[sara0]

اية معنى كلية حقوق انتساب مثلا وكمان حقوق انتساب موجة واية الفرق بينها وبين حقوق العادية او اية المميزات والعيوب الى تفرق بينهم وكمان سؤال تانى يعنى اية معهد دراسات نوعية يعنى يطلع اية دة ياريت حد من خواتى يساعدونى ويرودوا عليا وكل سنة وانتم طيبين

المصدر: †† ارثوذكس †† - من قسم: أعلانات وأحتياجات

[Narmar]

محدش عبرك ههههههههههه اقولك انا
المهم
الانتساب هو هو العادى بس الفرق انه بيبقي من مجموع اقل وبيبقي بفلوس ب 500 مثلا وكمان المحاضرات مش كل يوم زى اللعادى لا مرتين تلاتة بس في الاسبوع
اى استفسارات تحت امرك ,,,

[sara0]

ميرسى يانارمر على ردك ربنا معاك

[M!SS N@NO]

بصى يا سارة
الانتساب بيبقا زى الانتظام تقريبا
بس بيختلف عنه انه بياخد من مجموع اقل من الانتظام وكمان بتبقا مصاريفه اكتر حبتين بتوصل لحد 500 وساعات 600 ده حسب الجامعه نفسها
وكمان محاضراته بتبقا مش كل يوم ومده المحاضرة بتبقا اقل من الانتظام بنص ساعه تقريبا
وكمان طلبة الانتساب بيبقا ملهومش سكاشن يعنى محاضرات وبس
وبالنسبه للانتساب الموجه
هو هو بردو نفس الحوار
بس بيبقا الطلبه بتوعه ليهم فرصه انهم يحولو انتظام لو جابو تقدير على الاقل جيد
وساعتها المصاريف بتقل مبلغ كبير اوى
بس بياخدو على دماغهم بقا محاضرات وسكاشن كل يوم
ومفيش اجازات كتير زى الانتساب

[نبيل نصيف جرجس]

زى ما قالك نارمر وحنان كدة بطلب من يسوع حاجة واحدة يديكى نعمة علشان تختارى الصالح ليكى واكيد ام النور هترشدك