[بنت الراعي]

يا جماعه احنا في البيت (اسرتي) كنا بنتكلم عن الايمان وكده و
جات في بالي شوية اسئله حبيت اشارككم معايا فيها
مثلا ايمان قائد المائه اللي قال لربنا قول كلمه فيبرا الغلام مجرد احنا فين شايفين الايمان واحنا كتير جدا ربنا ادانا وعود وبرده مش مصداقينها
كتير جدا قالنا لاتخف تقريبا بمعدل كل يوم ومع ذلك بنخاف ونضرب ونجزع
من اقل حاجه ضغيره

احنا فين من ايمان المراه الكنعانيه اللي ربنا قالها ليس جيدا ان يعطي
خبز البنين للكلاب ردت بكل ثقه وايمان ياسيد الكلاب تاكل من الفتات
الساقط عن مائده اسيادها
واحنا لو اتاخر عننا شويه نفضل نقوله سيبتنا نتبهدل وتاركنا وكده

احنا فين من ايمان نازفة الدم اللي قالن بس المس هيدب ثوبه
واكيد هااخف وفعلا شفيت بمجرد لمسها لثوب المسيح
واحنا بناخد ونتناول جسد الرب ودمه ومع ذلك مفيش ثقه وايمان ضعيف

احنا فين من ايمان الاربعه اصدقاء المخلع اللي نزلوه من سقف البيت لانهم
واثقين ان ربنا يقدر يشفيه
واحنا عطانا سر مسحة المرضي اللي غالبا مش بنستخدمه غير اما نياس خالص من الدكاتره ومانلاقيش قدامنا حل

انا اسفه لو كنت ضايقتكم بالموضوع ده بس انا نفسي نفتش عن سبب
الفتور وضعف الايمان اللي جوانا علشان احنا عندنا جواهر وحاجات ثمينه كتير
مش عارفين قيمتها نفسي كلنا يبقي عندنا ايمان قوي زي الناس دي الايمان اللي قال عليه رب المجد انه بيقدر ينقل الجبال
سامحوني طولت عليكم
الرب قادر انا يضئ قلوبنا وعقولنا بايمانه وثقته ومحبته
قادر ان يعيطينا ايمان عامل وفعال اللي بيه نقدر نكمل ونعيش ونوصل للسماء
ميرسي ليكم يا اخوتي الاحباء وسامحوني ازعجتكم

المصدر: †† ارثوذكس †† - من قسم: مناقشات دينية وروحية

[نبيل نصيف جرجس]

موضوع رائع ربى يسوع يبارك حياتك

[كيرو رافت]

ايمى بجد انا موش عارف اقول ايه على الكلام ده بجد كتير قوى بسأل نفسى الاسئله دى كلها وبستغرب جدااااااا على ايمان الناس دى بربنا ايمان مطلق مع انهم كانوا تحت حصار الكهنه اليهود وبطش الرومان ومع ذلك كانوا بيؤمنوا وبيعلنوا ايمانهم قدام الجميع
احنا فين فعلا من ايمان الناس دى وعظمه ايمانهم
بجد يا ايمى ما اروعك وانتى تجعليننى اجلس فى جلسه مصالحه ومصارحه مع نفسى حتى اكتشف كم انا ضعيف وفارغ من داخلى امام عظمة ايمان من سبقونا

[بنت الراعي]

ميرسي اخويا نبيل
ربنا يعوضك ويباركك

[بنت الراعي]

كيرو حقيقي انا اللي مش عارفه اقولك ايه
دايما مرورك بيسعدني كتير
اما بالنسبه للاسئله دي فاانا دايما بسال نفسي كده
وبحتار زيك كده برده
وياريتني انا اعرف اقعد في جلسة مصالحه ومصارحه كده زيك
قادر ربنا ان يهبنا ايمان قوي وفعال زي ايمان الناس دول
ميرسي كتير يا كيرو
ربنا يعوضك ويباركك