[minabobos]

ملحمه حب للبابا شنودة
كلمات الشاعر رمزى بشارة
اللى اتقالت يوم الاربعاء اللى بعد رجوع سيدنا

1/ زى ما قلنا الف سلامه ودعينا ربنا يشفيك
بنقول حمدلله عالسلامه لنا هنا بنرحب بيك
يا سبعتاشر بعد الميه من باباوات اسكندريه
انت هديه وغيبتك دية ماتتكررشى الله يخليك

القرار
بينيوت اثؤواب ام باطريارشيس
بابا افا شينوتى بى ارشى ايرفس
انت راعينا الغالى البابا القديس
أب حنين دايما بولادك بتحس
جوه القلب يا بابا شنودة ... ياللى ايديك بالخير ممدوده
يا خليفة مار مرقص

2/ طفل صغير اسمه نظير متميز ومالوهشى نظير
وبقى البابا شنوده التالت خطه الهيه وتدبير
الرب الهنا اللى اختار كان سادنك طول المشوار
اللى ابتدى وياك اهو كمل ولسنين تانيه يا بابا كتير

3/ يا ناسك من الدرجه الاولى شيخ . وتصلى كتير وتصوم
وعلاقتك بالدير موصوله بتروح وخلوه لحد اليوم
انت غريب عايش فى الدنيا والدنيا مش عايشه فى قلبك
مش بتفوت من عمرك ثانيه غير لما بتكلم ربك

4/ انت الحزن ما تعرفهوش والهم انت ما بتشيلهوش
وعليك خفه دم عجيبه كلك طيبه وديع وبشوش
من كتر بساطتك متحير انسان قلبك قلب ملاك
وعليك ضحكة طفل صغير تضحك وتضحكنا معاك

5/ وعظاتك فى طريقنا علامه وكلامك يا ابانا روحانى
يا بابا شنوده يا علامه يا ذهبى الفم التانى
علامه بجد وموسوعه وعظات مرئيه ومسموعه
وكتب لاهوتيه وروحيه تعاليم جوانا مزروعه

6/ ومخصص يوم فى الاسبوع تيجى تكلمنا ف موضوع
يوم الاربع نيجى ونسمع نيجى تقدم لينا يسوع
نسال وانت تقول اجابات وتفسر فى كتابنا ايات
وفـ لجنة البر بنفسك بتقدم لينا مساعدات

7/ واديب وبتكتب اشعار فنان ومثقف وحكيم
ومفكر عندك افكار ومفسر ليك فكر سليم
بتحارب البدع اللاهوتيه مش بس بحرومات كنيسه
زى ما قالت الدسقوليه تمحو الاثم بالتعليم

8/ ايوه انت صلاه زى داود على ربك دايما مسنود
تتالم وتقول للخير وشعارك ربـــــنــــا مــــوجــــود
وجراح شعبك حاسس بيها تتالم وبتبكى عليها
وبتطلب ربنا يدخل يسمعلك وقوام يداويها

9/بلدك دى فـ قلبك يا راعينا وف كل مكان بتروح ليه
بتقول مصر دى بتعيش فينا مش بس وطن بنعيش فيه
وطنى ومين ينسالك مين قلت انا مش هاجى فلسطين
غير لما ترجع لصحابها وندخلها مع بعض . امين

10/ اديره عمرانه برهبان وكنايس فى كل مكان
كل ده حاصل بس فـ عهدك نور كنيستنا للكون بان
والاعلام اهتميت بيه لمساتك اهى باينه عليه
كل الدنيا شايفه اغـــابـــــى والعالم بيشوف سى تى فى

المصدر: †† ارثوذكس †† - من قسم: قسم الترانيم المكتوبة

[Team Work®]

حلوة قوى يا مينا الترنيمة دى اشكرك جدا حبيبي عليها

[Nana_English]

حقيقى مفيش كلام يتقال على المعانى الرائعة دى والكلمات الملئة بالحب
شكررررررررآ لتعبك
God bless u

[عماد حسنى]

رائعه يا مينا فعلا

[حنين سنين]

كلمات جميله ربنا يعوض تعب محبتك

[zaza2006]

كلمات جميلة اوى يا مينا ربنا يعوضك

[elphilasouf]

يا ببوس يا جامد
ايوه كده هات هات هات

[sawsaw]

راااااااااااااااااااااااا ءعه ده كلى الى اقدر اقولو

[كاترينا]

thanks mina
rabena yebarkk

[kamel]

أشكرك جدا جدا على الترنيمة الجميلة
والف بركة وحمد ليسوع لقدوم سيدنا بالسلامة
الرب معك