[zaza2006]

مساء الخير على احلى اعضاء

هحكيلكم حكاية وعايزة اسمع رايكم لانهم لانسانة تهمنى اوى

الانسانة دى حبت واحد واكتشفت فيوم انه بيخونها بيكلم بنت تانى

ولما وجهته ما انكرش وحكالها كل حاجة بصراحة بس اكتشفت من كلامه انه عندى عقدة نفيسة

من حاجة معينة علشان كده بيعمل كده وكان بيحكلها وهو بيبكى

اكتشفت ان فى حاجات فحياته مر بيها كانت صعبة اوى

هى دلوقتى فحيرة هى ثقتها فيه اتهزت بس هو صعبان عليها

هو طلب منها تفضل جمبه وتحاول تصلح منه وهى محتارة

ربنا بيسامح وبيقبل الخاطىء هل هى كمان تعمل كده

ولا صعب الثقة ترجع تانى ولا الايام ممكن ترجع الثقة بينهم

يعنى ينفع ترتبط بيه ولا لا محتاجة اسمع رايكم جدا


اسفة على الاطالة

المصدر: †† ارثوذكس †† - من قسم: صندوق مناقشات الاعضاء

[YoUsSeF_JeSuS]

سلام ونعمة ليكى :
بصى هى لو بتحبه فعلاً ومتمسكة به ، فعلى الأقل تحاول تساعده ، ممكن تسأل أطباء نفسيين عن علاج لحالته أو تحاول هى تقدم له النصيحة والأرشاد ، وقبل ده كله لازم تستشير أب أعترافها ، ده لو كانت بتحبه قوى متمسكة به .
ولازم تفكر مع نفسها الأول هل ممكن ترتبط به بعد ما عرفت عنه كده ( علشان بعد الجواز متندمش أنها أرتبطت به ) .
أما لو كانوا لسه متعرفين على بعض ولسه مفيش تقدم ، فالأحسن أنها تكتفى بمجرد مساعدته بصفتها بنت للمسيح ، لكن أرتباط لا ، ربنا هيوهبها شخص تانى أكيد هيكون أحسن منه فى النقطة دى .
وربنا قادر أنه يرشد الجميع .

[ZEZOMERO]

مش عارف يا نهى بجد

[zaza2006]

شكرا يوسف لردك

امير مازلت محتاجة ردك لان الموضوع فعلا مهم وهى فعلا بتحبه

[ماروجيرافك]

شوفي يا نهي المساله مش مساله عواطف او حب وخلاص لا
دلوقتي هي الي اكتشفت يعني مش هو الي قالها هو اه قالها علي حاجات تاني هي مكنتش تعرفها بس هل حاكلها علي كل حاجه ولي الحاجات الي ممكن يقولها بس
وموضوع انه عنده عقده نفسيه هل هي فعلا عقد ومرض نفسي يخلي يصرف تصرفات معينه ولي هي اقتنعت عشان عاوزه تقتنع لانها بتحبه
وهل العلاقه الي بينهم تسمح ليها انها تسامحه وتبدا معا من جديد وهل هي هتقدر تتأقلم معا فيما بعد لو حصل الموقف ده تاني وهتسامحه وتقول اصله مش بمزاجه هو عنده عقده لو هتقدر تقف جنبه يكون شئ جميل جدا جدا
بس لو مش هتقدر وهتعديها المره دي عشان بتحبه فاسمحي لي تبقي هي كده بضيع وقتها ويمكن بنكون بتربي لنفسها هي عقده من غير ما تحس لانها اكيد ممكن الثقه في حاجات كتير اوي
ربنا يدبر كل امور حياتها

[zaza2006]

شكرا يا ماريو لردك ومعاك حق
واكيد فيما بعد لو اتكرر نفس الموقف مش هتقدر تسامح
ويعالم هو كان صريح فكل حاجة ولا لا
شكرا لردك

[نادر شحاته]

انا من رايي فان تراقب تغيره اذا كان فعلا بيتغير لا مانع ان اتحمل واذا كان لا فبلاش من الموضوع احسن

[سارة &]

هى فعلا مشكله صعبة
من رائى انها تروح تتكلم مع اهله ومع اب اعترافه ولو فعلا كلامه صح
تحاول تساعده وتكون مراقباه من بعيد عشان تتأكد من تغيره ولو فعلا اتغير يبقى كويس انما لو فضل زى ما هو يبقى من الاحسن انها تبعد عنه وهتبقى على الاقل حاولت وعملت اللى عليها
وربنا يرشدها للطريق الصحيح

[كيرو رافت]

مفيش انسان كامل
كل منا له اخطائه ولكن من يتحدث ويعترف باخطائه
اعتقد ان فيه جواه حاجات كويسه وانه عنده استعداد للتغيير
والا ماكانش تعب نفسه وحكى ليها عن ادق تفاصيل حياته
انا من رأيي وده طبعا رأى شخصى انها تديله فرصه تانيه وتصلى وتحاول تساعده
فى محنته واكيد لو بيحبها بجد هايعدى المحنه دى وحبهم هايتحول لاسطورة
تتحاكى بيها الناس
واعتقد ان المسأله تستحق المجازفه والصبر
الحب ليس من السهل العثور عليه بسهوله وبجد الحب قادر انه يصنع المعجزات

ميرسى ليكى يا نهى على احساسك بغيرك

[bassem8800370]

مشلكه صعبه يانهى