[emmmy]

المشاركة الأصلية كتبت بواسطة my_life بصى يا ايمى انا اعرف ناس كتير انجيليه وبسبب حب اتغيرت وحبة المسيحيه الارثوذكسيه بعد ماكانت يعلم ربنا مش بتطيق حتى تسمع كلمة اقباط ارثوذكس ومكانوش بيحبوا كنيسة العدراء وبيكرهو اى حد يدخلها من اصحابنا وبيتجنبوهم وانا رديت على الموضوع وقولت الكلام دة علشان حببتى بيحصل وحقيقي فعلا وانتى فهمتى كلامى غلط الانسان علشان يتغير يأما هو حاسس انه غلط وعايز يتغير وربنا يمد ايديه ويقويه ويساعده على التغيير الكويس الصالح يأما لازم حد يدخل فى حياته ويغيرها وينور كل حاجه ضلمه فيها فهمتى ردى اللى قولته فوق ايه ميرسي على التعليق ربنا يباركك وتعيشي وتعلقى ياسكر

عزيزتى مورا
اد اية انا سعيدة بالمناقشة معاكى
بس انتى مفهتيش قصدى ممكن اقولك حاجة-- الحب اللى يغير واحدة بروتستانتنية لارثوذكسية يكون من غير مقابل يا مورا مش انا اتغير علشان هدف معين حب شاب وارتباط بية -- انا هتغير علشان انا فعلا حبيت الارثوذكسية ومقتنعة بيها وبدور على الحقيقة وبدور على خلاصى مش بدور على حياة مع شاب بحبة ولو البنت دى اللى بيحبها صاحب المشكلة هتبقى ارذوكسية على اقتناع وبرغبة من جواها وهتتعمد وتبقى زينا فى كل حاجة ولهدف انها عايزة تبقى كدة يبقى خلاص كدة يبقى مفيش مشكلة انما لو هتبقى ارذوكسية بس علشان تتجوز الشاب اللى بتحبة يبقى لا سامحينى دى تبقى بتيبع دينها وعقيدتها وايمانها علشان هدف ارضى مش سماوى
اوك يا قمر يارب اكون قدرت اوصل لك قصدى
ربنا يباركك

[emmmy]

المشاركة الأصلية كتبت بواسطة my_life بعد اذنك انا ليا تعليق صغنون على كلامك بصى ياايمى حب ربنا طبعا جوة قلبنا وربنا وجد الحب علشان نحب ناس نتمنى نعيش معاها ونحبها اكتر من نفسنا ونخاف عليها ولو بأيدينا ندى من عمرنا ليهم مش هنتأخر حبيبتى الحب مفيهوش امتى وازاى وليه والحب من اول نظرة دة موجود لان ممكن شخص يكون قاعد لا بى ولا عليه يشوف شخص ومن اول مايشوفه يحبه ويبقى كل دنيته والحب مش افلام عربى قديمه ولا كلام مراهقين زى مابتقولى لان الحب من اول نظرة دة احساس الانسان بيحسه وطبعا محدش عارف ايه هو احساس اللى بيحب من اول نظرة والانسان ممكن يشوف موصفات فتاة احلامه او فتى احلامها لما تحس ان هو دة او هو دى انتى ممكن تكونى مش بتقتنعى بالحب الاول علشان ممكن تكونى محبتيش او حبيتى ومنفعش انك تكملى ف علشان كدة بتقولى مش بتقتنعى لكن اغلبية الناس مقتنعه لانه بيحصل معاهم والحب عمره مكان موضه واستايل لان الحب من زمان موجود واجمل حاجه فى الدنيا كلها ربنا يفرح قلبك ياقمر

انتى رومانسية اوى يا مورا-- يا حبيبتى الحب مش كدة
الحب اعمق واسمى وارقى من كدة بكتير انا عارفة ان الحب موجود وانة اسمى شئ فى الوجود ثم مين مين قالك ان انا مجربتوش بتحكمى على بناءا على اية ؟
تم انا مقلتش انة موضة واستايل انتى بتهونى من الكلام لية ؟ كل الحكاية انى انا منطقية بحب الواقيعية بحب المس كل حاجة بايدى مبحبش الخيال والوهم
اعتقد انك صغيرة شوية يا مورا لو كان يبقى اللى انتى بتقولية دة طبيعى وعادى بالنسبة لسنك لان المشاعر بتكون شفافة جدا فى المراحل الاولى لمفهوم الحب يا عزيزتى
عموما مرسى يا قمر على نقاشك
ربنا معاكى

[emmmy]

المشاركة الأصلية كتبت بواسطة بنت الراهب الصامت موضوعك بجد جميل اوى بس بص بجد انا اتقدملى واحد انجيلى وجه البيت وقعدنا كلنا معاه ولما جت سيرة العدراء والقديسين راح قالى احنا زيهم ليه نتشفع بيهم قولتله انت عندك ايمان زيهم دول سفكوا دمهم من اجل المسيح هل انت زيهم المهم دخلنا فى مناقشه طويله وبابا وكل القاعدين استغربوا علينا وبابا قالى خلاص وفى الاخر قولتله انت متنفعش معايا قدامهم للاسباب كتير اولا مش بيعترف بالعدراء ولا القديسين وبكده مقدرش اعلق صور القديسين ولا الشهدا ولا حتى ماما العدرا ثانيا ممنوع اروح كنائس ارثوذكسيه ثالثا قالى انه هيككل ارثوذكسى وده طبعا كان كدب لانى سالت عليه وقالى انه مرذيش يتعمد ارثوذكسى رابعا مفيش حاجه اسمها حب الا حب الزوجين ابقى حب اللى هتكون مراتك حتى خطبتك مش تحبها للدرجه الصعبه دى لان ممكن الخطوبه مش تكمل وبالتالى انت هتتعب اوىبعد انفصالك عنها وده كان راى اب اعترافى لما ربنا يريد انى مش احب خطيبى اوى علشان لو انفصلت مبقاش متعلقه بيه وانجرح خامسا لو هو كان عارف انها بريستانتيه وعارف كمان ان البراستنت ليهم فكر خاص ازاى سمح لنفسه انه يحبها من الاول الحب غلط ميرسى لموضوعك ربنا يباركك

انا موافقة معاكى يا نانا على كل كلامك
برافوا عليكى الرب يباركك

[my_life]

حببتى لتانى مرة برضه مفهمتيش كلامى
يأما لازم حد يدخل فى حياته ويغيرها
وينور كل حاجه ضلمه فيها فهمتى ردى اللى قولته فوق ايه
مش شرط يكون حبيب
الاصحاب بيغيروا بعض للاحسن لانهم اصحاب بجد
لما واحدة زى كدة تسألك كل ما تخرجى الصبح تقولك رايحه فين
تقوليلها القداس بليل تخرجى تقولك رايحه فين تقولك رايحه القداس
كدة هتحس بالتشويق وانها عايزة تروح وتيجى معايا المكان اللى بحبه وبرتاح لما بدخله
بيبقى نفسها تحس بربنا وتقوله يارب نور طريقى وارشدى لطريقك النور والصلاح
وبكدة اكيد هتحب شخص من الكنيسه اللى نورت طريقها ولقت راحتها فيها
فهمتى قصدى
موضوع مجدى زى كدة
البنت لو مش عايزاة مكنتش حبيته
هو يعرض عليها الموضوع
ويقولها انا هكلل ارثوذكسي تقبلى ولا لاء
هى عارفه انه ارثوذكسي ولو مش حابه الارثوذكسيه مكنتش هتحبه
ولو هى رفضت خلاص ربنا ينور طريقه ويبعتله اللى تستاهله وتقدر دينه
ميرسي ليكى ياقمر انا اسعد بجد
ربنا يباركك

[my_life]

ميرسي ليكى
فعلا انا رومانسيه جدااااااااااااااااااااااا ااااا
بصى حبيبة قلبى
انا محكمتش انتى اللى مش بتركزى فى كلامى ودايما بتفهمى غلط حتى بصى فى الاقتباس
ممكن تكونى مش بتقتنعى بالحب الاول علشان ممكن تكونى محبتيش او حبيتى ومنفعش انك تكملى ف علشان كدة بتقولى مش بتقتنعى لكن
انا محكمتش عليكى وقولت انك محبتيش
حضرتك اللى مش بتاخدى لبالك
او يعنى بتقرأى الرد سريع وبتردى على اللى قرتيه
تم انا مقلتش انة موضة واستايل انتى بتهونى من الكلام لية ؟
حببتى انا مش بهون الكلام برضه فهمانى غلط
انا بس عاوزة اوصلك ان الحب زى مهو من اول نظرة او الحب اللى مش من اول نظرة
مش بيتغير مهما كان الانسان مقتنع بي او لا
ميرسي ليكى ربنا معاكى

[my_life]

كل الحكاية انى انا منطقية بحب الواقيعية بحب المس كل حاجة بايدى مبحبش الخيال والوهم
اعتقد انك صغيرة شوية يا مورا لو كان يبقى اللى انتى بتقولية دة طبيعى وعادى بالنسبة لسنك لان المشاعر بتكون شفافة جدا فى المراحل الاولى لمفهوم الحب يا عزيزتى
حببتى
اسمحى اقولك
انك متعرفنيش كويس علشان تحكمى ان صغيرة اولا لا
الناس مش بكبر سنها
الناس بعقلها وتفكيرها
وانا نشكر ربنا
مدينى نعمه التفكير وعقل كبير يوزن بلاد مش بلد
دة مش غرور دة كله شايف كدة وانا كمان شايفه كدة
والمثل بيقول : تعرف فلان قالوا اعرفه قالوا عشرته قالوا لا قالوا يبقى متعرفوش
والحب ياجميله مشاعره حلوة اوى
بس اللى المفروض يحصل مع كل اللى بيحب واللى هيحب
ان ربنا مدينا عقل وقلب لازم نستخدم الاتنين
لان الحب مش كلام جميل ومشاعر واحساس وخلاص
الحب مسئوليه من الطرفين وافعال حقيقيه
مفيش حب يبقى كلام مذوق وخلاص
ميرسي ليكى

[my_life]

بصى يا ايمى
مفيش انسان مش واقعى
كلنا زى ما بنبقى واقعيين فى خيال زى الاحلام اننا نفسنا نبقى حاجه
نعمل حاجه عايزين يبقى لينا هدف لازم ياقمر يبقى فى خيال علشان نقدر نحقق الواقع
ميرسي ليكى
انا هقوم اكمل الماتش الشوط التانى جه
ههههههههههههههههههههههههه
ربنا معك باااى

[emmmy]

لا بس انتى مقلتيش كدة من الاول ان الانسان ممكن يتغير بسبب حب صديق اوصاحب
الكلام دة انا موافقة علية ممكن طبعا بس احنا بتكلم فى نقطة محددة
فى مشكلة معينة انتى كدة خرجتى عن الموضوع خالص وممكن كدة اصحاب الموضوع
يزهوا من الرغى دى خلاص يا مورا
ربنا معاكى

[magdy totti]

المشاركة الأصلية كتبت بواسطة emmmy لا بس انتى مقلتيش كدة من الاول ان الانسان ممكن يتغير بسبب حب صديق اوصاحب الكلام دة انا موافقة علية ممكن طبعا بس احنا بتكلم فى نقطة محددة فى مشكلة معينة انتى كدة خرجتى عن الموضوع خالص وممكن كدة اصحاب الموضوع يزهوا من الرغى دى خلاص يا مورا ربنا معاكى

لا يااا ايمى الموضوع مش بيتااعى انا
ده ليكم كلكم وبجد اناا مستمتع با المناااقشة الجميلة
دى ميرسى ياا ايمى بجد على المناااقشة واهتمامك با الموضوع
وشكرااا لمورااا لمناااقشتهاا وطرح وجهاات نظر
ااخرى وكمااان نانا
بجد انااا بشكركم كتير لمحبيتكم الكبيرة
وفى انتظاار با قى ارلااء والمناااقشاات
صلواا من اجل ضعفى

[emmmy]

المشاركة الأصلية كتبت بواسطة totit لا يااا ايمى الموضوع مش بيتااعى انا ده ليكم كلكم وبجد اناا مستمتع با المناااقشة الجميلة دى ميرسى ياا ايمى بجد على المناااقشة واهتمامك با الموضوع وشكرااا لمورااا لمناااقشتهاا وطرح وجهاات نظر ااخرى وكمااان نانا بجد انااا بشكركم كتير لمحبيتكم الكبيرة وفى انتظاار با قى ارلااء والمناااقشاات صلواا من اجل ضعفى

مرسى يا مجدى على محبتك وذوقك دة
انا كمان بحب موضوعاتك وبحييك على جرائتك
ربنا يبارك حياتك