[fady el masry]

بلد العجايب من كل لون يا ولا
والحزن غطى الوش والقلب هم اتملى
والروح كسيرة وجريحة بتئن
ع اللى بيحصل ، على تفشي البلاء


القبط بيدفعوا تمن ترابهم دم
والدمع غطى الجبين والجرح ما يتلم
وام بتبكي بحرقة على ولدها الشهيد
اللى اتقتل يوم العيد ومين اللى راح يهتم


البنت بتمتشي تتلف شمال ويمين
أصل الشوارع ملآنة ذئاب خاطفين
وإن أخرت شوية برة البيت
لا تعرف أمها تنام ولا تغمض لها عين


جوه الكنيسة يصلوا للقوي الجبار
وفجاة تنزل عليهم من السما نار
هي القيامة قامت ولا ايه يا اخوانا ؟
لأ .دا كتر الكره هو اللى ولد نار


رهبان في دير عايشين في سكون وهدوء
يتقابلوا مع ربنا في الضلمة او في الضوء
وفجاة يلاقوا البربر عليهم هاجمين
لكن الهنا وعدهم : ما يمسكم سوء


عجبي عليك يا وطن غير كل الاوطان
فيك الغريب يتكرم ويعيش كمان سلطان
وابن البلد يعيش في ذلك وقهر
لكن هتفضل وطن في قلوبنا ليك مكان

المصدر: †† ارثوذكس †† - من قسم: القسم الادبي

[كيرو رافت]

سورى يا فادى انا معاك اننا بنقابل ونشوف ابشع واسؤا اضطهادت
لكن كل ده قال عنه المسيا
وده بيؤكد لينا اننا على حق وان كتابنا القدوس قد سبق وخبر

ربنا قادر ان يعطينا الصبر والتحمل على حروب العدو

[اشرف وليم]

شكرا لتعب محبتك

[fady el masry]

شكرا على مروركم الجميل