[lovejesus2011]

كل واحد منا عندة شفيع بيتشفع بية قدام رب المجد اثناء الضيقات و المشاكل و خصوصا ايام الامتحانات
منا اللى شفيعة البابا كيرلس او امنا العدرا او ابونا عبد المسيح او مار جرجس او او ............
و كل واحد اكيد لية حكاية او معجزة مع شفيعة بعد ان يطلب معونتة فى الموضوع دة مثلا
اية رايكم انهرضة كل واحد يحكى تجربتة يمكن تبقى سبب بركة للاخرين او حد عندة نفس الموضوع اللى مريت بية و ربنا يرشدة من خلال تجربتك

يا رب الموضوع يكون عجبكوا و مستنية ردودكم

المصدر: †† ارثوذكس †† - من قسم: معجزات القديسين والقديسات

[بنت الراهب الصامت]

موضوعك بجد جميل اوى
ربنا يباركك
وانا هقولك اول وحدة لانى معجبة بموضوعك اوى

انا بحب ابونا يسطس اوى اوى اوى وبجد بحب اتشفع بيه واكتر حاجه بحب اندله بيها لما النور بيقطع فى البيت وبالذات بليل انا من الناس اللى بتخاف من الضلمه بليل ومش بحب اقعد لوحدى
لما النور بيقطع اقول دايما
يا ام النور هاتى النور
يا ابونا يسطس هات النور
وبجد النور بيجى بعدها على طول
ولو فى يوم قولتله هات النور ومجاش بزعل منه اوى واعاتبه
وبعدها بيصالحنى ويجيبلى النور
دى من ضمن الحاجات يعنى
انا عارفه ان دى ممكن تكون مشكله صغيرة عند ناس كتير لما تقراها لكن بجد دى بالنسبالى كبيرة
وميرسى لموضوعك الجميل دة

[lovejesus2011]

ميرسى ليكى بجد اوى ربنا يباركك و يركة صلوات امنا العدرا وابونا يسطس تكون معنا امين

[MRAMER]

موضوع جميل أوي أوي

أنا بحب قديسين كتييييييير أوي
منهم الأنبا ونس شفيع المفقودات
في مرة وقع الخاتم الدهب بتاعي وقعدت أدور عليه وقلبت البيت عليه وملقتهوش
والمشكلة أني كنت لسة راجعة من برة فقولت أنه وقع بره في الشارع وقلت خلاص ضاع ومش هلاقيه قعدت أنادي عليه أنا وكل اللي في البيت ولقيت حاجة بتقولي بصي تاني تحت الدولاب رحت لاقيته هناك مع أني دورت هناك قبل كدة بس لاقيته المرة دي بجد الأنبا ونس سريع الندهة
بركة صلواته معانا كلنا أمين
وكل ما هفتكر حاجة هبقي أكتبها

[ريم الخوري]

موضوع كتير حلووووووووووووو
وانا بحب كتير امنا العذراء بطلب شفاعتها في كل شغلة بعملها وشخصياً اختبرات حبها وحنانها كتير في حياتي كانت معي في كل لحظة وساعدتني باختياراتي وكمان روحيا كتير عطتني وصلتني لطريق كتير حلوة مع الرب
مرسي ليكي يا قمر وانشاللة از الله بيريد برجع وبحكي عن نعم والده الله بيحاتي وحيات كتيرين حولي............
العذراء تحفظك

[بنت الانبا بولا]

انا شفيعتى القديسة بربارة دى اعز قديسة على قلبى انا فى الاول كنت بحبها اوى اوى وكنت بحاول اعرف عنها اكتر واعرف الناس عليها لانها قديسة مش مشهورة اوى بس مفكرتش فى مرة انى اخدها ليا شفيعة
فى مرة كنت بعانى من الم فظيع فى زورى لدرجة انى معرفتش انام ابدا من حدة الالم لكن من كتر التعب نمت شوية صغيرين وحلمت انى واقفة قدام صورة الشهيدة بربارة وببكى بالدموع علشان تشفينى من الوجع اللى فى زورى فاول ما صحيت حسيت ان القديسة بربارة حبيبتى عايزة تنبهنى وتقولى انتى مش بتتشفعى بيا و ساعتها كان معايا صورة ليها كانت جديدة وكنت بحب الصورة دى اوى فبعد ماصحيت من النوم مسكتها وقعدت اكلم القديسة بربارة وقولتلها انتى شايفة انا قد ايه الالم هيموتنى وقعدت اترجاها كتير اوى وبعدها حسيت بسلام عظيم جوايا وقولت اكيد القديسة بربارة هتشفينى وفعلا مفيش خمس دقايق وحسيت ان الالم راح وزورى خف خالص فرحت جدا وشكرت ربنا وشكرت القديسة بربارة على عظيم محبتها


بركة صلواتها تكون معانا.امين.

[بارى]

انا حبيبى وشفيعى البابا كيرلس كنت حامل فى ابنى فى الشهر الثالث وجيت فى يوم تعبت قوى لدرجة انى كنت هفقد المولود قعت زعلنة روحت نمت شفت الباب كيرلس وقلى انتى زعلنة لة ابنك كويس متخفيش علية وسمية كيرلس وفعلا صحيت لقيت نفسى كويسة وربنا كملى شهورى وجبت كيرلس على اسمة بركة صلواتة تكون معا شكرا على الموضوع الجميل الرب يبارك حياتك .

[dodielpop]

بجد موضوع حلو اوي انا شفيعي البابا كيرلس وفي قديسين كتير انا مرة المفتاح بتاع البيت ضاع مني هو وقع مني في الشارع كان في فرح فوقع مني فلما روحت ملقتهوش معايا واقعدت ادور عليه فقولت البابا كيرلس هو اللي هايجبهولي ففعلا في ناس من الفرح بعتهولي مع اني معرفهمش بركة شفاعته تكون معاناامييين

[دميانة لطفى]

موضوعك بجد فوق الرائع
ربنا يبارك تعب محبتك
انا شفيعتى العدرا مريم
وليها معجزات كتييييييييييييير جداااااااااااااااااا
معايا لانها بجد نبع حنان مبينتهيش
هحكيلكم عن وحده منهم
انا مش بحب الجغرافيا خاااااااااااااالص والصراحه برده مبزكرهاش خااااااااااااالص
لدرجه ان السنه اللى فاتت لغاية ليلة الامتحان مكنتش عارفه
ايه اللى فى منهجنا
بس انا معايا لفافه من هيكل العدرا
ادهالى كاهن قديس
روحت الامتحان وانا مش عارفه اى حاجه فى المنهج
بس اول ماستلمت ورقة الاجابه حطيت اللفافه تحتها
وقلت بركتك يا عدرا
ولقيت القلم بيكتب لوحده
والمفجاه كانت يوم ظهور النتيجه
قفلت فى الجغرافيا
ودى طبعا كانت اول مره تحصل
بركت ام النور تكون معانا دايما امين

[lovejesus2011]

ميرسى ليكم كلكم على الردود الحلوة دى