[minabobos]

ق. يا للي دايما لما ببعد تندهيلى والتعب من على الأكتاف تشيلى
تندهيلى تشيلى اسمحي لي يا تمحى ليلى اكليسيا اسمحي لي

ياللى شمسك لما تشرق تمحى ليلى اسمحي لى يا اكليسيا اسمحي
1- اسمحي لى تكونى أم ثانية ليا لما جيت من بطن أمي بالخطية2

دخلت بطنك جو جرن المعمودية (وارتضيتي مرة ثانية تولدينى)2

2- اسمحي لى أشكرك يا اكليسيا فيك روح الله ملاني وحل فيا

قلبي صار مذبح لربى بدون خطية لما جيتى بزيت مقدس ترشمينى

3- اسمحي لي أدخلك يا بيت فادينا وفى بيت المسيح تملى تثبتينا

جو قداس المحبة تجمعينا من جسد ودم ربى تشبعيني

4- اسمحي لى اعترف بذنبي عندك يا اللي لما أتوه تنادى عد لحضني

حتى وأنا تايه وعاصي برضه ابنك واما اجيلك من سوادي بتغسلينى

5- اسمحي لى يا للي أمجادك قصادى وان جا وقتي أبوس ترابك وأبقى راضى

يا اللي بتصلى عشان تزول أمراضي وبصلاتك بيجينى المسيح يشفيني

6- اسمحي لي أشكرك ومعاك أجاهد بتجيبي لي أيد مع أيدي تساعد

إحنا كنا اثنين وفيك فنبقا واحد حتى فى الأفراح بتيجى تقدسيني

7- اسمحي لي أخدمك واخدم ولادك يا اللي فى المحن بلقى قوام إرشادك

أخدمك يا اكليسيا وأعيش عشانك ما أنتي بالكهنوت يا أمي بتخدميني


الترنيمة دى جميل اوى
وبتكلم عن الكنيسة بجد روعه

المصدر: †† ارثوذكس †† - من قسم: قسم الترانيم المكتوبة

[وردة حزينة]

الترنيمه ده بجد فى منتهى الجمال يامينا
ميرسى خالص ليك
ربنا يعوض تعب محبتك

[MARMORAM]

بجد ترنيمه حلوه قوى

[مريم2009]

شكرااااااااا خالص انا بحب الترنيمه دي كتير
الرب يبارك حياتك