سلام المسيح
انا شاب مسيحى ارثوزكسى ابلغ من العمر 24 عاما اعيش فى الولايات المتحدة الامريكية تعرفت على فتاة امريكية مسيحية كاثوليكية طيبة جدا ذو مركز مرموق خلوقة فيها صفات جميلة واخذت علاقتنا فى التطور من صداقة إلى حب صارحتنى به وبدالتها نفس المشاعر لكن حقيقى حتى الأن لا استطيع ان احكم على مشاعرى تجاهها مشكلتى اعزائى انها تكبرنى بحوالى سبع سنوات ويعلم المسيح ان علاقتى بها ليست مبنية على إنتفاع او غيره سواء من ناحيتى او من ناحيتها فكرت كثيرا فى ان انهى هذه القصة ولكنى اخاف على مشاعرها وخايف اكون مسئول عن تدمير حياتها واحلامها وكلما افكر بأن استكمل حياتى معها تقف امامى عدة تساؤلات اولا هل سيرضى اهلى بهذه الزيجة التى تعتبر مخيبة لأمالهم
ثانيا هل سأكون راضى وسعيد فى حياتى مع تقدم العمر مع هذه الفتاة
حقيقى مش عارف اعمل ايه انا وهى من الناحية الثقافية والعقلية والدينية متفاهمين جدا ولكن هواجسى تكاد تقتلنى
ان كان يجب على ان اتركها لشخص اخر يشاركها احلامها فى بناء اسرة واطفال والخ فماهى الطريقة المناسبة التى لا افقد بها احترامها لى واحترامى لنفسى فى تركها
ياريت تفيدونى بأرائكم ويعلم المسيح كل كلمة بأقولها حقيقية ومحتاج مساعدتكم فعلا

المصدر: †† ارثوذكس †† - من قسم: حوار من الاعماق

[ماروجيرافك]

سلا ونعمه ربنا يسوع المسيح
اولا انت بتقول انك لاتقدر ان تحكم علي مشاعرك تجاهها
وده طبعا ممكن يكون في ظلم ليها لو تمت الزيجه ده لو افترضناه ان كل الاموره طبيعيه

ثانيه انت بتقول انها اكبر منك في السن واسمحلي ولي انت ولي هي هتحسه بفرق ده دلوقتي لكن مع مرور الايام والسنين هتحس به


اعتقد يا اخي الغالي انه بعد كل هذه النقاط انه من الصعب اتمام هذه الزيجه

[bolalover]

هي جنسيتها امريكة
اولا نقطة للتوضيح
انت مش هتقدر تكمل معاها بطبيعة اهلك و فرق السن من حيث لما تكبروا بعد كده قدام يعني

و غير كل ده هي انسانة متفتحة و مثقفة كما انت قولت يبقا لو اتكلمت معاها باسلوب كويس و فهمتها الموضوع بشويش و قولتلها علي الصراحة
انك متقدرش تكمل معاها لان علاقتكم من الصعب انها تنتهي بالجواز لاسباب كذا و كذا و كذا و بكل صراحة هي هتتقبل ده و هتحترمك لانك صرحتها من البداية و ملعبتش بمشاعرها
الحق نفسك لان كل يوم بيعدي هي بتتعلق بيك اكتر

[Biko]

بص انا رايى ان فرق السن ده مش عقبة فى حد ذاته
لانى اعرف ناس كدة وناجحين جدا
لكن تتوقف على تقبلك انت للامر
ويتوقف على مدى توافق التفكير والعقلييات
ولازم تحت فى اعتبارك الاختلاف الكبيير بين البيئتين
كل ده انت وحدك بس تقدر تقرره وتحكم عليه
بس قبل ما تاخد اى خطوة لازم تكون مش ذو رايين تبقى ثابت على راى
لانى حاسس من كلامك انك مش بتحبها اوى انما خايف عليها من الصدمة
الجواز مفيهوش تعاطف لانك ان ظلمتها وسيبتها دلوقت احسن ما تظلمها الف مرة بانك تتجوزها عن غير اقتناع
ولازم تتاكد انك بتحبها بجد مش مجرد احساس بالفراغ لانك فى غربة
ربنا معاك يرشدك للخير

[بنت الراعي]

بصراحه كده ومن وجهة نظري الشخصيه
ان الزيجه دي صعب اتمامها جدااااا
مش بس بسبب فارق السن اللي بينكم لكن كمان لانها امريكيه
وده معناه انكم من خلفيه مختلفه في العادات والتقاليد والثقافه
يعني ممكن يكون في حاجات هي مش حاسه انها غلط لكن انت شايفها مصيبه
ابسط حاجه اسلوب السلام مثلا علي اصحابها الاولاد اكيد بيفرق من عندنا دي ابسط حاجه وممكن تعمل مشاكل كتير بينكم
طريقه التربيه حضرتك تربيت بااسلوب وهي بااسلوب مختلف
طب ازاي هاتربوا اولادكم بعدين ؟؟
انت مصري يعني شرقي
هي امريكيه يعني غربيه

حضرتك قولت صارحتني بحبها ياتري كان ايه احساسك ساعتها لان ده ممكن يكون سبب خلاف بينكم
ثقتك فيها كونها امريكيه وحضرتك مصري شكلها ازاي
للاسف في اختلافات كتير جدا بينكم جايز ماتكونوش شايفنها دلوقتي لكن هاتشوفوها وهاتتعبوا منها لو كملتوا مع بعض
اهلك ياتري ايه رد فعلهم وازاي هاينظروا ليها وازاي هايتعاملوا معاها وازاي هايعملوها
كل دي حاجات لازم تفكر فيها لان الزواج ده حد هاتشاركوا كل حاجه وهايدوم معاك طول العمر مش حاجه مش عاجبتك هاترجعها واحنا مش عندنا انفصال ففكر كويس وربنا يساعدك صلي واستشير اب اعترافك وربنا يدبر لك امورك


اما بالنسبه للطريقه اللي ممكن تسيبها بيها من غير ماتخسرها
فهي الصدق والصراحه لان الصدق اقصر الطرق للاقناع وهو هايخليها تثق فيك
وتكبر في نظرها وارجوك ده يكون في اقصر وقت لان كل اما المده قصرت سهل عليك وعليها البعد
وربنا يساعدك ويدبر لك امورك ويقدملك الصالح

[anosh]

مع احترامى ليك مجرد انك خايف من اتمام الزواج ده فى حد ذاته مؤشر الى انك غير راضى 100% عن علاقتك انها تكمل بسر الزيجه المقدس
فرق السن كبير بجد مش قليل كمان انت 24 سنه يعنى هى كده 31 بمعنى انك لما تتجوز و يكون عندك اسرة و اولاد يكون عندك انت مثلا 30 يعنى فى عز شبابك و هى 37 ...... مش خايف انك تحس فى يوم من الايام انك لسه شباب و هى خلاص داخله على 40 طبعا مع مراعاة انك مصرى و هى غير مصريه يعنى انت عارف مثلا حياتها السابقه و علاقاتها بالناس و بالاخرين من قبل علاقتك بيها ..... على العموم فيه 3 تواريخ فى حياتنا نصيب مش بارادتنا تاريخ ميلادك و يوم وفاتك و الجواز كل واحد بياخد نصيبه ...... بس انت صلى و اطلب من ربنا ان الموضوع ده لو فيه خير ليك يسهله قدامك لكن لو فيه شر ليك يبعدها عنك و ينسيك الموضوع و يعطله ..... ربنا معااااااااااااك بجد و صلى كتير و ربنا يعمل اللى فيه خير ......... ربنا معاااااااااااااااااك