[Yashaf3ty]

الاول عاوزة اشكر ام النور انها صابرة عليا
وكنت مترددة مووت اكتب المعجزة دى لبساطتها
بس انا وعدتها انها لو شافتنى هاكتب اللى حصلى ده
بمعجزة ف المنتدى هنا وكمان هاعملها تمجيد

++++++++

الموضوع ده حصلى وانا ف مصيف باسكندرية السنة دى ف شهر 9 بالمعمورة 2009

المهم كان بقالى كذا يوم مش بنزل البحر عشان فضل كذا يوم البحر هايج اوى
والامواج شديدة وجامدة موووت فكان اخويا ف البحر وقتها وكان نفسى موت انزل
المهم قولت هانزل وخلاص العب شوية واطلع تانى
اهو نزلت البحر وكان ف ناس كتير وزحمة برده وبقيت مع اخويا
فقالى تعالى ندخل جوا افضل من برا عشان الموجة بتدفعنا برا قوى فدخلت معاه
وحاجة بجد غريبة موت الارض بتتسحب من تحتنا بسرعة قوى وتيجى مرة واحدة الموجة بترتفع فوقنا ب 3 متر كدة وقوية جدا زى دوران من تحت لفوق وتنزل ع دماغنا
لازم لازم الكل يقع حتى ولو بتعرف تعوم لازم تقع لولا اننا ماسكين ف ايد بعض كنا بجد توهنا وغرقت منه بجد لانه كان بيشدنى ويطلعنى فوق
لان فعلا شربت كتير ماية وكنت هاموت فعلا لان الموجة بتيجى ورا بعضها يعنى مش بتلحق تقوم من جوا الماية

نظام كله ضرب ضرب مفيش شتيمة هههههههه
بامانة كانت حاجة صعبة اوى
ولا عارفين نطلع من الماية دى ولا عارفين حتى نعوم ولا نقف

المهم ف الاخر رزعتنا كام موجة ورا بعض وقعنا ودفعة الموجة طلعتنا برا نشكر العدرا

المشكلة بقى بعد كدة ان كمية رملة جامدة اوى دخلت ف عينى الشمال
ومشعارفة ابص ناحية الشمال خالص تقريبا الموجة طبعا كانت مليانة رملة فكانت بتندفع فينا ولما وقعت عالارض كمان الرملة دخلت ف عينى اكتر

احاول احط عينى ف ماية مفيش خالص وعينى وجعتنى مووت واحمرت والتهبت قوى
وكمان انا بلبس نضارة فالحياة كانت صعبة اوى

لدرجة قرنية العين نفسها التهبت وورمت صدقونى عينى مش كنت بعرف حتى ارمش او اقفلها وافتحها مؤلمة بشكل صعب اوى

فيأست شوية قولت هاعمل ايه ياربى يعنى مش هاشوف تانى ولا ايه

دخلت اخد شاور وقعدت اكلم نفسى كدة طيب ياعدرا انا كدة مش هاعرف اواظب او ادخل المنتدى تانى مانا مش هاعرف اشوف بقى عينى باظت

فغمضت عينى خالص كأنى بصلى
فقولت ايه بصى يا مامتى العدرا عارفة انك حنينة اوى وبتحبينى خالص
لو شفيتيلى عينى انا هاكتب بالمعجزة دى كلها
وهاعملك تمجيد دلوقتى حالا

وبجد بجد بامانة صدقونى بحركة غير ارادية فتحت عينى وببص شمال
لاقيت عينى مش فيها ولا رملاية ولا فيها اى وجع زى الاول
وعسل اوى بجد وانبسطت مووووووووت قوى لان
حسيت ان العدرا معايا وسمعانى
وفعلا وبامانة وانا لسة ف الشاور قولت التمجيد وبصوت عالى من جوايا
طبعا حافظاه لانى بموت ف ماما العدرا

وطلعت ل ماما قولتلها الحقى الحقى بصى عينى
ماما العدرا شفيتها بجد صدقينى حتى بصى اهى مش بقى فيها رمل

طبعا لما كنت بدعك ف عينى عند الجفن عشان ينزل الرمل فكان ده كله
عملى زى التهاب وورم ف العين واحمرار جامد
ونشكر ربنا خدت قطرة للعين وده كله راح ف يومين بس

من بعد مالمستنى ام النور حبيبتى وشفيعتى

ماحبتش ارجعلكم المنتدى تانى بعين واحدة

الحقيقة بشكرها اوى انها شجعتنى اكتب المعجزة دى
وع انى كمان مانسيتش منها ولا كلمة واحدة


شفاعتها وبركتها ومحبتها تكون معانا كلنا اميـــن

اختكم/جيجى من اسرة ياشفعتى

المصدر: †† ارثوذكس †† - من قسم: معجزات القديسين والقديسات

[jojo2020]

يا بختك يا ستى وعلى فكرة هى بتقولك وبتقولنا انها بتحبناااااااا واحنا كمان بنحبها اوووووووووووووووى وبركتها هتكون دايما معانا ميررررسى

[Yashaf3ty]

ميرسي بوكو ياجوجو عالمرور الجميل
وبركة امى العدرا دايما معاك

[اسامه سمسم]

بجد يا جى جى معجزة جميله وسريعة الندهى
بس الاهم بجد ايمانك القوى
بركة ام النور تكون معانا امين

[koko_4m]

حمدلله على سلمتك ياجى جى
بامانه معجزه روعه ومش بسيطه زى ما انتى بتقولى
دى معجزه فى نور العين
بشفاعة ام النور كله عينك رجعت زى ماكنت
وربنا معاكى وشفاعة ام النور معانه كلنا

[ملكه الاحزان]

معجزه جميله اوي ياجيجي وفعلا العدرا عمرها مابتسبنا
والف حمدلله علي السلامه ياجميل

[my_life]

حمدلله على سلامتك ياقمر
ماما العدرا حتى لو زعلانه مننا بتوقف معانا وجنبنا
ولا عمرها سابتنا ولا بتسيبنا علشان هى امنا حبيبت قلبنا
بركة صلواتها تكون معانا جميعا اميييييييييييييييييييين

[modo]

معجزة حلوة اووي بجد
بركه صلاتها تكون معانا كلنا
و حمد الله علي سلامتك

[ماروجيرافك]

صدقيني يا جيجي احنا عايشين في الدنبا دي بصلاوتهم من اجلنا
وخصوصا ام النور الحنينه دايمت علي اولادها
بركه شفاعتها تكون معنا امين وحمدله علي سلامتك

[Team Work®]

بركة صلوات ماما العدرا تكون مع جميعنا امين وبشفعتها وصلوتها تكون مع الجميع امين

ونشكر ربنا وماما العدرا على مد ايدهم معاكى ورجوعك لينا بالسلامة وربنا يتمجد

فاليتمجد اسم الرب فى كل حين

شكرا