[Malak sokar]

اوقات بتعدي علي الانسان مواقف بيبقي مش عارف اي واحد فيهم اصعب ولا هو الغاطان ولالا

هل الاصعب بعد انسان عنك بسبب كلمة قلتها ويقلك خلاص كدة انا مش عاوز منك حاجة سلام
ومهما تحاول تفهمة قصدك او تعطي تفسير مش عاوز يسمع
و بردو مش عاوز

الاحساس الوحيد اللي بيجيلك هو الندم انك اتكلمت او احساس تاني واصعب

وهو انك متباع وماعدش عاوزك
او انك حبيت انسان قاسي من البداية وهو مايستهلش حبك



ولا احساس تاني
وهو



انك تبقي مستني تفسير من شخص لموقف معين صدر منة

وتفضل مستني التفسير دة وهو مابيتكلمش ويبقي صامت
كانة بصمتة دة بيقلك انت ازاي تطلب مني تفسير انت ازاي اساسا تشك فيا
وبردو يمشي بعيد وتحس انك متباع او ماتستهلش تفسير بسبب شكك
وممكن يعدي عليك اوقات تقول فيها هو الي كان مايستهلش حبك


سوالي اي موقف من الاتنين اصعب

والسوال التاني هل انا الغلطان ولا الشخص التاني


معلش لو طولت ربنا يعطيكو نعمة وبركة

المصدر: †† ارثوذكس †† - من قسم: صندوق مناقشات الاعضاء

[minabobos]

وهو انك متباع وماعدش عاوزك
او انك حبيت انسان قاسي من البداية وهو مايستهلش حبك

دى اصعب حاجه عندى
وميرسى عمشاركاتك الجميله دى
تكون بركه

[iyiy]

بيتهيئلى الاول اصعب وفى الاول الشخص التانى هو اللى غلطان
اما الموقف التانى بيتهئلى ان هو اللى صح لا لو بتحبة بجد عمرك ماتشك فى اى حاجة ضدة لحظة

[elphilasouf]

بي يا ملاكى
هو اكيد الاتنين اصعب من بعض
بس التانى اكتر حبتين
بس الحل العتاب بين الاتنين ميرسي يا ملاكى ع سؤالك ربنا يعوضك

[zaza2006]

انا متهيالىء الاول صعب وميرسى ليكى ربنا يعوضك

[kottah_sh]

بصراحه قريت موضوعك مرتين
ومش عارفه اقرر الاتنين اصعب من بعض
يمكن علشان اكون جربت الاتنين فمش عارفه ارد
بجد اسفه كان نفسى ارد بس اوعدك لو عرفت هقولك

[brokenheart]

الاتنين اصعب من بعض صدقينى فعلا بجد مش عارفه اختاااااااااااااااااااااا اار...............................

[Malak sokar]

ميرسي لكل اخواتي الي شاركوني
افكارهم
ميرسي لمينا وبروكن وريري وفيلو وقطة ونهي
وربنا يفرحكو ويعوضكو

[محمد السابع]

بالنسبة ليا الاحساس الأول أصعب
أحيان كتيرة بكون عاوز الناس تفمي زي ما أنا بفهم كل لام الناس واللي وراء مقصد كلامهم
وديما بقول إني ممكن أفهم شخص أكترمن نفسه لأني بدقق وبركز في كل كلاه لأني مستمع جيد
مقابل كده بستى من الناس تسمعني زي ما بسمعها لكن بلاقي شبه صورة لا مبالاه وبتكون النتيجة أنهم بيفهموني في معظم الأحيان غلط

لكن ورغ كده بكل بساطة بعتبر نفسي أنا الغلطان في كل مرة
لأني ماشي على قاعدة بسيطة جدا وهي
( لو تلات متفرقين قالوا إني غلطان فتمسكي بأني على صواب ليس له معنى )

شكرا جدا على الموضوع الخفيف العميق ده

[عماد حسنى]

هما الاحساسين اصعب من بعض
بس يمكن الاول بيكون اكتر شويه
وموضوع انتى غلطانه ولا لاه متهيالى انك مش غلطانه لكن نتيجه للاحساس الزياده بيوصلك انك متباعه وندمانه زى ما قولتى
لكن الاختيار من الاول بيكون هو العامل الاساسى دايما
والحل هيكون فى ايديكى انتى وهو مدى احتياجك للشخص ده
يعنى ممكن تديله فرصه تانيه وبمحبتك تفتحى حوار تانى ولا خلاص قلبك كده اتقفل من ناحيته
عموما هو الموقفين صعبين جدا
ربنا يكون معاكى ويرشدك للاصلح ويعد عنك وعن كل اولاده كل تعب