[keroo82]

بجد انا انتدهشت جدا لما قريت توقيع ميكى
ميكى اللى كان زى النسمة فى المنتدى بضحك ويهزر وحبو للاعضاء
مش ممكن دة ابليس الملعون عايز يفرقنا ويبوظ المحبة اللى بينا ومهما كانت المشاكل والصعوبات ليها حل اكيد
ربنا يدبر ويحل المشاكل ويحفظ الجميع فى المحبة الدايمة انا مش متابع المنتدى ومعرفش اية اللى حصل بصراحة بس اتمنى من الكل ياريت نخلى بالنا من المنتدى او الكنيسة لان الهجمات زادت من ابليس
ميرسى ليكى يا استاذ ظريف
ربنا يبارك الخدمة

[aymonded]

سلام من ملك السلام ومصدره الحقيقي
سلام بمحبة من مصدر المحبة وينبوع الخير الذي لا ينضُب
مكتوب لا تعطوا أبليس مكاناً ....

يا أحباء يسوع ، مش عيب أننا نختلف ، ولا عيب أن بيننا وفي داخل المنتدى يظهر خلاف حقيقي ، بل بالعكس هذا جميل لأنه بيجعلنا نقف أمام الله ونطلب منه قوة أن نتغير وتسري فينا روح المحبة ، لأن أن خبينا في قلوبنا ما لنا ضد إخوتنا فستصير عداوة في القلب دفينة لا للناس بل ستتحول لتصير مكرهه أمام الله ورفض لنا وعدم قبول لصلواتنا أو حتى قربنا منه ، فنرفض من مراحمه لأننا صرنا نعطي أبليس مكاناً ليرتاح فيه ونطرد ملك السلام وينبوع الخير وقوة الحب من داخل قلوبنا ...

بل لنا أن نفرح أن الله بيظهر نقائصنا وضعفنا كي ما نعين بعضنا البعض ونقوي محبتنا بالاعتذار والمسامحة لأخوتنا ، فنقف أمام الله ونقول :
أغفر لنا ذنوبنا كما نغفر نحن أيضاً للمذنبين إلينا
فيسمع الله لنا ويستجيب بسهولة ، لأننا لم نخفي مشاعرنا بل أظهرناها وفزنا بغفران المحبة لأخوتنا وبالتالي أخذنا ونلنا غفران الله بسهولة وفرح عظيم ...

يا أحبائي رابح النفوس حكيم ، فتعالوا نصير حكماء ونربح بعضنا البعض لحساب المحبة التي من روح الله القدوس ، ونفرح بشركتنا مع الله ومع بعضنا البعض بروح المحبة الحلوة ...

انا سعيد بيكم وبحبكم واحترامكم بعضكم لبعض ، وأنا أول من أحترم الجميع ، الصغير قبل الكبير والمخطئ قبل البار ، لأن قلوبكم بيضاء مكسية بكساء مجد فخر المعمودية ، أي الإنسان الجديد الذي نلتموه جميعاً من معمودية واحدة فيها حلول الروح القدس ، فآلفنا كنيسة واحدة وأعضاء مقدسة لله ، تتغير كل يوم لحساب مجد المسيح وفخر للكنيسة كلها ...

واختم كلماتي بميراث المسيح الحلو :
سلامي أعطيكم سلامي أترك لكم

فيا اولاد السلام كونوا مملوئين محبة من الله وليرفرف السلام على قلوبكم يا أحباء الله المقدسين في الحق ؛ النعمة معكم كل حين آمين

[b o b b a]

ايه يا ميكي التوقيع ده في حد مش عايز يتكلم مع اخواته ويقطع صلته بيهم مهما كان الخلاف بينهم متهيالي صعب اووووووووووووووووووووي
ازعل يا ميكي حقك مدام انجرحت
وحقك تعاتب الناس دي بس مش تقاطعهم
وكمان انت مش بتقاطعهم بس لاء انت بتقاطع الاعضاء كلهم
عايز تقاطع كل اخواتك
مينفعش وكمان دي خطيه كبيره
ياريت يا ميكي تحل مشاكلك مع الناس دي وترجع معاهم ومعانا زي الاول
وبالنسبه لشاعرنا الكبير
انا مش عارف ايه اللي حصل بس اكيد هو مش هياخد قرار زي ده بالساهل
بس اللي انا متاكد منه ان
ميـــــــــكي
و
عمـــــــــده

هيرجعوا زي الاول تاني لانهم عارفين احنا قد بنحبهم
وانهم اخواتنا الكبار وصحابنا وحبايبنا
ومينفعش يبعدوا
ربنا مع الجميع
ويبعد عدو الخير عننا
وكل حاجه هتتحل ياذن يسوع

[كيرو رافت]

انا سعيد بيكم وبحبكم واحترامكم بعضكم لبعض ، وأنا أول من أحترم الجميع ، الصغير قبل الكبير والمخطئ قبل البار ، لأن قلوبكم بيضاء مكسية بكساء مجد فخر المعمودية ، أي الإنسان الجديد الذي نلتموه جميعاً من معمودية واحدة فيها حلول الروح القدس ، فآلفنا كنيسة واحدة وأعضاء مقدسة لله ، تتغير كل يوم لحساب مجد المسيح وفخر للكنيسة كلها ...
بعد الكلام ده موش هاقدر اقول حاجه

[aymonded]

فرح الله قلبك يا محبوب الله الحلو ...
ولنا أن نفرح أن قلوبنا مكشوفة بعضنا لبعض فتتنقى محبتنا من زوان عواطف الجسد المتقلبة بسبب كرامة الذات وأحياناً من كبرياء النفس التي لا تقبل ضعف الآخرين وسترة الخطايا ، فتلمع أعيننا وتصير أكثر نقاوة بالمحبة وأكثر قدرة على أن ترى مجد فخر ترابط الأحباء في نعمة حضور ربنا يسوع وسطنا هنا ، لأننا من جسده ولحمه وعظامه ...

أقبل مني مع الجميع كل تقدير بمحبة يا محبوب الله الحلو

[MICKEY]

يانهار ابيض
ايه ده كله ايه ده كله

وايه التوقيع الغريب اللي انت واخد منه اقتباس ده ياعم ظريف
انا توقيعي عكس كده خالص
حتي اقراه
اولا العشرة مش بتهون علي ولاد الحرام

انا وانت ياعم ظريف واكلين من طبق واحد
فاكر لما كنت عندكم في اليكس
واستاذ فرج اخوك جابلنا اكل
وانت كنت بتاكل من طبقي ياطفس
اهئ اهئ اهئ

ولا باقي الاعضاء لما كلنا مع بعض عيش وملح في
الزقازيق واليكس والكاتدرائية
مش كل ده عيش وملح

انا عمري مازعل منكم ابدا

انتم اكتر من اخواتي وربنا اللي يعلم

غير كده عندي مفاجأة حلوة ليكم
الواد اللي اسمه عماد حسني طالع ورايا علي السلم علي طول
وهيكتب مشاركته حالا
بس انا طلعت جري قبليه
عشان الحق اقعد علي الكمبيوتر

ياواد ياعماد تعالي وقولهم ان اللي هم كاتبينه ده ملهوش اساس من الصحه

اسف علي البلبله اللي عملها توقيعي
انا جاتلي كميه مكالمات مهوله ومن ارقام غريبة
انا لو اعرف اني غالي عندكم كده
كنت حطيت التوقيع ده من زمااااااااااان
نياهاهاهاهاهاا

واتقدم بالأسف الي كل واحد كلمني علي الموبايل ومردتش عليه

واهنئ زكاء كل عضو كلمني من رقم غريب وخلاني افتح عليه

وعاوز اقول حاجه لبولا لوفر
المعفن عمال يكلمني من رقمه اكتر من سبع مرات
ومصمم
مانت عارف اني مش بفتح علي الارقام اللي اعرفها ياعم الشهم
كل ده عشان واثق اني مش هفتح عليه
نياهاهاههاها

واكرر اسفي علي البلبله اللي عملها توقيعي مرة اخري

[Malak sokar]

حمداللة علي سلامتك وماتحرمناش منك تاني ياميكي

والة السلام يعطينا محبة وسلام امين

[عماد حسنى]

سلام لاغلى اعضاء فى الدنيا
ولاغلى منتدى بيجمعنا
سلام لكل عضو وكل عضوه
انا كنت بعيد شويه بس شويه ظروف وعديت الحمد لله
وانا مقدرش اسيب بيتنا ابدا
شكرا لاستاذ ظريف على الموضوع اللى بيرجع المحبه تانى
وبيبين اننا بقوه ربنا و بمحبتنا نقدر نقف قدام عدو الخير بكل قوه
شكرا حبيبى ميكى على انك جبتنى جرى بس انت اطول منى شويه وسبقتنى فى الجرى حاولت الحقك بس الطول بيفرق
انا بحب ارثوذكس
وبحب كل اخواتى ومقدرش اسيبه ولا ازعل من اى حد
ياريت لو فى اى حد زعل منى باى طريقه يعرف ان ده بغير قصد خالص
وربنا يديم روح المحبه والتسامح مابينا دايما
شكرا تانى استاذ ظريف على موضوعك
وانا مابينكم ومقدرش اسيب المنتدى لانى بحبه جدا وهو بيتى وبيتنا كلنا

[كيرو رافت]

ياسلااااااااااااااااااااا اام يا سلااااااااااااااااااااام
هو ده الكلااااااااااااااااااااا ااااااااااااااااااااااااا م
حمدالله على السلامه يا عمده
نورت بيتك يا ميكى
جاتكوا القرف بجد
قرفتونا
قصدى بجد فرحتونا من قلبنا

[MICKEY]

والأن مع الوجه المختفي منذ فترة
اللي بجد افتقدناه وافتقدنا طوله لسانه علي المنتده

نياهاهاهاهاهاها


حنان حنوووووووون


هي هتدخل ورايا حالا
بس انا سبقتها برضوا
اهي لسه طالعه علي السلم

الهي السلم يقطع نفسك يابعيده


نياهاهاهاهاهاها