[mariam botros]

قلبي أنا باأدِّيهولَك مِزوَد . جَهِّزتُهولَك

أرجُوك يا يَسوع تَعالَي شَرَََّّف قلبي بحُضورَك

1-أنا مِن غيرَك باأعاني

عُمري مالهوش مَعاني

حُزني وهَمِّي إحتَواني

والليل عَمَّال يِزيد

جايْ بخَجَلي وكُسوفي

إنزَع مِن قلبي خُوفي

عَلِّيني فُوق ظُروفي

وإشفي قلبي المَريض

2-الشِّر إللي ساجِنني

مِن فَضلَك شيلُه مِنِّي

شيل كُل حمولي عَنِّي

وإرمي ذنوبي بِعيد

خَلِّيني لحُضنَك أرجَع

خَلِّيني لصُوتَك أسمَع

إخلَق لي عيون تِدَمَّع

حَنِّن قلبي العَنيد

3-كان عُمري يا رَبِّي فاضي

عَلَشان في وَقت ماضي

كُنت موافِق وراضي

إنِّي أبقي مـ العَبيد

إملي عُمري بوجودَك

مِن فيض خِيرَك وِجودَك

فَرَّح قلبي بوعُودَك

حَرَّرني مِن جِديد

[=maroon]

كلمات الفنان رمزي بشاره

[/COLOR][/B]

----------------------------

نأسف لحذف الميل والرقم
لان هذا يخالف قوانين المنتدى

المصدر: †† ارثوذكس †† - من قسم: القسم الادبي

[عماد حسنى]

اشكرك جدا جدا جدا يا مريم
على كلمات الترنيمه الحلوه اوى اوى اوى دى
وطبعا استاذ رمزى بشاره غنى عن التعريف
لانه استاذ وفنان كبير جدا جدا
ربنا يباركك ويكون معاكى

[MICKEY]

بجد مجهوود اكثر من رائع حقيقي


بشكرك جدا جدا يامريم علي تعبك الجميل ده

وطبعا استاذ رمزي بشاره معروف بالحجات الجميلة دي

ربنا يباركك

[kamel]

ترنيمة معزية وجميلة شكرا أستاذة مريم
الرب يباركك ويعوض تعب محبتك