[losivertheprinceq]

سلام المسيح

اصعب شئ هو ان تحس انك تحتاج إلى شئ ما وليس فى إمكانك ان تناله بسهولة ....
مرارة كبيرة تجتمع فى الحلق لتكون غصة صعبة البلع ويمتد تاثيرها على الجسم لتكون كشئ لزج يشل حتى القدرة على التفكير فيكون الشخص المحتاج لاحول له ولا قوة وان زادت الحاجة وزادت معها صعوبتها يتحول الامر إلى مايشبه شلل كلى فى الجسم فيصبح حتى التنفس مجهود ونحس بالدنيا باردة ثقيلة الحركة وكأنها جلمود على صدورنا وأعناقنا ...................
قد نحتاج إلى أشخاص او نحتاج إلى اشياء ................
الأثنان يبدوان كثيراً سيان فالحاجة واحدة والشعور واحد ...... نفس المرارة الثقيلة وخاصة اذا كنت تريد شئ من شخص وهذا الشخص لايستجيب فى بداية كلامك ثم لايقبل طلباتك ثم فى النهاية لايعير لتوسلاتك اهتمام .... ثم تكون الشوكة الكبيرة عندما تحس وتدرك انك لاتساوي شيئاً او اى أهمية ولا تمثل له أى حيز فى حياته عندها تتعالى فى حلقنا وتصبح هم كبير ......
وبلا امل فى الإستجابة لدموعك وبعد جرح كبير لكلامك وأطلاق العنان لدموعك وانهارها التى حفرت طريقاً كشلال داخلك لايخرج ........ ولابنظرات متوسلة ....... وقلب يدق دقات سريعة متلهفة تتأكد أبضاً انك لاتمثل شيئاً وان مايتبقى فقط ..... مايبقى فقط هى .......................

الحاجة

المصدر: †† ارثوذكس †† - من قسم: المنتدى العام

[eng_fofa]

طول ما الانسان عايش فى الدنيا هايفضل ملازمه الشعور بالاحتياج مهما حقق من رغبات واحلام وطموحات بردو هايشعر بالاحتياج لان ذى ما بيقول الكتاب
من يشرب من هذا الماء يعطش ايضا
لان مية العالم عمرها ما بتروى
موضوع جميل جدا
اهلا بيكى وسطينا
منوره المنتدى
ميرسى ليكى

[نبيل نصيف جرجس]

كلام تاسونى فوفا جميل اوى
وكلام صح
عمر ما مية العالم تشبع
بس من راى ان لو الانسان لقى المحبة اللى بجد اللى من حوالية مش هيحتاج اى حاجة

[losivertheprince]

المشاركة الأصلية كتبت بواسطة eng_fofa طول ما الانسان عايش فى الدنيا هايفضل ملازمه الشعور بالاحتياج مهما حقق من رغبات واحلام وطموحات بردو هايشعر بالاحتياج لان ذى ما بيقول الكتاب من يشرب من هذا الماء يعطش ايضا لان مية العالم عمرها ما بتروى موضوع جميل جدا اهلا بيكى وسطينا منوره المنتدى ميرسى ليكى

سلام المسيح
بالفعل كلامك صحيح لكن الإحتياج شعور قوى وكمان فى وقت الإحتياج بيكون الضعف أكتر وأكبر
شكراً لردك الجميل والمشاركة الرقيقة وربنا يعوضك

[losivertheprince]

المشاركة الأصلية كتبت بواسطة نبيل نصيف جرجس كلام تاسونى فوفا جميل اوى وكلام صح عمر ما مية العالم تشبع بس من راى ان لو الانسان لقى المحبة اللى بجد اللى من حوالية مش هيحتاج اى حاجة

سلام المسيح
كلامك مظبوط لكن حتى لو لقينا بعض كل الى حواليه ده مش معناه الحل لانه الإحتياج بتاعك مش شرط تلاقيه كل وقت ولا من كل الناس ..... الموضوع كبير وعامة شكراً بجد على إهتمامك وردك الجميل جدأ

[hard_age]

احساس الاحتياج بياتى لاى شخص بس بنسب متفاوتة
فمثلا الى عامل ان هدفة الوحيد هو ربنا بيحس بالاحتياج بنسبة منخفضة جدا لان فى حاجة معوضة احتياجة كبيرة وهو رب المجد
والى بيجرى وراء الدنيا وشهواتها المادية او المعنوية بيرافقة الاحساس بالاحتياج بنسبة كبيرة ومهما اخد برضة مش شبعان على طريقة الترنيمة
اما الانسان العادى فهذا فى صراع ودا كويس بس هو بايدة يخلى نسبة الاحتياج تورقة او تبقى حاجة عادية فى حياتة
وانا اسف انى طولت فى الرد بس الموضوع شدنى
وربنا يباركك

[losivertheprince]

المشاركة الأصلية كتبت بواسطة hard_age احساس الاحتياج بياتى لاى شخص بس بنسب متفاوتة فمثلا الى عامل ان هدفة الوحيد هو ربنا بيحس بالاحتياج بنسبة منخفضة جدا لان فى حاجة معوضة احتياجة كبيرة وهو رب المجد والى بيجرى وراء الدنيا وشهواتها المادية او المعنوية بيرافقة الاحساس بالاحتياج بنسبة كبيرة ومهما اخد برضة مش شبعان على طريقة الترنيمة اما الانسان العادى فهذا فى صراع ودا كويس بس هو بايدة يخلى نسبة الاحتياج تورقة او تبقى حاجة عادية فى حياتة وانا اسف انى طولت فى الرد بس الموضوع شدنى وربنا يباركك

سلام المسيح
كلامك مظبوط جدأ يا سيد / hard_age
وزى ما أنت قولت ان إحتياج الأنسان يختلف حسب نوعيته وأهدافه فى الحياة ... مهاى دى الدنيا ماحدش يحس بقيمة المياه وقوتها ومدى الإحتياج ليها غير الأنسان العطشان
ميرسى كتير على مشاركتك الجميلة وردك الأجمل وانت مطولتش ولاحاجة بالعكس انت زودت وجهة نظر جديدة
وربنا يديك ونتعلم منك

[وردة حزينة]

الموضوع جميل بس صدقينى اسوء شى بيتعب واوقات بيدمر الاحتياج وخصوصا لو لم يكن سهل الوصول ليه
شكرا على لموضوع الجميل ده

[losivertheprince]

المشاركة الأصلية كتبت بواسطة وردة حزينة الموضوع جميل بس صدقينى اسوء شى بيتعب واوقات بيدمر الاحتياج وخصوصا لو لم يكن سهل الوصول ليه شكرا على لموضوع الجميل ده

سلام المسيح
أكيد أكتر شئ بيتعب أنه صعب الوصول إلى إحتياجنا خاصة فى وقت الحاجة إليه
العفو جدأ على مرورك الجميل وربنا يعوضك

[anooog]

موضوع جميل بجد
ميرسى كتيييييييييير