[روما ديفيد]

ميرسى بجد ياستاذ أيمن على الموضوع الجميل ده اللى كلنا استفدنا منه وبرضوا مستنين الباقى من الموضوع
ربنا يعوض تعب محبتك

[aymonded]

النعمة معك يا محبوبة الله طالباً من الله أن يجعلنا نحيا حياة التوبة بكل إخلاص وأمانة

[جاسيكا]

ميرسى كتير لحضرتك

[aymonded]

العفو يا محبوبة الله ، النعمة معك

[أميرة عبده]

ميرسيه اوى على تعبك يا استاذ ايمن بس بعد أذنك انا عندى مشكله فى نفس الموضوع وبجد هتستنى ردكم علشان مش عوزه اعمل حاجه وتكون غلط . يوم الاحد اللى فات حصل موقف قدامى بصراحة ضايقنى اوى وهوه انى كنت معزومه فى فرح وبعد لما خلص وفى وجود الكاهن مع بعض المعازيم فوجئت بالكاهن بيتكلم مع واحده اعرفها فى الفرح عن مشاكل مع جوزها وبدون ما يراعى مشاعرها او خصوصياتها قدام المعازيم وباسلوب تجريح ودى حاجة ضايقتنى جدا لدرجة انها بعدها بتتكلم معايا وهيا محرجة اوى من اللى حصل وبتقولى هوه كده بيحب يدخل فى خصوصيات اى حد وبدون استأذان وحتى كمان هوه مش اب اعترافها وهيا مش عوزه تتكلم معاه تانى خالص وقلت لها انا مش هسكت لانى بجد اضيقت جداً من اللى حصل اعمل ايه بالرغم ان اسقف الايبارشيه التابع ليه متنيح وانا لو وجهته هعمل مشكله كبيره لانى اعرفه كويس وفيه كتير بيشتكه منه اتصرف ازاى اسفه على التطويل بس مستنيه ردودكم

[aymonded]

هو بصراحة طبعاً هذا التصرف لا يليق بكاهن مهما كانت أسبابه ودوافعه ، سواء رآها صحيحة أو ضرورية !!!

وأولاً لابد من معاتبته من أجل مخالفته الصريحة للقانون الكنسي وإفشاء أسرار الناس ؛ ولابد من الشكوى يا إما لكاهن أكبر منه سناً وله دلاله عنده ، يا أما لأسقفه وأن كان متنيح تصل الشكوى لسكرتارية البابا ...

ثانياً لا تتعامل معه بأي شكل من الأشكال ، ولا يُنصح بالاعتراف عنده لأن بهذا لا يصلح أن يتقبل اعتراف من أحد لأنه غير ضابط لنفسه وغير قادر على الحفاظ على أسرار الناس الذي أئتمنوه عليه أمام الله ، وبذلك خرج عن إطار سرّ قبوله الاعتراف وأسرار أعضاء الكنيسة ...

لأن خروج الأسرار الشخصية أمام الناس يمنع الكاهن من ممارسة سرّ الاعتراف إلا بعد أن يقدم توبة واعتذار عما بدر منه ، ويوضع عليه قانون توبة ولا يرجع لسرّ الاعتراف إلا بعد أن يتعهد أمام أسقفه أو البابا شخصياً ، انه لن يعود لمثل هذا التصرف الذي لا يليق بكاهن !!!

[أميرة عبده]

الله عليك يا استاذنا بجد ردك يا استاذ ايمن عجبنى جدا جدا ويمكن كلمة شكرا بالنسبالى مش كفيا عن تعبيرى لرد حضرتك المقنع والمتعقل بدون انفعالات لانى ممكن كنت اتكلم معاه بنفعلات تضرنى وتخلينى اغلط بدون قصد
بجد متشكره خالص

[aymonded]

العفو على إيه يا محبوبة الله الحلوة جداً في ربنا يسوع
ونحن لابد من أن لا نتسرع بل بالحب نتحرك وفق ما تعلمناه من الكنيسة الملهمة بالروح القدس ؛ أقبلي مني كل تقدير بمحبة يا أغلى أخت حلوة لنا ، النعمة معك كل حين

[رويس]

صدقني انا بقالي سنين بدور علي القوانين دي ومش لاقيها
حقيقي السلسه دي تستحق كل احترام وتقدير
ولنا رجاء عسي ان تنفذه ان اتيح لك الوقت وهو ان تجمع كل هذه السلسله بالترتيب في كتاب اليكتروني حتي يتسني للجميع تحميله والاستفاده منه

[aymonded]

أنت تأمر يا جميل ، وأوعدك أول لما أنتهي منها فعلاً هاجمعها في كتاب إلكتروني وارفعها على المنتدى ؛ أقبل مني كل تقدير بمحبة في ربنا يسوع الذي له المجد والكرامة كل حين