اسف !!!
كُتب : [ 12-21-2008
- 09:43 PM
]
ده مش موضوع
ده مجرد اعتزار بالخط الكبير
اعتزار بالبونت العريض
اعتزار قدام الناس كلها
اعتزار عن اخطائي في هذا العام لأي عضو من اعضاء جسدنا ارثوزكس
في الشغل سالت حد زعلان مني
كان في واحد وصالحته
في الكنيسة سألت حد زعلان مني
كان في بصراحه وصالحتهم
في البيت سالتهم والحمد لله كلهم كانوا زعلانين مني
هههههههه
وصالحتهم
مش باقي غيركم ياحلوين
اتمني اعرف اللي زعلان مني مش يتكسف ويدخل يقول واعتزره قدام الناس كلها
انا مش ملاك واكيد بقول حاجات كتيرة بتزعل
في ناس ممكن تزعل مني من مجرد مشاركه او كلمة علي الميل او او او .....
فبتأسف بجد ليكم كلكم
واحب اقول لكل من اخطأت في حقة انا اسف
انا عاوز ابدا سنة جديده وانا مش زعلان من حد ولا حد زعلان مني
بولا عاطف
انا اسف علي كلامي البايخ اللي قولته في حقك في مشاركات برنامجك الفاشل
وعرفت اني كان المفروض اقول راي في البرنامج وليس فيك
لانك من المقربين الي قلبي وانت تعلم هذا
اسامه عوض
اسف علي كلامي الشديد معاك علي الميل في الفترة الاخيرة
وقد تم فعل الازم وسامحني احنا مش ملايكه علي الارض والواحد بيتعلم من اخطائه
ميلاد ماهر
اسف علي الفترة اللي زعلتك فيها
وجيت عليك بشكل غبي بس انت قلبك كبير وهتسامحني
اسف للي قولتلها في مرة اتسلي في حاجه من مواضيعي لحد مارجعلك
اسف بجد
بس بأمانه مش كان قصدي المعني البايخ اللي اتفهم
ياجماعه اللي زعلان مني بجد يدخل ويقول
ومش لازم يكون زعلان مني انا بس
في الموضوع ده كمان اي حد زعلان من اي حد يدخل ويقول
يعني مثلا مينا بوبوس يقول لينا انا زعلان منكم عشان هزاركم التقيل في احدي المشاركات حول كلمة بركة
عشان نقوله اسف
اسفين يامينا يابوبوس
لازم بجد نبدأ السنة الجديده ونتصافي فيها كلنا
وبقولها بالبنط العريض
ليس نأسف علي الازعاج يا أرثوزكس
ولكن أسف يا أرثوزكس
واهدي هذه الورده الي كل من أخطأت اليه
التعديل الأخير تم بواسطة ملكه الاحزان ; 12-24-2008 الساعة 07:30 PM
|