[bent syadna]

قبل ما تقولك طيب وحنين ووسيم وكل الصفات دي

هتقولك " عايزاه راجل بجد " ....


قعدت أفكر كتييييييير يعني ايه واحد "راجل بجد "؟؟!!!

ووصلت لشوية اجابات ..


• الراجل اللي بجد ... عمره ما يضحك علي بنت أو يستغلها ويوهمها انه بيحبها لمجرد أنه بييسلي وقته ..

• الراجل اللي بجد .. تقدري تعتمدي عليه وتغمضي عنيكي وتمشي وراه ومتبقيش خايفه لأنك عارفه وواثقه انه عمره ما هيتخلي عنك

الراجل اللي بجد .. عمره ما يكون بيحب بنت ويروح يجري ورا بنت تانيه !!

• الراجل اللي بجد .. عمره ما يطلع سر بينه وبين واحد صاحبه

• الراجل اللي بجد .. عمره ما يتخلي عن مسؤليه أو يتهرب منها

• الراجل اللي بجد .. عمره ما يصاحب بنت ويروح يتكلم عليها مع أصحابه

• الراجل اللي بجد .. هو اللي أول ما الدنيا تقفل في وشك تلاقيه جنبك ضهرك وسندك

• الراجل اللي بجد .. مبيبقاش فرحان بيكي وهو ماشي جنبك والبشر كلها بتتفرج عليكي

• الراجل اللي بجد .. هو اللي عمره ما يمد ايده علي واحده لأنه مش محتاج يعمل كده عشان يثبت رجولته

• الراجل اللي بجد ...هو اللي يقول الحق ولو علي رقبته

• الراجل اللي بجد .. عمره ما يبقي ماشي فرحان بعضلاته ويتمنظر بيها قدام البنات (لأن الرجوله جواه شئ أكبر من مجرد جيم وعضلات )

• الراجل اللي بجد .. عمره ما يفرض نفسه علي واحده رافضاه

• الراجل اللي بجد .. هو اللي هتحسي معاه انك انثي .. عمرك ما هتقدري تعلي صوتك قدامه .. في شئ جواه هيجبرك انك تلتزمي الصمت

• الراجل اللي بجد .. هو اللي يقدر يستوعبك وقت ضعفك ..

• الراجل اللي بجد .. عمره ما يستغل حب واحده ليه عشان يضغط عليها

• الراجل اللي بجد ...ممكن ميجيبلكيش كل حاجه بس وجوده جنبك هيخليكي حاسه انك ملكتي كل حاااااااااااااااجه

• الراجل اللي بجد ... عمره ما يكون محبط ولا يائس ولا شايف الدنيا سوده

• الراجل اللي بجد مش شنب ولا عضلات ولا طول وعرض !!!!

• الراجل اللي بجد مواقف وأفعال ... حاجات كده أكبر من أنها تتوصف بكلااااااااام

• الراجل اللي بجد ... مبيمشيش ياكل لبان بطريقه مستفزه في الشارع

المصدر: †† ارثوذكس †† - من قسم: الموضوعات الشبابية

[la tristeza y el dolor]

صحيح كلامك كله صح , و مستنين موضوع للرجاله يكون اسمه البنت اللى بجد
ثانكس ليكى .

[bent syadna]

ههههههههههههههه ميرسي ليك ومرورك علي الموضوع وحاضر هشوفلك موضوع للرجالة ويكون البت الي بجد عشان خاطرك

[marina m]

فعلا هو دة الراجل اللى بجد ميرسى يابنت سيدنا على الموضو الرائع

[bent syadna]

ميرسي مارينا لمرورك الغالي علي الموضوع

[MRAMER]

الراجل اللي بجد هو اللي يحب بجد ويحارب الدنيا كلها عشان يقوز بيها

الراجل اللي بجد هو اللي يعرف معني الامانه والحنيه والعطف

الراجل اللي بجد هو اللي ميستسلمش للظروف تلعب بيه وتوديه شمال ويمين

الراجل اللي بجد هو اللي يعترف بغلطه يوم ما يغلط وميخدش الكرامه قناع يغطي بيه اخطائه

بجد موضوعك ف منتهي الروعه والجمال يا بنت سيدنا ومن جماله خلاني اضيف عليه دول
تسلم ايدك وربنا يعوض تعب محبتك يا قمر

[bent syadna]

Mramer ميرسي يا قمر انك عديتي علي الموضوع وكلامك الي ضفتية زود الموضوع جمال واتمني ان اي موضوع اضيفة يعجبك وميرسي لمرورك علي الموضوع

[Dr.PeRO]

الراجل اللى بجد ,,,, لسه متولدش هههههههههه
بهزر طبعاً ... وموضوع جميل .. بس عشان اى بنت تطلب المواصفات المثالية ديه ,, لازم تبقى هى على نفس المستوى ..

[emmmy]

• الراجل اللي بجد ... عمره ما يكون محبط ولا يائس ولا شايف الدنيا سوده




شكرا يا بنت سيدنا على الموضوع الذيذ دة

[bent syadna]

Dr.PeRO

emmmy
ميرسي لمروركو علي الموضوع