكن ده اللي حصل فعلاً وجمع التوقيعات وقدمه للحومة ولكن اتحط في الادراج

هو ده اللي حصل في البداية طبعاً ولكن بعد ذلك وفي الآونة الأخيرة من السنة الماضية رفضت باقي الكنائس هذا القانون ، بعضهم رفض تماماً والبعض قبل بشروط ، وهكذا تم الخلاف على هذا القانون ، وتم المناقشة فيه وأسباب الرفض عند البعض واسباب القبول عند الآخر ، وفي النهاية انفردت الكنيسة وحدها بهذا القانون بدون تأييد باقي الطوائف وسحب قبولهم ، وبخاصة في الخارج ولكن النقاش فقط في حدود مصر أما الخارج فلا يتفقون نهائياً لأن لهم قانون آخر .... هذه هي الحقائق التي اعلنت رسمياً من باقي طوائف مصر وعلى الأخص الكنيسة الإنجيلية والكاثوليكية في السنة الماضية والموضوع يطول شرحه والنقاش فيه بصراحة ... واشكرك حقيقي على متابعتك يا أروع أخ غالي ، النعمة معك كل حين

[طالبة المغفرة]

لماذا لم يرد علي أحد ؟؟؟

[رويس]

المشاركة الأصلية كتبت بواسطة طالبة المغفرة لقد رأيت هذا اللنك فقولوا لي هل هو صحيح أم خطأ؟؟ http://www.alwafd.org/index.php?option=com_content&view=article&id=18989

المشاركة الأصلية كتبت بواسطة طالبة المغفرة لماذا لم يرد علي أحد ؟؟؟

عادي خالص كل واحد يقول اللي يحبه
كمان الوفد جاب نص الكلام، لان نفس البابا قال لا نرضي بالمساس بالمادة الثانية من الدستور ولكن نطلب ان يتم تعديلها او اضافة مادة وهي أحتكام الاقباط حسب ديانتهم

حاجة ثانية أختنا الغالية ياريت تعملي تعديل علي الملف الشخصي بتاعك وتغيري الكلام اللي مكتوب قدام كلمة الدولة
الدولة : مع الله خالقنا الذي لم يتخذ ولدا تعالي الله عما يصفون ع�

[رويس]

ايوة كده يا رجالة، محدش يخاف ابداً تاني واللي صاحب حق شرف ليه انه يموت وهو بيناضل علشان ياخده افضل من انه يموت وهو بيرمي الحجه علي ربنا وعلي الظروف وعلي حاجات كتير، مستحيل ربنا يشوف حد عاوز ياخد حق من حقوقة وبيناضل ويتعذب علشانه ويخذله .. حاشا.
وزي ما كتبت في قسم المشرفين
الاسلام في الجامع والمسيحية في الكنيسة وشكراً
اخر الكاهن باب كنيستة واخر الشيخ باب جامعة واللي يخالف كده يتم معاقبته
كل حاجه وليها حاجتها وياريت نتبني بجد الشعار الرائع
الدين لله والوطن للجميع