[bisho03]

ليه م الضلمه تمللى تخاف؟؟ ليه من نفسك كده مش واثق؟؟
ليه من بكره كتير خواف ؟ وبإيدك بتحط عوائق
بكره أكيد وياه مضمون هو بيرسم ليك الأفضل
حتى ان كان مش ويا ارادتك غمض واعمل زى مايعمل

زى زمان يوسف مارفضها .. وطبيعة الانسان الشهوة
ازاى ييجى جزاؤه السجن ؟؟؟ ماتذمرش وقال فين يهوه؟
آه من جواه قال الآه والجدران قالت وياه
بس الهه فوق فى سماه حضر ليه الخير الأكتر

دانيال حتى فى وسط الحفره عمره مابص يمين وشمال
همسه فى وسط المحنه رفعها صار فى الجنه ومش ادغال
والوحوش اللى كتير جاعت...قدرت..صمتت..سكتت..صامت
قدرت حتى لجوعها تعاند أصل إلهنا اله جبار

حتى الهنا بنفسه زمان جه م السما لاجل الانسان
جيش م الشر يحارب ضده وهو قبل لاجلنا يتهان
علشان راسم لينا الافضل راسم لينا الدنيا الاجمل
خليك واثق فيه ده اتحمل من اجلى واجلك اهوال

قوله ياربى حياتى فى ايدك زى ماتختار ليا يكون
هفضل ماشى معاك طول عمرى .. عمرى ماهرسم قصر كبير
جايز يصبح قصرى مغارة واتدارى فيه عن كل عيون
لكن وياك عشّى مناره بكره وبعده بيك مضمون

المصدر: †† ارثوذكس †† - من قسم: القسم الادبي

[Team Work®]

اشكرك على الكلمات الحلوة وربنا يفرح قلبك

[miroo]

ياربى حياتى فى ايدك زى ماتختار ليا يكون
هفضل ماشى معاك طول عمرى .. عمرى ماهرسم قصر كبير
جايز يصبح قصرى مغارة واتدارى فيه عن كل عيون
لكن وياك عشّى مناره بكره وبعده بيك مضمون

كلمات جميلة جدا

[bisho03]

ميرسى هيما على ردك ومتابعتك المستمرة
وميرسى ميروو على تعليقك الجميل
ويارب تكون عجبت كل اللى قراها

[tony_algamid]

جميل قوى يا بيشو وانت لمست النقطة اللى موجودة عند كل الناس وهيا (الخوف) وبقول كل الناس لأن الخوف عبارة عن مشاعر والإنسان معروف إنه بيحتوى على كمية كبيرة من المشاعر فياريت نسيبها على الله .
وبشكرك يا miroo على الكلمات القليلة التى تحمل معانى كبيرة وصدقينى فعلاً لو سبناها على الله عمرنا ماهنخاف ....
TONY ALGAMID

[عماد حسنى]

ربنا يكون مع كل ولاده ويحمهم من كل خوف
جميله اوى اوى يا بيشو
ربنا معاك ويباركك

[bisho03]

المشاركة الأصلية كتبت بواسطة عماد حسنى ربنا يكون مع كل ولاده ويحمهم من كل خوف جميله اوى اوى يا بيشو ربنا معاك ويباركك

[CENTER]تشكر يا عمده على متابعتك وردودك اللى بقف عاجز قدامها[/CENTER]

[bisho03]

المشاركة الأصلية كتبت بواسطة tony_algamid جميل قوى يا بيشو وانت لمست النقطة اللى موجودة عند كل الناس وهيا (الخوف) وبقول كل الناس لأن الخوف عبارة عن مشاعر والإنسان معروف إنه بيحتوى على كمية كبيرة من المشاعر فياريت نسيبها على الله . وبشكرك يا miroo على الكلمات القليلة التى تحمل معانى كبيرة وصدقينى فعلاً لو سبناها على الله عمرنا ماهنخاف .... TONY ALGAMID

لو قلت ياجامد ... هتقوللى قديمه
اسمك واخد معنى وقيمه
راح اقولك انت منورنى
كلماتك واللهى عظيمه