[بنت الدموع]

الانبا كاراس هو بطلي

أنا ماريان و مشتركة في جروب الانبا كاراس علي الفيس بوك و قريت مسدج عن معجزة "نحن ننسي و الانبا كاراس لا ينسي" معجزة جميلة أوي و شجعتني أني أقول معجزتي مع الانبا كاريس العظيم . أنا عرفت الانبا كاراس في ثانوي تقريبا من 7 سنين كنت في أولي ثانوي و صحبتي اديتني كتاب عن حياته و قريت الكتاب مرة واحدة و مش قريته تاني و في تانيه ثانوي الامتحانات كانت صعبة أوي و جيبت مجموع و حش (% 77) مش كنت هقدر ادخل الكلية اللي كنت عيزاها فصليت بأسم الانبا كاراس ان الوزير يتغير علشان اعرف ادخل الكلية و فعلا بعدها حصل تغير في الوزارة و اتغير الوزير حسين كامل بهاء الدين بعد ما كان وزير للتربية و التعليم لفترة طويلة و مش كان متوقع أنه يتغير و الوزير الجديد علشان كانت أول سنة له كانت الامتحانات كويسه كفاية علشان نقدر نعوض سنة تانية و أنا جيبت (% 94) ببركة شفاعة الانبا كاراس و كان مجموعي النهائي يناسب كلية تجارة انجليزي اللي أنا كنت عيزاها بس مش كنت هقبل في عين شمس فقدمت في حلوان وكانت السنة دي بتقبل أي مجموع بشرط تكون الثانوية من مدرسة لغات و رحت أقدم و كنت سيبه الموضوع في يد ربنا أولا و الانبا كاراس ثانيا و هناك عرفت ان الكلية أن الكلية صعبة و أن في أول سنة بيصفوا اكتر من نص الدفعة فشكرت ربنا أني عرفت و مش كملت هناك و بعد كده عرفت عن جامعة بنها بالصدفة بعد ما كنت هيأس و أقدم في كلية تانية و فجأة ربنا وضع الاختيار ده قدامي و رحت قدمت فيها و كانت الكلية قفلة قبلي بنص درجة و كنت في قائمة الانتظار و صليت كتير أوي للانبا كاراس علشان لو مش قبلت كنت هقدم في طنطا و كانت هتبقي صعبة عليا في السفر بس بمساعدة ربنا و بشفاعة الانبا كاراس الدفعة مش كملت 400 فنقصوا المجموع درجة كاملة و أنا كنت من أول الناس اللي اتقبلت و من سنة أولي و في اصعب المواد اسيبها علي الانبا كاراس و كان دائما بيقف معايا فيها و اجيب تقدير حتي و صلت سنة 4 و اليوم اللي قريت فيه معجزة "نحن ننسي و الانبا كاراس لا ينسي" كان أخر يوم في الامتحانات و كنت سيبه شفاعة المادة علي الانبا كاراس و كان الامتحان صعب بس أنا حسيت أني هادئة و بحل حتي لو كانت المسائل مش بتكمل للاخر بس كنت واثقة في ربنا و شفاعة الانبا كاراس ليا و لما رجعت لقيت تعزية ربنا في الرسالة اللي فيها المعجزة و حسيت أنه بيطمني أنه مش هينساني و أن المادة في أيد يسوع بشفاعة الانبا كاراس . بركة صلاته و شفاعته تكون معنا
امين

المصدر: †† ارثوذكس †† - من قسم: معجزات القديسين والقديسات

[bent elmalek_461]

الله يا ماريان معجزتك جميلة ربنا والانبا كاراس معاكى ويحافظ عليكى

[بنت الدموع]

[tota _2010]

الله بجد معجزتها جميييييلة جداا وانا برضو بتشفع بالانبا كاراس لانه عظيييم بجد

ميرسي مرمر علي موضوعك الراائع ده بجد...الرب يبارك حياتك

[بنت الدموع]

[jojo2020]

طوباك يا انبا كاراس لا تنسااااااااااااااااااانا فى صلاتك وميررسى على المعجزة الجميلة دى وبركة شفيعك لاتترك ابدا

[بنت الدموع]

[الامير الحزين]

شكراااااااااااااااااااااا ااااااااااااااااااا
معجزة جميلة

[بنت الدموع]