[fadyadel215]

مش هقولك تقول ايه بس انت هتفهم لوحدك

بس الاهم انك تبعت الرسالة

ومش بس كده انشر الكلام ده علشان الناس تفهم

......

فيه احتمالين نعم او لا

طيب لو قلنا نعم هيحصل ايه؟؟؟

اولا دا معناه ان التعديلات هتضاف للدستور الحالى اللى بيدى رئيس الجمهورية صلاحيات غير محدودة

ثانيا مضطرين اننا نعمل انتخابات مجلس الشعب قبل الرئاسة وده معناه ان الاخوان هما اللى هيكتسحوا لان هم الجهة الوحيدة المنظمة دا لان الحزب الوطنى خلينا واقعين محدش هينتخبهم تانى

وده لو حصل يبقى حضرتك بعد كده تحت حكم الاخوان وهتختار بين سلفى متشدد وسلفى نصف متشدد وسلفى ؟؟

ثالثا مفيش حزب ليبرالى محترم اتأسس لسه وكل الكلام ده اللى شغال عن احزاب تحت التاسيس وحتى لو الاحزاب اتعملت دلوقتى تفتكر ان حتلحق تعمل مرشحين لكل محافظات الجمهورية؟؟؟

رابعا محدش يضمن الرئيس الى جاى لو كان ملاك حتى حيرضى يعمل دستور جديد ولا لا لان التعديل الدستور ى غير ملزم ليه وتقدر تتاكد بنفسك من نص العديلات

خامسا لو امكن عمل الانتخابات الرئاسية اولا وحلف الرئيس امام المحكمة الدستورية فمحدش يقدر يمنع صلاحياته وانه هيبقى رئيس الحزب اللى هو فيه ونرجع تانى لمشوار الحزب الحاكم وبلاويه

سادسا اللجنة المنتخبة لوضع الدستور الجديد - دا لو حب الرئيس طبعا- المفروض تنتخب من اعضاء مجلس الشعب ومش كلهم قانونيين بل ومش كلهم متعلمين ومبيعرفوش غير يناموا فى الجلسات او كلهم من الاخوان ودا اسوا لان ده معناه انهم هيفصلوا الدستور لحسابهم

طيب لو قلنا لا

اولا كل اللى فات مش هيحصل

ثانيا المجلس العسكرى هيضر يحط دستور جديد من ناس موثوقة عن طريق الانتخاب وده معناه شفافية اكتر

ثالثا ممكن يحصل طبعا شوية فوضى بس ده لفترة صغيرة احسن من الكارثة لو الدستور القديم رجع تانى او اتفصل واحد جديد من الاخوان والسلفيين

رابعا فى الدستور الجديد سيمكن عمل نظام القائمة النسبية مما يسمح للاقليات زينا الدخول ويكون لهم راى مؤثر

من فضلك لا تكن سلبى وفكر هتقول ايه

انا هقول لا طبعاً

لانى اريد دستور جديد يقوم على العدل

فكرة مقاطعة الاستفتاء فكرة مرفوضة تماما لان معناها انك ستقبل ما تحكم به الاغلبية التى ذهبت لتقول رايها

كلم الناس ومتنساش ان عددنا قليل فلازم الكل يشارك بعد منع المصريين فى الخارج

المصدر: †† ارثوذكس †† - من قسم: المنتدى العام

[دودي بوب]

ميرسي علي موضوعك الجميل
وانا كمان بقول لأ

[elshbah]

لا والف لا

[MOSHAOK]

على فكرة انا عرفت ان قداسة البابا شنودة رفض التعديلات وهيقول لأ
وكمان من اللي هيقول لأ
نجيب ساويرس
ممدوح حمزة
عمرو موسى
البرادعي
عمرو واكد
احمد حلمي
عادل حمودة
بجانب 16 حزباً
وانا كمان هقول لأ

اللي هيقول نعم
الاخوان
حزب الوفد والعمل والوسط

شـــــــــــكراً

[fadyadel215]

شكرا لمروركم الكريم موعدنا يوم السبت عند صناديق الأنتخاب