ناس بنصادفهم وبنثق فيهم ومن صداقتنا بندلهم بنعيش معاهم بحسن نية
وبالطيبة والاخلاص بنعاملهم,و ناس بنتغش فيهم نصدقهم والكدب فى عنيهم
وحتى النصب والغش ما باين عليهم,ياترى دة عيب مننا ولاعيب فى الدنيا اللى اتملت بيهم؟
عايشين فى نصب وتزيف ,ويقولو الغش احلى منه مافيش حتى الكدب
بيقولوا من غيره مش هنعرف نعيش ’ اهى كدة الدنيا ومن غير كدة متجيش
ــــ,,,,,,،ـــــ,,,,وطبعا داخلة غريبة مريبة,,,,ــــ,,,,,ــــ,,,,,,,
لكن للاسف فعلا فى وقتنا دة انتشر اوى الكدب والخداع وان مكنش حب يبقى فى كل
المعاملات يعنى غريبة اوى اما حد يكدب على حد فى وظيفة مثلا ويتمثل بشئ مش ليه او
مثلا يكدب فى شخصيته ويقول حاجات نهائى عمرها ما كانت ليه
طول عمرنا عارفين ان اللى يقول حاجة مش فيه دة بيكون نقص منه وفى شخصيته
والاكيد انه محرج يكون على طبيعته لانه بيحس انه اقل من اى شخص واى حد لكن ياترى
دة مبرر انه يكدب ويكون الكدب سمته ويفهم الناس كلها بشخصية وهمية عمرها ماكانت ليه
بالنسبالى شيفاه شئ غريب ونقص كبير اوى وممكن اضع العذر بالنسبة للشخص
واقول ان حلمه اخده من الواقع وخلاه يعيش وهم لحد اما صدقه
لكن رائيكم انتم دة يتسمى ايه؟ وازاى الانسان يعيش الكدب ويعيشه للى حواليه لحد
اما هو يصدقه ويخلى اللى حواليه يصدق تفتكروا يتقال عنه ايه دة؟؟؟؟