[اسامة ابن المسيح]

تعالـــــــــــوا كلنـــــا نصلــــــــــــــي

في غضون ايام قليلة نودع سنة 2009 بكل ما فيها بحلوها ومرها بكل حاجة حلوة مرت فيها وبكل حاجة وحشة سواء علي المستوي الشخصي لكل واحد فينا او علي مستوي الكنيسة او علي مستوي الاسرة .......الخ

وهانبتدي سنة جديدة سنة 2010 يارب تكون سنة حلوة علينا كلنا وكلنا نحقق فيها كل اللي احنا عايزينة

قعدت افكر واقول دة ربنا قال . اذا اجتمع اثنين او ثلاثة بأسمى اكون في وسطهم . واحنا بأسم الصليب عدد كبير في منتدانا الجميل دة . يبقي اية المانع اننا نجتمع جميعا يوم 31-12-2009 في تمام الساعة الثانية عشر مساء اجتماع صلاة كل واحد فينا في مكانة سواء في البيت او الكنيسة او مع الاسرة او حتي في شغلة او في الشارع ونصلي كلنا مع بعض وبقلب واحد وبشركة ونصلي من اجل سلام كنيستنا وسلام شعب الكنيسة وكمان من اجل سلامة وصحة راعينا البابا شنودة ومن اجل كل اخوتنا المرضي والمتضايقين والحزاني والذين انتقلوا ومن اجل منتدانا ونصلي ايضا من اجل بلدنا ومن اجل ان ينقذنا ربنا من كل شر ومن كل مرض ومن كل وباء وان يحفظ اولادة من شر اولاد العالم وان يعطينا الحب والسلام والامان وان نصلي من اجل انفسنا واحتياجتنا الروحية والجسدية والمادية وان تصلوا من اجلي

اخوتي واخواتي الاحباء صدقوني احنا كلنا محتاجين لهذة الصلاة تعالوا جميعا نتفق ونتعاهد اننا نجتمع اجتماع الصلاة هذا ونصلي من اجل بعض واكيد ربنا هايكون في وسطنا ويستجيب للصلاة ببركة وشفاعة دمة المسفوك علي عود الصليب وبركة وشفاعة ام النور وبركة وشفاعة كافة قديسية

يا ريت كلنا نشارك وانا عايز اعرف رأيكم في الفكرة دي واشوف ردكم وموافقتكم علي اجتماع الصلاة ولو هناك اي عضو لدية طلبات خاصة يذكرها وكلنا نصلي من اجلة ربنا يباركم جميعا

المصدر: †† ارثوذكس †† - من قسم: المنتدى العام