[بنت الراعي]

كل شي خلقة الرب هو لخدمتنا كل شي حتى الضيقات من منا يتوقع ان الضيق هو لخيرنا قد نضحك اذا سمعنا هذا الكلام
لكنها الحقيقة نعم حتى الضيقات لها فوائد لانها تهدف لتنبيهنا او توعيتنا على شي ما بحياتنا ففي بعض الضيقات قد نتعب ونخنق في بعض او الكثير من الاحيان لكن كم منا تعلم الصبر على الاشياء من ضيقاته.



انا شخصيا قد اختبرت ذلك في كثير من الاحيان اختبره بان في كل ضيقة حكمة يريد الرب ان يعلمني اياها ففي بعض الضيقات نتعلم ان نحب لان في كثير من المشاكل لا يمكن ان تحل الا بالمحبة مهما فعلنا لن نستطيع شي بدون المحبة واتمنى ان تصلو لي كي احب الناس الذين هم سبب المي ففي كل ضيقة يجب ان نفكر ماالحكمة من ذلك ويجب التامل في هذا الشي فسنرى بعد ذلك كم ان الله يحبنا ولا ننسى بانه اذا كان الله معنا فمن علينا فالرب لن يتركنا مهما حصل لاننا ابنائه.

منقول

المصدر: †† ارثوذكس †† - من قسم: صندوق مناقشات الاعضاء

[keroo82]

كلنا بنمر بضيقات وتجارب صعبة نفتكر ربنا ونصلى
يارب خلصنى من الضيقة دى وانا ارجع ليك واحبك واوعدك انى اروح الكنيسة وارجع لحضنك الدافى ربنا يحل المشكلة فينك يابنى انا مستنيك تعالى تقول لمين مش المشكلة اتحلت وانا ارتحت طب اروح بكرة الكنيسة طب انا مش فاضى دلوقتى اصلى علشان فى متش مهم ياعم كبر دماغك طب لية كدة هو دة جواتى انى شيلت عنك المشكلة او الضيقة المفروض انا ارجع واشكر ربنا انى مشكلتى او الضيقة
معلش انا طولت فى الرد
ميرسى يا بنت الراعى على الموضوع الجميل
دة
ربنا يفرح قلبك

[وردة حزينة]

ايمى فيه ضيقات وتجارب الواحد ميش بيبقى عارف ربنا كان رايد بيها ايه لو الواحد عرف الحكمه كان اكيد هايشكر لكن الجهل بحكمه واراده ربنا فى تجارب معينه ومتاعب معينه ده اللى بيتعب ادينى يارب فرح وسلام داخلى واعرف ايه هى ارداتك فى حياتى موضوعك جميل اوى ياحببتى ربنا يفرح قلبك ويبعد عنك الضيقات ياايمى

[بنت الراعي]

المشاركة الأصلية كتبت بواسطة keroo82 كلنا بنمر بضيقات وتجارب صعبة نفتكر ربنا ونصلى يارب خلصنى من الضيقة دى وانا ارجع ليك واحبك واوعدك انى اروح الكنيسة وارجع لحضنك الدافى ربنا يحل المشكلة فينك يابنى انا مستنيك تعالى تقول لمين مش المشكلة اتحلت وانا ارتحت طب اروح بكرة الكنيسة طب انا مش فاضى دلوقتى اصلى علشان فى متش مهم ياعم كبر دماغك طب لية كدة هو دة جواتى انى شيلت عنك المشكلة او الضيقة المفروض انا ارجع واشكر ربنا انى مشكلتى او الضيقة معلش انا طولت فى الرد ميرسى يا بنت الراعى على الموضوع الجميل دة ربنا يفرح قلبك

فعلا عندك حق يا كيرو
احيانا كتير بنعرف ربنا بس ساعة الضيقه غير كده ولا نعرفه
لا ماطولتش ولا حاجه بالعكس انا سعيده جدا بردك الجميل ده
انا اللي بشكرك علي مرورك وردك
ويفرح قلبك كمان ويعوضك ويباركك

[بنت الراعي]

المشاركة الأصلية كتبت بواسطة وردة حزينة ايمى فيه ضيقات وتجارب الواحد ميش بيبقى عارف ربنا كان رايد بيها ايه لو الواحد عرف الحكمه كان اكيد هايشكر لكن الجهل بحكمه واراده ربنا فى تجارب معينه ومتاعب معينه ده اللى بيتعب ادينى يارب فرح وسلام داخلى واعرف ايه هى ارداتك فى حياتى موضوعك جميل اوى ياحببتى ربنا يفرح قلبك ويبعد عنك الضيقات ياايمى

فعلا عندك حق يا ورده الانسان لو عرف ارادة ربنا
كانت اتغيرت فيه حاجات كتير جدا
ميرسي يا حبيبتي يا ورده يارب يخليكي
ويعوضك ويباركك ويفرح قلبك

[عماد حسنى]

لانها لا اردتى بل ارادتك فلتكن مشيئتك يارب
كلامك وموضوعك معزى جدا يا ايمى
وكلنا محتاجين فى الضيقات المحبه والصبر واهمهم الحكمه اللى كلنا بنلتمسها من ربنا فى كل ضيقه
ربنا يبعد عن اولاده ضيقاتهم واتعابهم ويدبر كل امور حياتهم
الف الف شكر يا ايمى على موضوعك الهايل
ربنا يباركك ويكون معاكى

[بنت الراعي]

ميرسي جدا يا عماد
بس الموضوع منقول ههههههه
الف شكر علي مرورك وردك الجميل
نورت الموضوع يا شاعرنا الجميل
ربنا يعوضك ويباركك ويفرح قلبك

[كيرو رافت]

موش عارف يا ايمى بجد انتى بقيتى متخصصه فى موضوعات بتقلب حياتى وبتخلينى اعيد التفكير فى نفسى فى حاجات كتير
انا بجد فى الضيقات بحس بوجود ربنا معايا وبحس بانه متدايق من اجلى وموش بيستحمل يشوفنى فى ضيقتى بعد ما كنت فاكر انى بخوض التجربه لوحدى لكن كنت دايما بشعر بجد ان فيه حد معايا بيحملنى وبيعدى بيا من الخطر وبيحمينى
وبغباوتى كنت بفكر ان زكائى او حكمتى فى التصرف هيا اللى بتنقذنى من التجارب مع انه بجد انا اللى كنت بغرق نفسى لما كنت بفكر انى اعتمد على نفسى
اللى عايز اقوله انه مفيش اى تجربه بيسمح بيها ربنا لينا الا من اجل تنقيتنا كما تنقى النار الذهب هكذا نحن ايضا التجارب بتزيدنا صلابه وقوة وتحمل
بجد يا ايمى موش عارف اشكرك ازاى على موضوعك الرائع ده وده بجد اللى تعودت اشوفه فى كل مواضيعك لانك فعلا انسانه رائعه
ربنا يكون معاكى ويقويكى ويدبر كل امور حياتك ويبعد عنك كل التجارب والضيقات

[بنت الراعي]

هههههههههههه
ايه يا كيرو ده حتي الموضوع منقول
وطبعا ربنا دايما معانا في ضيقاتنا وافراحنا
ومش ممكن يسيبنا ابدا لكن احنا احيانا مش بناخد بالنا منه
ميرسي يا كيرو علي مرورك وردك
وربنا يعوضك ويباركك ويفرح قلبك

[نانانادر]

بجد موضوعك جميل جدا وحتى لومنقول احنا استفادنا منة جدا
لوكل انسان فكر انة فى ايد الة جبار مهما كانت الصعوبات اللى بتواجهنا والمشاكل والضيقات دى بتكون تجارب من ربنا لينا المهم اننا نقرب منة ومنسبش ايدةلاننا لو سبناها لحظة هنقع ربنا بيدينا التجارب وبردة هو اللى بيرفعها عنا هو اللى بيسندنا احنا من غيرة ولا حاجة