دى مشكلة حياتى

سامحونى هطول عليكم بس صدقونى دى مشكلة حياتى محتاجة مساعدتكم اوووووووووووووووووووووووو ووووووى
حكايتى انى من عائلة مركزها كبير ومشكلتى انى ابسط بكتير من اهلى وارتبط قبل كدة ارتباط صالونات عالى المستوى تحت ضغط من اهلى وارتباطى كان علشان ارضيهم لكن طلع انسان مش زى مابين وفسختها فى اقل من شهر .....فكرت ان اهلى اتعظوا بعد اللى حصل واتكلمت معاهم كتير انى مش هينفع الاقى انسان فية كل حاجة شخصية ودماغة نظيفة وكمان مركزة كبير....وانا سنى مش صغير لكن لانهم شايقين انى جميلة تبقى لسة فرص الحياة مخلصتش..
المهم انا قابلت واخيرا انسان فية كل المواصفات اللى انا بتمناها من عقل وحنية وحبيتة اووووووووووووووووووى لكن الانسان دة مش فية المواصفات اللى تتوافق مع شروط اهلى لانة بسيط ....انا اصلا كنت ببعد اى انسان يحاول يقرب منى لانى كنت بخاف انى اجرح حد لكن بصراحة لما لقيتة نسيت كل شئ او ممكن تقولوا تناسيت اهلى وتحكماتهم .....لكن حصل ان شخص تانى اتقدم وميسور الحال لكن مش على نفس المستوى اهلى رفضوة ولما قلت لية ردهم عليا كان بشكل قاسى اوووووى فوقونى على الاصعب ان الانسان اللى بحبة بسيط واللى اتقدم ليا مستواة عالى واترفض اومال معاة هيعملوا اية... طب اعمل اية.....سألت اقرب الناس ليا من اهلى قالولى حرام متبئيش انانية لانك عرفة اللى هيحصل وهتجرحية جرح كبير مش بس فى قلبة لاوكرامتة كمان ودة كان رأى اب اعترافى...............طحتمت فعلا قلبا وعقلا
صارحتة بكل شئ وطلبت منة يبعد عنى علشان نفسة هو واصلا انا اهلى كبار العائلة يعنى معنديش حد ممكن يقف جمبى وخصوصا ان فى اعتبرات كتيرة عاملين حسابها ....المهم فعلا بعدت عنة وعلى قد مابقدر بهرب مش علشانى بامانة... علشان انا عندى احساس بذنب رهيب ناحيتة لانى فعلا كنت بمنع وببعد عن اى حد يقرب لكن معاة مش عارفة لية ماقدرتش صدقونى انا انسانة كنت نفسى احب بس نسيت ان دة مش من حقى .......وخصوصا لانى عارفة انى مش ممكن اقدر اقف قصاد اهلى لانهم ممكن يضروة بجد لانهم فى مراكز واصلة فعلا دة غير المعارف واللى يحب يخدم كتير...
لكن انا متهمة منة انى مش بحبة لانى قدرت ابعد عنة مع انى دايما بدور علية وبحاول اعرف اى خبر عنة لانة بجد واحشنى اوووووووووووى لكن كل مابشوف اهلى بفوق على ان ا الحقيقة تقتل اكتر يعنى لو قربت من حبيبى هقتلة وهموت معاة لانة هيحس احساس صعب اووووى هيحس انة عاجز مش قادر يعملى حاجة......وبجد اتهامة ليا مش قادرة استحملة لانة اتهام بيدمرنى.. بس احساسى بذنب ناحيتة اكبر.. كان ممكن ابعدة عنى من البداية بس صدقونى غصب عنى لان انسانة قلبها رقيق وحبيت بجد اول مرة بحياتى.....ارجوكم قلولى اعمل اية ارجوكم ساعدونى لانى فعلا بغرق ونفسى اموت واسيب العالم دة كلة.........