[MICKEY]

انا فاكر اللي حصل في كريبسماس 2006 بالتفصيل و 2007 و 2008 و 2009

في 2006 كانت مغامرة حلوة اوي
كنت داخل الجيش في الوقت ده وكنت مش مبسوط وحاسس بحياة تانيه
وكنت بستني بفارغ الصبر ان الايام تجري واخلص جيشي

جه في 2007 كنت فرحان عشان خلاص تلات شهور واخرج من الجيش

في 2008 كنت اتقبلت في الشغل وبداة حياة جديده في الشغل بعد حياتي في الجيش وقبليها حياتي اللي كانت في الكلية

وفي 2009 دخلت في سكة اختيار شريك الحياة والكلام ده

يعني في كل سنة بيكون ليا هدف احاول احققه او هدف اتمني انه يعدي ويخلص
والأيام بتجري والايام الحلوة بتروح والايام الوحشة بردو بتروح

قل لمن يحمل هماً .. إن همك لن يدوم .. مثلما تُفنى السعادة .. هكذا تُفنى الهموم

كل سنة كانت بتيجي علينا بنحاول نشوف نفسنا في ايه نعمله
نشتغل ولا نحب ولا نتجوز
ومفيش سنة يبقي هدفنا اننا نقرب فيها من ربنا بقلوبنا
مش بنعرفه غير في الأزمات

الكلام مش للكل لأن فيه ناس كتيرة مختارة الطريق الصح

لكن انا من الناس اللي مختارة الطريق الغلط وبتمني في كل سنة المصلحة الشخصية

تعالوا نجرب 2010 مع ربنا هيبقي شكلها عامل ازاي

من اول يوم نحضر قداس ونتناول

من اول يوم نبدا صفحة جديده مع بابا وماما

مع اصحابنا

والأهم من ده كله نبدا صفحه جديده مع نفسيناااااااااااااااا

المصدر: †† ارثوذكس †† - من قسم: صندوق مناقشات الاعضاء

[اسامة ابن المسيح]

موضوعك جميل وفعلا احنا دايما نهتم بما هو مادي ولا نهتم بما هو روحي عموما دي دعوة حلوة منك اني نقرب من ربنا اكتر في سنة 2010 واكيد اكيد هاتكون سنة احسن وافضل .ربنا يعوضك ويكون معاك ويحقق كل ما تتمناة

[اسامه سمسم]

كلامك كله مظبوط يا ميكى
بجد معاك حق فى كل كلمه
لازم نكون قريبن من ربنا اوى
وكل سنه وانت طيب يا ابو المكاميك
ويارب 2010 تكون كلها بركه عليك وعلينا

[la tristeza y el dolor]

هههههههههههههههههه
يا ميكى موضوع حلو اوى طبعا بس منين نقرب من ربنا و الهدايا بتاعه السنه الجديده ورق بافرا هههههههههههههههههه


ميكى عندك حق فعلا او تقدر تقول ان احنا فى بدايه السنه بنكون متحمسين اوى للحياه مع ربنا بس بننسى و نتشغل و نأجل , لازم نصلى فى بدايه السنه و نقول للرب يارب قودنا انت و قوينا لان قوتنا احنا بس ضعيفه اوى و ادام اول اختبار او مصلحه شخصيه هننساك يارب يسوع , و ربنا يقربنا منه بمحبته يارب.

[kamer14]

طب بزمتك دة توقيع تحطه حاططلنا بابا نويل من شيكاغو جتكو البلاوى

[MICKEY]

هههههههههههههه انا كتبت رد علي الموضوع هنا عشان اطلع الموضوع لفووووق ويجي عليه ردود من تاااني

نياهاهاهاههاها

مجد باطل بقي

[elphilasouf]

هههههههههههههه
يابنى موضوع زي ده المفروض ميترفعش
المفروض يغوص فى اعماق قلوبنا

[حياتى معاك]

اى معك حق يالغالى
هيدا كلام منيح
بس مو معقول كل هالشباب ينفذ هيك
هيدا صعب شوى؟
الله يباركك